ਭਾਰਤ ਵਿਚ ਇੰਡੀਗੋ, ਏਅਰ ਇੰਡੀਆ ਗਰੁੱਪ ਦੀਆਂ 338 ਉਡਾਣਾਂ ਪ੍ਰਭਾਵਿਤ

ਨਵੀਂ ਦਿੱਲੀ, 29 ਨਵੰਬਰ- ਏਅਰਬੱਸ ਦੇ ਏ320 ਸੀਰੀਜ਼ ਦੇ ਜਹਾਜ਼ ਦੁਨੀਆ ਦੇ ਸਭ ਤੋਂ ਵੱਧ ਵਿਕਣ ਵਾਲੇ ਜਹਾਜ਼, ਤੀਬਰ ਸੂਰਜੀ ਰੇਡੀਏਸ਼ਨ ਦੇ ਖ਼ਤਰੇ ਦਾ ਸਾਹਮਣਾ ਕਰ ਰਹੇ ਹਨ। ਇਹ ਉਡਾਣ ਨਿਯੰਤਰਣ ਡੇਟਾ ਨੂੰ ਖਰਾਬ ਕਰ ਸਕਦਾ ਹੈ, ਜਿਸ ਨਾਲ ਉਚਾਈ, ਦਿਸ਼ਾ ਅਤੇ ਨਿਯੰਤਰਣ ਵਰਗੀ ਮਹੱਤਵਪੂਰਨ ਜਾਣਕਾਰੀ ਗਲਤ ਹੋ ਸਕਦੀ ਹੈ।

ਇਸ ਤਕਨੀਕੀ ਮੁੱਦੇ ਨੂੰ ਹੱਲ ਕਰਨ ਲਈ ਫਰਾਂਸੀਸੀ ਹਵਾਬਾਜ਼ੀ ਕੰਪਨੀ ਏਅਰਬੱਸ ਨੇ ਸਾਰੀਆਂ ਏਅਰਲਾਈਨਾਂ ਨੂੰ ਆਪਣੇ ਏ320 ਸੀਰੀਜ਼ ਦੇ ਜਹਾਜ਼ਾਂ 'ਤੇ ਸਾਫਟਵੇਅਰ ਅਪਡੇਟ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਇਸ ਨਾਲ ਦੁਨੀਆ ਭਰ ਦੇ 6000 ਜਹਾਜ਼ਾਂ ਦੇ ਸੰਚਾਲਨ 'ਤੇ ਅਸਰ ਪੈ ਸਕਦਾ ਹੈ। ਸਾਫਟਵੇਅਰ ਅਪਡੇਟ ਕਾਰਨ ਭਾਰਤ ਵਿਚ ਕੋਈ ਵੀ ਉਡਾਣ ਰੱਦ ਨਹੀਂ ਕੀਤੀ ਗਈ ਹੈ, ਪਰ ਕੁਝ ਉਡਾਣਾਂ 60-90 ਮਿੰਟ ਦੀ ਦੇਰੀ ਦਾ ਸਾਹਮਣਾ ਕਰ ਰਹੀਆਂ ਹਨ। ਇੰਡੀਗੋ, ਏਅਰ ਇੰਡੀਆ ਅਤੇ ਏਅਰ ਇੰਡੀਆ ਐਕਸਪ੍ਰੈਸ ਭਾਰਤ ਵਿਚ ਏ320 ਸੀਰੀਜ਼ ਦੇ ਜਹਾਜ਼ ਚਲਾਉਂਦੇ ਹਨ।

ਡਾਇਰੈਕਟੋਰੇਟ ਜਨਰਲ ਆਫ਼ ਸਿਵਲ ਏਵੀਏਸ਼ਨ ਦੇ ਅਨੁਸਾਰ ਸ਼ਨੀਵਾਰ ਸਵੇਰੇ 10 ਵਜੇ ਤੱਕ ਕੁੱਲ 338 ਜਹਾਜ਼ਾਂ ਵਿਚੋਂ 189 ਏ320 ਸੀਰੀਜ਼ ਦੇ ਜਹਾਜ਼ਾਂ 'ਤੇ ਸਾਫਟਵੇਅਰ ਅਪਗ੍ਰੇਡ ਪੂਰੇ ਹੋ ਗਏ ਹਨ। ਸਾਰੇ ਪ੍ਰਭਾਵਿਤ ਜਹਾਜ਼ਾਂ 'ਤੇ ਸਾਫਟਵੇਅਰ ਅਪਗ੍ਰੇਡ 30 ਨਵੰਬਰ ਨੂੰ ਸਵੇਰੇ 5:29 ਵਜੇ ਤੱਕ ਪੂਰੇ ਹੋਣ ਦੀ ਉਮੀਦ ਹੈ।