ਗੈਂਗਸਟਰ ਅਨਮੋਲ ਬਿਸ਼ਨੋਈ ਦੇ ਰਿਮਾਂਡ 'ਚ ਵਾਧਾ

ਚੰਡੀਗੜ੍ਹ, 29 ਨਵੰਬਰ-  ਪਟਿਆਲਾ ਹਾਊਸ ਕੋਰਟ ਨੇ ਗੈਂਗਸਟਰ ਅਨਮੋਲ ਬਿਸ਼ਨੋਈ ਦੇ ਰਿਮਾਂਡ ਵਿਚ ਵਾਧਾ ਕਰ  ਦਿੱਤਾ ਹੈ। ਕੋਰਟ ਨੇੇ ਐਨਆਈਏ ਨੂੰ 7 ਦਿਨਾਂ ਲਈ ਅਨਮੋਲ ਬਿਸ਼ਨੋਈ ਦਾ  ਹੋਰ ਰਿਮਾਂਡ ਦਿੱਤਾ ਹੈ। ਵਿਸ਼ੇਸ਼ ਜੱਜ ਨੇ ਐਨਆਈਏ ਹੈੱਡਕੁਆਰਟਰ ਵਿਚ ਮਾਮਲੇ ਦੀ ਸੁਣਵਾਈ ਕੀਤੀ। ਅਨਮੋਲ ਨੇ ਇਕ ਅਰਜ਼ੀ ਦਾਇਰ ਕੀਤੀ ਸੀ ਜਿਸ ਵਿਚ ਕਿਹਾ ਗਿਆ ਸੀ ਕਿ ਉਸਦੀ ਜਾਨ ਨੂੰ ਖ਼ਤਰਾ ਹੈ। ਇਸ ਤੋਂ ਬਾਅਦ ਅਦਾਲਤ ਨੇ ਐਨਆਈਏ ਹੈੱਡਕੁਆਰਟਰ ਵਿਚ ਸੁਣਵਾਈ ਕਰਨ ਦਾ ਫੈਸਲਾ ਕੀਤਾ।