ਅਕਾਲੀ ਦਲ ਪੁਨਰ ਸੁਰਜੀਤ ਨੇ ਕਾਲਾ ਭੁੱਲਰ ਨੂੰ ਐਲਾਨਿਆ ਬਲਾਕ ਸੰਮਤੀ ਉਮੀਦਵਾਰ

ਲੌਂਗੋਵਾਲ, 29 ਨਵੰਬਰ (ਵਿਨੋਦ ਸ਼ਰਮਾ) - ਪੰਜਾਬ ਸਰਕਾਰ ਵੱਲੋਂ ਬਲਾਕ ਸੰਮਤੀ ਅਤੇ ਜ਼ਿਲ੍ਹਾ ਪ੍ਰੀਸ਼ਦ ਦੀਆਂ ਚੋਣਾਂ ਸਬੰਧੀ ਨੋਟੀਫਿਕੇਸ਼ਨ ਜਾਰੀ ਹੁੰਦਿਆਂ ਹੀ ਵੱਖ-ਵੱਖ ਰਾਜਨੀਤਕ ਪਾਰਟੀਆਂ ਵਲੋਂ ਸਰਗਰਮੀਆਂ ਆਰੰਭ ਦਿੱਤੀਆਂ ਗਈਆਂ ਹਨ। ਇਸ ਸਬੰਧ ਵਿਚ ਲੌਂਗੋਵਾਲ ਇਲਾਕੇ ਤੋਂ ਅਕਾਲੀ ਦਲ ਪੁਨਰ ਸੁਰਜੀਤ ਵਲੋਂ ਪਹਿਲ ਕਰਦਿਆਂ ਬਲਾਕ ਸੰਮਤੀ ਜ਼ੋਨ ਭਾਈ ਕੀ ਸਮਾਧ ਲੌਂਗੋਵਾਲ ਤੋਂ ਦੀਦਾਰ ਸਿੰਘ ਕਾਲਾ ਭੁੱਲਰ ਨੂੰ ਉਮੀਦਵਾਰ ਐਲਾਨਿਆ ਗਿਆ ਹੈ।

ਇਸ ਸਬੰਧੀ ਗੁਰਦੁਆਰਾ ਕੈਬੋਵਾਲ ਸਾਹਿਬ ਵਿਖੇ ਭਾਈ ਗੋਬਿੰਦ ਸਿੰਘ ਲੌਂਗੋਵਾਲ ਸਾਬਕਾ ਪ੍ਰਧਾਨ ਸ਼੍ਰੋਮਣੀ ਕਮੇਟੀ ਦੀ ਅਗਵਾਈ ਵਿਚ ਹੋਈ ਮੀਟਿੰਗ ਹੋਈ ਵਿਚ ਨੌਜਵਾਨ ਆਗੂ ਅਮਨਵੀਰ ਸਿੰਘ ਚੈਰੀ ਵੀ ਉਚੇਚੇ ਤੌਰ ਉਤੇ ਸ਼ਾਮਲ ਹੋਏ। ਇਸ ਮੀਟਿੰਗ ਵਿਚ ਸਮੂਹ ਵਰਕਰਾਂ ਵਲੋਂ ਸਰਬ ਸੰਮਤੀ ਨਾਲ ਦੀਦਾਰ ਸਿੰਘ ਕਾਲਾ ਭੁੱਲਰ ਨੂੰ ਭਾਈ ਕੀ ਸਮਾਧ ਜ਼ੋਨ ਤੋਂ ਉਮੀਦਵਾਰ ਬਣਾਏ ਜਾਣ ਉਤੇ ਸਹਿਮਤੀ ਪ੍ਰਗਟ ਕੀਤੀ ਗਈ ਹੈ।

ਇਸ ਮੌਕੇ ਕਾਕਾ ਨਵਿੰਦਰਪ੍ਰੀਤ ਸਿੰਘ ਲੌਂਗੋਵਾਲ, ਦਲਜੀਤ ਸਿੰਘ ਸਿੱਧੂ ਡੈਲੀਗੇਟ, ਡੈਲੀਗੇਟ ਗੁਰਚਰਨ ਸਿੰਘ ਦਰਾਕਾ, ਰਾਮ ਸਿੰਘ ਵਡਿਆਨੀ, ਜਵੰਦ ਸਿੰਘ ਭੁੱਲਰ, ਜਗਦੀਸ਼ ਪੱਪੀ, ਬੁੱਧ ਸਿੰਘ ਸਰਪੰਚ, ਅਮਰਜੀਤ ਸਿੰਘ ਪੀ. ਏ., ਬੱਲਮ ਸਿੰਘ, ਬਹਾਦਰ ਸਿੰਘ ਸਰਪੰਚ, ਪਿਆਰਾ ਸਿੰਘ ਭੁੱਲਰ, ਭੋਲਾ ਸਿੰਘ ਹੀਰੋਂ, ਬਾਬੂ ਸਿੰਘ ਸਰਪੰਚ, ਨਿਸ਼ਾਨ ਸਿੰਘ ਸਾ. ਸਰਪੰਚ, ਭੋਲਾ ਸਿੰਘ ਸਾਬਕਾ ਸਰਪੰਚ, ਬਲਵਿੰਦਰ ਸਿੰਘ, ਰਣਵੀਰ ਸਿੰਘ ਜੱਸੇ ਕਾ ਅਤੇ ਪੰਚ ਨਛੱਤਰ ਸਿੰਘ ਹਾਜ਼ਰ ਸਨ।