ਫ਼ਿਰੋਜ਼ਪੁਰ- ਫ਼ਾਜ਼ਿਲਕਾ ਮਾਰਗ ਤੇ ਸ਼ੇਖ ਵਾਲੀ ਪੁਲੀ ਕੋਲ ਰੋਡਵੇਜ ਦੀ ਬੱਸ ਤੇ ਫਾਇਰਿੰਗ, ਕਡੰਕਟਰ ਜ਼ਖ਼ਮੀ

ਮਮਦੋਟ ( ਫਿਰੋਜਪੁਰ)2 ਦਸੰਬਰ ( ਰਾਜਿੰਦਰ ਸਿੰਘ ਹਾਂਡਾ) - ਫ਼ਿਰੋਜ਼ਪੁਰ ਤੋ ਚੱਲ ਸ਼੍ਰ ਗੰਗਾਨਗਰ। ਜਾ ਰਹੀ ਪੰਜਾ ਰੋਡਵੇਜ ਦੀ ਬੱਸ ਨੰਬਰ ਪੀ ਬੀ 05 ਏ ਬੀ 5835 ਤੇ ਰਸਤੇ ਵਿੱਚ ਪਿੰਡ ਪੀਰ ਖਾਂ ਸ਼ੇਖ( ਸ਼ੇਖਾਂ ਵਾਲੀ ਪੁਲੀ) ਮੋਟਰਸਾਈਕਲ ਸਵਾਰ ਤਿੰਨ ਬਦਮਾਸ਼ਾਂ। ਵਲੋਂ ਫਾਇਰਿੰਗ ਕੀਤੀ ਗਈ ਹੈ, ਜਿਸ ਨਾਲ ਬੱਸ ਦਾ ਕੰਡਕਟਰ ਜ਼ਖ਼ਮੀ ਹੋ ਗਿਆ। ਜਿਸਤੋ ਬਾਅਦ ਬੱਸ ਚਾਲਕ ਵੱਲੋਂ ਬੱਸ ਰੋਡ ਤੇ ਪੈਂਦੇ ਥਾਣਾ ਲੱਖੋ ਕੇ ਬਹਿਰਾਮ ਵਿਖੇ ਲਿਆ ਕੇ ਰੋਕ ਦਿੱਤੀ ਗਈ। ਘਟਨਾ ਸਬੰਧੀ ਜਾਣਕਾਰੀ ਦਿੰਦਿਆਂ ਬੱਸ ਦੇ ਕੰਡਕਟਰ ਅਮਨਦੀਪ ਸਿੰਘ ਨੇ ਦੱਸਿਆ ਕਿ ਉਹ ਸਵਾਰੀਆਂ ਨਾਲ ਭਰੀ ਬੱਸ ਲੈ ਕੇ ਆ ਰਹੇ ਸਨ ਕਿ ਅਚਾਨਕ ਮੋਟਰ ਸਾਈਕਲ ਤੇ ਸਵਾਰ ਤਿੰਨ ਨੌਜਵਾਨਾਂ ਨੇ ਮੋਟਰਸਾਈਕਲ ਪਾਸ ਕਰਕੇ ਬੱਸ ਤੇ 2 ਫਾਇਰ ਕੀਤੇ ਜਿਨ੍ਹਾਂ ਦੇ ਕੁਝ ਸ਼ਰੇ ਉਸਦੀ ਲੱਤ ਵਿੱਚ ਲੱਗੇ, ਉਨ੍ਹਾਂ ਦੱਸਿਆ ਕਿ ਬਦਮਾਸ਼ ਗੋਲੀਆਂ ਮਾਰਨ ਤੋਂ ਬਾਅਦ ਉੱਥੋਂ ਫਰਾਰ ਹੋ ਗਏ। ਉਨ੍ਹਾਂ ਦੱਸਿਆ ਕਿ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ, ਜਦਕਿ ਥਾਨਾਂ ਲੱਖੋ ਕੇ ਬਹਿਰਾਮ ਦੀ ਪੁਲਿਸ ਦਾ ਕਹਿਣਾ ਹੈ ਕਿ ਘਟਨਾ ਸਥਾਨ ਮਮਦੋਟ ਥਾਣੇ ਅਧ ਆਉਂਦਾ ਹੈ, ਉਹਨਾਂ ਨੂੰ ਸੂਚਿਤ ਕੀਤਾ ਗਿਆ ਹੈ। ਖਬਰ ਲਿਖੇ ਜਾਣ ਤੱਕ ਥਾਣਾ ਮਮਦੋਟ ਦੀ ਪੁਲਿਸ ਮੌਕੇ ਤੇ ਪਹੁੰਚ ਗਈ ਸੀ ਤੇ ਪੁੱਛਗਿੱਛ ਤੇ ਕਾਰਵਾਈ ਜਾਰੀ ਸੀ। ਉਧਰ ਇਸ ਘਟਨਾ ਕਾਰਨ ਇਲਾਕੇ ਵਿੱਚ ਦਹਿਸ਼ਤ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ। ਕੈਪਸ਼ਨ ਗੋਲੀਬਾਰੀ ਦੀ ਵਾਰਦਾਤ ਦਾ ਸ਼ਿਕਾਰ ਹੋਈ ਬੱਸ ਅਤੇ ਜਾਣਕਾਰੀ ਦਿੰਦਾ ਹੋਇਆ ਜ਼ਖ਼ਮੀ ਹੋਇਆ ਕੰਡਕਟਰ।