ਖਾਦੀ ਇਕ ਕੱਪੜਾ ਨਹੀਂ, ਸਗੋਂ ਭਾਰਤ ਦੇ ਲੋਕਾਂ ਦੀ ਭਾਵਨਾ ਹੈ- ਰਾਹੁਲ ਗਾਂਧੀ

ਨਵੀਂ ਦਿੱਲੀ, 9 ਦਸੰਬਰ (ਏ.ਐਨ.ਆਈ.)-ਲੋਕ ਸਭਾ 'ਚ ਵਿਰੋਧੀ ਧਿਰ ਦੇ ਨੇਤਾ ਅਤੇ ਕਾਂਗਰਸ ਦੇ ਸੰਸਦ ਮੈਂਬਰ ਰਾਹੁਲ ਗਾਂਧੀ ਨੇ ਕਿਹਾ, "ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਮਹਾਤਮਾ ਗਾਂਧੀ ਨੇ ਖਾਦੀ 'ਤੇ ਇੰਨਾ ਜ਼ੋਰ ਕਿਉਂ ਦਿੱਤਾ? ਉਨ੍ਹਾਂ ਨੇ ਪੂਰੇ ਭਾਰਤੀ ਆਜ਼ਾਦੀ ਸੰਘਰਸ਼ ਨੂੰ ਖਾਦੀ ਦੇ ਸੰਕਲਪ ਦੇ ਆਲੇ-ਦੁਆਲੇ ਕਿਉਂ ਬਣਾਇਆ ਅਤੇ ਉਨ੍ਹਾਂ ਨੇ ਸਿਰਫ਼ ਖਾਦੀ ਹੀ ਕਿਉਂ ਪਹਿਨੀ? ਕਿਉਂਕਿ ਖਾਦੀ ਸਿਰਫ਼ ਇਕ ਕੱਪੜਾ ਨਹੀਂ ਹੈ, ਖਾਦੀ ਭਾਰਤ ਦੇ ਲੋਕਾਂ ਦਾ ਪ੍ਰਗਟਾਵਾ ਹੈ; ਇਹ ਕਲਪਨਾ ਹੈ, ਇਹ ਭਾਵਨਾ ਹੈ, ਇਹ ਭਾਰਤ ਦੇ ਲੋਕਾਂ ਦੀ ਉਤਪਾਦਕ ਸ਼ਕਤੀ ਹੈ... ਤੁਸੀਂ ਜਿਸ ਵੀ ਰਾਜ ਵਿੱਚ ਜਾਓਗੇ, ਤੁਹਾਨੂੰ ਵੱਖ-ਵੱਖ ਕੱਪੜੇ ਮਿਲਣਗੇ। ਹਿਮਾਚਲੀ ਟੋਪੀਆਂ, ਅਸਾਮੀ ਗਮਚੇ, ਬਨਾਰਸੀ ਸਾੜੀਆਂ, ਕਾਂਚੀਪੁਰਮ ਸਾੜੀਆਂ, ਨਾਗਾ ਜੈਕਟਾਂ, ਅਤੇ ਤੁਸੀਂ ਦੇਖੋਗੇ ਕਿ ਇਹ ਸਾਰੇ ਕੱਪੜੇ ਲੋਕਾਂ ਨੂੰ ਦਰਸਾਉਂਦੇ ਹਨ... ਇਹ ਕੱਪੜੇ ਸੁੰਦਰ ਹਨ... ਕੋਈ ਵੀ ਧਾਗਾ ਦੂਜੇ ਨਾਲੋਂ ਬਿਹਤਰ ਨਹੀਂ ਹੈ।

ਉਨ੍ਹਾਂ ਅੱਗੇ ਕਿਹਾ ਕਿ ਧਾਗੇ ਤੁਹਾਡੀ ਰੱਖਿਆ ਨਹੀਂ ਕਰ ਸਕਦੇ, ਧਾਗੇ ਤੁਹਾਨੂੰ ਗਰਮ ਨਹੀਂ ਰੱਖ ਸਕਦੇ ਪਰ ਜਦੋਂ ਉਹ ਇਕ ਕੱਪੜੇ ਦੇ ਰੂਪ ਵਿਚ ਇਕੱਠੇ ਹੁੰਦੇ ਹਨ, ਤਾਂ ਉਹ ਤੁਹਾਨੂੰ ਗਰਮ ਰੱਖ ਸਕਦੇ ਹਨ, ਤੁਹਾਡੀ ਰੱਖਿਆ ਕਰ ਸਕਦੇ ਹਨ ਅਤੇ ਤੁਹਾਡੇ ਦਿਲ 'ਚ ਕੀ ਹੈ, ਨੂੰ ਪ੍ਰਗਟ ਕਰ ਸਕਦੇ ਹਨ। ਇਸੇ ਤਰ੍ਹਾਂ, ਸਾਡਾ ਦੇਸ਼ 1.4 ਅਰਬ ਲੋਕਾਂ ਦਾ ਬਣਿਆ ਕੱਪੜਾ ਹੈ, ਅਤੇ ਇਹ ਕੱਪੜਾ ਵੋਟਾਂ ਨਾਲ ਬੁਣਿਆ ਗਿਆ ਹੈ। ਇਹ ਘਰ ਜਿੱਥੇ ਮੈਂ ਅੱਜ ਹਾਂ," ਮੈਂ ਖੜ੍ਹਾ ਹਾਂ, ਲੋਕ ਸਭਾ, ਰਾਜ ਸਭਾ, ਦੇਸ਼ ਭਰ ਦੀਆਂ ਵਿਧਾਨ ਸਭਾਵਾਂ, ਦੇਸ਼ ਭਰ ਦੀਆਂ ਪੰਚਾਇਤਾਂ, ਜੇਕਰ ਵੋਟਾਂ ਨਾ ਹੁੰਦੀਆਂ ਤਾਂ ਇਨ੍ਹਾਂ ਵਿਚੋਂ ਕੁਝ ਵੀ ਨਾ ਹੁੰਦਾ।"