ਹਿੰਦ ਮਹਾਸਾਗਰ ਖੇਤਰ ਵਿਚ ਪਸੰਦੀਦਾ ਭਾਈਵਾਲ ਵਜੋਂ ਮੁੱਖ ਭੂਮਿਕਾ ਨਿਭਾਉਂਦਾ ਹੈ ਭਾਰਤ - ਸੀਡੀਐਸ ਜਨਰਲ ਚੌਹਾਨ

ਚੰਡੀਗੜ੍ਹ, 9 ਨਵੰਬਰ - ਚੀਫ਼ ਆਫ਼ ਡਿਫੈਂਸ ਸਟਾਫ਼ ਜਨਰਲ ਅਨਿਲ ਚੌਹਾਨ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਵਿਸ਼ਵ ਸ਼ਕਤੀ ਲਈ ਸੰਘਰਸ਼ ਜੋ ਕਦੇ ਜ਼ਮੀਨ ਤੋਂ ਲੈ ਕੇ ਅਸਮਾਨ ਤੱਕ ਭੂਗੋਲਿਕ ਨਿਯੰਤਰਣ ਲਈ ਸੀ, ਹੁਣ ਪੁਲਾੜ ਦੇ ਨਾਲ-ਨਾਲ ਸਾਈਬਰਸਪੇਸ ਅਤੇ ਬੋਧਾਤਮਕ ਖੇਤਰ ਵਿਚ ਵੀ ਫੈਲ ਗਿਆ ਹੈ। ਇਸ ਤੋਂ ਇਲਾਵਾ, ਉਨ੍ਹਾਂ ਕਿਹਾ ਕਿ ਭਾਰਤ ਇਕ ਮਹਾਂਦੀਪੀ ਅਤੇ ਸਮੁੰਦਰੀ ਸ਼ਕਤੀ ਹੈ, ਹਿੰਦ ਮਹਾਸਾਗਰ ਖੇਤਰ ਵਿਚ ਇਕ ਪ੍ਰਮੁੱਖ ਥਾਂ ਰੱਖਦਾ ਹੈ ਅਤੇ ਇਸ ਲਈ, ਇਹ "ਹਮੇਸ਼ਾ ਕਿਸੇ ਵੀ ਹੋਰ ਦੇਸ਼ ਲਈ ਪਹਿਲਾ ਜਵਾਬ ਦੇਣ ਵਾਲਾ ਅਤੇ ਪਸੰਦੀਦਾ ਭਾਈਵਾਲ ਹੁੰਦਾ ਹੈ।"
ਜਨਰਲ ਚੌਹਾਨ ਚੰਡੀਗੜ੍ਹ ਵਿਚ 'ਹਾਰਟਲੈਂਡ ਅਤੇ ਰਿਮਲੈਂਡ ਸ਼ਕਤੀਆਂ ਇਕ ਬਹੁ-ਡੋਮੇਨ ਯੁੱਧ ਵਿਚ ਅਤੇ ਭਾਰਤ' ਥੀਮ ਵਾਲੇ 9ਵੇਂ ਮਿਲਟਰੀ ਲਿਟਰੇਚਰ ਫੈਸਟੀਵਲ 2025 ਨੂੰ ਸੰਬੋਧਨ ਕਰ ਰਹੇ ਸਨ।