ਭਾਰਤ ਤੇ ਇਜ਼ਰਾਇਲ ਦਾ ਖੇਤੀ ਸਹਿਯੋਗ 'ਚ ਲੰਬਾ ਇਤਿਹਾਸ- ਮੋਦੀ

 ਜੇਰੂਸ਼ਲਮ, 26 ਫਰਵਰੀ (ਏ.ਐਨ.ਆਈ.)-ਇਜ਼ਰਾਇਲੀ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨਾਲ ਇਕ ਸਾਂਝੀ ਪ੍ਰੈਸ ਬ੍ਰੀਫਿੰਗ ਨੂੰ ਸੰਬੋਧਨ ਕਰਦੇ ਹੋਏ, ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ, "ਸਾਡੇ ਦੋਵਾਂ ਦੇਸ਼ਾਂ ਵਿਚਕਾਰ ਖੇਤੀਬਾੜੀ ਸਹਿਯੋਗ ਦਾ ਇਕ ਲੰਮਾ ਅਤੇ ਸਫਲ ਇਤਿਹਾਸ ਹੈ। ਅੱਜ, ਅਸੀਂ ਇਸ ਸਹਿਯੋਗ ਨੂੰ ਇਕ ਭਵਿੱਖਮੁਖੀ ਦਿਸ਼ਾ ਦੇਣ ਦਾ ਸੰਕਲਪ ਲਿਆ ਹੈ। ਇਜ਼ਰਾਇਲੀ ਸਹਿਯੋਗ ਨਾਲ ਭਾਰਤ ਵਿਚ ਸਥਾਪਿਤ ਸੈਂਟਰ ਆਫ਼ ਐਕਸੀਲੈਂਸ ਸਾਡੀ ਦੋਸਤੀ ਦੀ ਇਕ ਚਮਕਦਾਰ ਉਦਾਹਰਣ ਹੈ। ਉਨ੍ਹਾਂ ਦੀ ਸਫਲਤਾ ਨੂੰ ਦੇਖਦੇ ਹੋਏ, ਅਸੀਂ ਉਨ੍ਹਾਂ ਦੀ ਗਿਣਤੀ ਨੂੰ 100 ਤੱਕ ਵਧਾਉਣ ਦਾ ਟੀਚਾ ਰੱਖਿਆ ਹੈ..."