ਅਮਰੀਕੀ ਨਾਕਾਬੰਦੀ ਦੇ ਬਾਵਜੂਦ ਹੋਰਮੁਜ਼ ਸਟ੍ਰੇਟ ਵਿਚੋਂ ਲੰਘਿਆ ਚੀਨੀ ਮਾਲਕੀ ਵਾਲਾ ਜਹਾਜ਼

ਵਾਸ਼ਿੰਗਟਨ ਡੀ.ਸੀ., 14 ਅਪ੍ਰੈਲ - ਨਿਊਜ਼ ਏਜੰਸੀ ਅਨੁਸਾਰ ਇਕ ਮਲਾਵੀ-ਝੰਡੇ ਵਾਲਾ, ਚੀਨੀ ਮਾਲਕੀ ਵਾਲਾ ਜਹਾਜ਼ ਮੰਗਲਵਾਰ (ਸਥਾਨਕ ਸਮੇਂ) ਨੂੰ ਈਰਾਨ ਨਾਲ ਸੰਬੰਧਿਤ ਸ਼ਿਪਿੰਗ ਨੂੰ ਨਿਸ਼ਾਨਾ ਬਣਾਉਣ ਵਾਲੀ ਅਮਰੀਕੀ ਨਾਕਾਬੰਦੀ ਦੇ ਬਾਵਜੂਦ ਹੋਰਮੁਜ਼ ਸਟ੍ਰੇਟ ਵਿਚੋਂ ਲੰਘਿਆ ਹੈ।ਰਿਚ ਸਟਾਰੀ ਵਜੋਂ ਪਛਾਣਿਆ ਗਿਆ ਇਹ ਜਹਾਜ਼ ਫੁੱਲ ਸਟਾਰ ਸ਼ਿਪਿੰਗ ਲਿਮਟਿਡ ਦੀ ਮਲਕੀਅਤ ਹੈ, ਜੋ ਸ਼ੰਘਾਈ ਜ਼ੁਆਨਰੂਨ ਸ਼ਿਪਿੰਗ ਕੰਪਨੀ ਲਿਮਟਿਡ ਨਾਲ ਜੁੜਿਆ ਹੋਇਆ ਹੈ, ਅਤੇ ਈਰਾਨ ਨਾਲ ਕਥਿਤ ਸਬੰਧਾਂ ਕਾਰਨ 2023 ਤੋਂ ਅਮਰੀਕੀ ਪਾਬੰਦੀਆਂ ਹੇਠ ਹੈ। ਇਹ ਜਹਾਜ਼ ਪਹਿਲਾਂ ਅਪ੍ਰੈਲ 2023 ਤੱਕ ਹਾਂਗਕਾਂਗ ਦੇ ਝੰਡੇ ਹੇਠ ਚੱਲਦਾ ਰਿਹਾ ਸੀ,।ਟੈਂਕਰ ਨੇ ਸ਼ੁਰੂ ਵਿਚ ਸੋਮਵਾਰ ਦੁਪਹਿਰ ਯੂਟੀਸੀ ਦੇ ਆਸਪਾਸ ਸਟ੍ਰੇਟ ਵਿਚੋਂ ਲੰਘਣ ਦੀ ਕੋਸ਼ਿਸ਼ ਕੀਤੀ ਪਰ ਸ਼ਾਮ ਨੂੰ ਦੂਜੀ ਕੋਸ਼ਿਸ਼ ਕਰਨ ਤੋਂ ਪਹਿਲਾਂ ਈਰਾਨ ਦੇ ਕੇਸ਼ਮ ਟਾਪੂ ਦੇ ਨੇੜੇ ਥੋੜ੍ਹੇ ਸਮੇਂ ਲਈ ਵਾਪਸ ਮੁੜ ਗਿਆ। ਮੰਗਲਵਾਰ ਯੂਟੀਸੀ ਦੇ ਸ਼ੁਰੂ ਤੱਕ, ਇਹ ਸਫਲਤਾਪੂਰਵਕ ਜਲਮਾਰਗ ਵਿਚੋਂ ਲੰਘਿਆ ਜਾਪਦਾ ਸੀ।