ਭੇਦਭਰੀ ਹਾਲਤ ਵਿਚ ਨੋਜਵਾਨ ਦੀ ਮੌਤ

ਮਾਛੀਵਾੜਾ ਸਾਹਿਬ (ਲੁਧਿਆਣਾ), 22 ਜੁਲਾਈ (ਮਨੋਜ ਕੁਮਾਰ) - ਨਜ਼ਦੀਕੀ ਪਿੰਡ ਮਾਣੇਵਾਲ ਵਿਚ 28 ਸਾਲਾ ਨੋਜਵਾਨ ਗੁਰਬਖਸ਼ ਸਿੰਘ ਦੀ ਭੇਦਭਰੀ ਹਾਲਤ ਵਿਚ ਮੌਤ ਹੋਣ ਦੀ ਖ਼ਬਰ ਹੈ। ਮਿੑਤਕ ਨੋਜਵਾਨ ਦੇ ਪਿਤਾ ਸੁਰਜੀਤ ਸਿੰਘ ਨੇ ਗੱਲਬਾਤ ਦੋਰਾਨ ਦੱਸਿਆ ਕਿ ਉਨ੍ਹਾਂ ਦਾ 28 ਸਾਲਾ ਨੋਜਵਾਨ ਪੁੱਤਰ ਜੋ ਕਿ ਕੁਆਰਾ ਸੀ, ਨੂੰ ਮੰਗਲਵਾਰ ਦੀ ਰਾਤ ਕਰੀਬ 10 ਵਜੇ ਇਸੇ ਪਿੰਡ ਦਾ ਹੀ ਉਸਦਾ ਦੋਸਤ ਘਰੋਂ ਬੁਲਾ ਕਿ ਲੈ ਗਿਆ ਤੇ ਦੋ ਘੰਟੇ ਬਾਦ ਉਸੇ ਦੋਸਤ ਨੇ ਘਰੇ ਦੱਸਿਆ ਕਿ ਗੁਰਬਖਸ ਸਿੰਘ ਦੀ ਮੋਤ ਹੋ ਗਈ ਹੈ ਤੇ ਉਸਦੀ ਲਾਸ਼ ਖੇਤਾ ਵਿਚ ਪਈ ਹੈ। ਇਹ ਸੁਣਦੇ ਹੀ ਜਦੋ ਉਹ ਪਰਿਵਾਰਿਕ ਮੈਂਬਰਾਂ ਨਾਲ ਖੇਤਾਂ ਵਿਚ ਪੁੱਜਾ ਤਾ ਉੱਥੇ ਉਨ੍ਹਾਂ ਦੇ ਨੋਜਵਾਨ ਪੁੱਤਰ ਦੀ ਲਾਸ਼ ਪਈ ਸੀ। ਹਾਲਾਂਕਿ ਅਸਲ ਵਜ੍ਹਾ ਕੀ ਹੈ ਇਹ ਤਾਂ ਪੁਲਿਸ ਦੀ ਜਾਂਚ ਤੋਂ ਬਾਅਦ ਵਿਚ ਪਤਾ ਚੱਲੇਗਾ ਕਿ ਇਹ ਮੋਤ ਕੁਦਰਤੀ ਜਾਂ ਫਿਰ ਕੋਈ ਨਸ਼ੇ ਦੀ ਜ਼ਿਆਦਾ ਡੋਜ ਨਾਲ ਹੋਈ ਹੈ। ਫਿਲਹਾਲ ਲਾਸ਼ ਪੋਸਟਮਾਰਟਮ ਲਈ ਸਮਰਾਲਾ ਦੇ ਸਿਵਲ ਹਸਪਤਾਲ ਵਿਚ ਰੱਖ ਦਿੱਤੀ ਗਈ ਹੈ।