ਚੰਡੀਗੜ੍ਹ 31 ਜੁਲਾਈ - ਸ਼੍ਰੋਮਣੀ ਅਕਾਲੀ ਦਲ; (ਬਾਦਲ) ਦੇ ਸੀਨੀਅਰ ਆਗੂ ਅਤੇ ਸਾਬਕਾ ਕੈਬਨਿਟ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਨੇ ਟਵੀਟ ਕਰ ਕਿਹਾ ਕਿ ਅੱਜ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਜੀ ਦੀ ਅਗਵਾਈ 'ਚ ਗਵਰਨਰ ਗੁਲਾਬ ਚੰਦ ਕਟਾਰੀਆ ਜੀ ਨੂੰ ਲੋਕ ਭਵਨ ਵਿਖੇ ਮਿਲ ਕੇ ਪੰਜਾਬ ਦੇ ਹਾਲਾਤ ਤੋਂ ਜਾਣੂ ਕਰਵਾਇਆ।
ਉਨ੍ਹਾਂ ਕਿਹਾ ਕਿ ਪੇਪਰ ਲੀਕ, ਬਰਨਾਲਾ 'ਚ ਸਫਾਈ ਯੋਧਿਆਂ 'ਤੇ ਅੰਨ੍ਹਾ ਤਸ਼ੱਦਦ, ਔਰਤਾਂ 'ਤੇ ਜ਼ੁਲਮ ਗੁਰੂ ਦੋਖੀ ਦੇ ਰਾਜ 'ਚ ਪੰਜਾਬ ਪੁਲੀਸ ਰਾਜ ਬਣ ਗਿਆ ਹੈ। ਕਾਨੂੰਨ ਵਿਵਸਥਾ ਨਾਮ ਦੀ ਚੀਜ ਪੰਜਾਬ ਰਾਜ ਵਿਚੋ ਗਾਇਬ ਹੋ ਚੁੱਕੀ ਹੈ ਪੁਲੀਸ ਦਾ ਇਸਤੇਮਾਲ ਸਿਰਫ ਵਿਰੋਧੀਆਂ ਉਪਰ ਪਰਚੇ ਦਰਜ ਕਰਨ ਅਤੇ ਮੁਲਾਜਮ ਅੰਦੋਲਨਾਂ ਨੂੰ ਕੁਚਲਣ ਲਈ ਕੀਤਾ ਜਾ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਹਾਈਕੋਰਟ ਦੇ ਜੱਜ ਨੂੰ ਵੀ ਕਹਿਣਾ ਪਿਆ - ਪੇਪਰ ਲੀਕ ਕੇਸ ਚੈਂਬਰ 'ਚ ਸੁਣਿਆ ਜਾਵੇਗਾ।ਸਾਰੀਆਂ ਗੱਲਾਂ ਤੋਂ ਗਵਰਨਰ ਸਾਹਿਬ ਨੂੰ ਜਾਣੂ ਕਰਵਾਇਆ ਅਤੇ ਪੇਪਰ ਲੀਕ ਦੀ ਜਾਂਚ ਸੀਬੀਆਈ ਤੋਂ ਕਰਵਾਉਣ ਦੀ ਮੰਗ ਕੀਤੀ ਗਈ।
