ਪਹਿਲਾਂ ਤੋਂ ਹੀ 9 ਮੋਬਾਈਲ ਕੁਨੈਕਸ਼ਨਾਂ ਵਾਲੇ ਵਿਅਕਤੀ ਨੂੰ ਨਵਾਂ ਸਿਮ ਨਾ ਜਾਰੀ ਕੀਤਾ ਜਾਵੇ - ਕੇਂਦਰ

ਨਵੀਂ ਦਿੱਲੀ, 21 ਅਗਸਤ (ਉਪਮਾ ਡਾਗਾ ਪਾਰਥ)- ਦੂਰ ਸੰਚਾਰ ਵਿਭਾਗ ਨੇ ਟੈਲੀਕਾਮ ਆਪ੍ਰੇਟਰਾਂ ਨੂੰ ਨਿਰਦੇਸ਼ ਦਿੱਤਾ ਹੈ ਕਿ ਉਨ੍ਹਾਂ ਖਪਤਕਾਰਾਂ ਨੂੰ ਨਵੇਂ ਕੁਨੈਕਸ਼ਨ ਨਾ ਦਿੱਤੇ ਜਾਣ ਜਿਨ੍ਹਾਂ ਦੇ ਨਾਂਅ ’ਤੇ ਪਹਿਲਾਂ ਤੋਂ 9 ਮੋਬਾਈਲ ਸਿਮ ਹਨ। ਵਿਭਾਗ ਨੇ ਟੈਲੀਕਾਮ ਆਪ੍ਰੇਟਰਾਂ ਨੂੰ 24 ਅਗਸਤ ਤੋਂ ਉੱਚਿਤ ਤਕਨੀਕੀ ਅਤੇ ਸੰਗਠਨਾਤਮਕ ਉਪਾਅ ਲੈਣ ਨੂੰ ਵੀ ਕਿਹਾ, ਜਿਸ ਨਾਲ ਹਰ ਖਪਤਕਾਰ, ਜੋ ਮਿੱਥੀ ਹੱਦ ਤੋਂ ਵੱਧ ਸਿਮ ਕੁਨੈਕਸ਼ਨ ਲੈਣਾ ਚਾਹੁੰਦਾ ਹੈ, ਦੀ ਪਛਾਣ ਕਰੇ ਅਤੇ ਨਾਲ ਹੀ ਉਸਨੂੰ ਸੂਚਿਤ ਕੀਤਾ ਜਾਵੇ ਕਿ ਉਸ ਕੋਲ ਪਹਿਲਾਂ ਤੋਂ ਹੀ ਇਕ ਵਿਅਕਤੀ ਲਈ ਮਿੱਥੇ ਵੱਧ ਤੋਂ ਵੱਧ ਕੁਨੈਕਸ਼ਨ ਹਨ, ਇਸ ਲਈ ਉਸ ਨੂੰ ਹੋਰ ਕੁਨੈਕਸ਼ਨ ਨਹੀਂ ਦਿੱਤਾ ਜਾ ਸਕਦਾ। ਦੂਰਸੰਚਾਰ ਵਿਭਾਗ ਨੇ ਇਕ ਸਰਕੁਲਰ ਰਾਹੀਂ ਉਕਤ ਜਾਣਕਾਰੀ ਸਾਂਝੀ ਕੀਤੀ।