ਘੋਗਰਾ (ਹੁਸ਼ਿਆਰਪੁਰ), 28 ਸਤੰਬਰ (ਆਰ. ਐੱਸ. ਸਲਾਰੀਆ)- ਦਿਨ ਦਿਹਾੜੇ ਅੱਡਾ ਘੋਗਰਾ ਵਿਖੇ ਦੁਕਾਨਦਾਰ ਦਾ ਮੋਬਾਇਲ ਅਤੇ ਨਗਦੀ ਚੋਰੀ ਹੋ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਜਾਣਕਾਰੀ ਅਨੁਸਾਰ ਹਰਬੰਸ ਲਾਲ ਨੇ ਦੱਸਿਆ ਕਿ ਉਹ ਅੱਡਾ ਘੋਗਰਾ ਵਿਖੇ ਚਾਹ ਦੀ ਦੁਕਾਨ ਕਰਦਾ ਹੈ ਅਤੇ ਅੱਜ ਦੁਪਹਿਰ 2.30 ਵਜੇ ਦੇ ਲਾਗਲੇ ਦੁਕਾਨਦਾਰ ਨੂੰ ਚਾਹ ਦੇਣ ਗਿਆ ਹੋਇਆ ਸੀ ਅਤੇ ਇੰਨੀ ਦੇਰ ਵਿਚ ਗੱਲੇ ਵਿਚ ਰੱਖਿਆ ਮੋਬਾਈਲ ਫੋਨ ਅਤੇ 2000 ਦੀ ਨਗਦੀ ਚੋਰੀ ਹੋ ਗਈ।
ਜਿਸ ਸਬੰਧੀ ਥਾਣਾ ਦਸੂਹਾ ਦੀ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ। ਦਿਨ ਬ ਦਿਨ ਇਲਾਕੇ ਵਿਚ ਵੱਧ ਰਹੀਆਂ ਚੋਰੀਆਂ ਨਾਲ ਦਹਿਸ਼ਤ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ।
