ਗੋਲੀ ਦੀ ਵਾਰਦਾਤ 'ਚ ਵਾਲ ਵਾਲ ਬਚਿਆ ਅਕਾਲੀ ਆਗੂ

ਕਲਾਨੌਰ (ਗੁਰਦਾਸਪੁਰ), 25 ਅਕਤੂਬਰ (ਪੁਰੇਵਾਲ) - ਜ਼ਿਲ੍ਹਾ ਗੁਰਦਾਸਪੁਰ ਅਧੀਨ ਵਿਧਾਨ ਸਭਾ ਹਲਕਾ ਡੇਰਾ ਬਾਬਾ ਨਾਨਕ ਵਿਚ ਬੀਤੀ ਰਾਤ ਗੋਲੀ ਦੀ ਘਟਨਾ ਦੌਰਾਨ ਅਕਾਲੀ ਆਗੂ ਵਾਲ ਵਾਲ ਬਚ ਗਿਆ। ਬਲਾਕ ਕਲਾਨੌਰ ਦੇ ਪਿੰਡ ਸ਼ਹੂਰ ਵਾਸੀ ਕਿਸਾਨ ਤੇ ਅਕਾਲੀ ਆਗੂ ਕੈਪਟਨ ਸਿੰਘ ਨੇ ਦੱਸਿਆ ਕਿ ਨੌਜਵਾਨ ਵਲੋਂ ਉਸ 'ਤੇ ਗੋਲੀ ਚਲਾਈ ਗਈ ।ਉਹ ਬਚਾਅ ਲਈ ਹੇਠਾਂ ਹੋਇਆ ਜਿਸ ਕਾਰਨ ਗੋਲੀ ਦੀ ਮਾਰ ਤੋਂ ਉਹ ਬਚ ਗਿਆ ਤੇ ਗੋਲੀ ਉਸਦੇ ਸਿਰ ਦੇ ਪਰਨੇ 'ਤੇ ਲੱਗ ਗਈ। ਉਪਰੰਤ ਨੌਜਵਾਨ ਭੱਜ ਗਿਆ। ਇਸ ਸੰਬੰਧ ਵਿਚ ਕਲਾਨੌਰ ਪੁਲਿਸ ਕਾਰਵਾਈ ਕਰ ਰਹੀ ਹੈ।