ਏਸ਼ਿਆਈ ਖੇਡਾਂ 2026- 'ਟ੍ਰੈਪ ਮਿਕਸਡ ਟੀਮ' ਸ਼ੂਟਿੰਗ ਮੁਕਾਬਲੇ 'ਚ ਭਾਰਤ ਨੇ ਜਿੱਤਿਆ ਸੋਨ ਤਗਮਾ

ਨਾਗੋਆ, 30 ਸਤੰਬਰ - ਏਸ਼ਿਆਈ ਖੇਡਾਂ ਵਿਚ 30 ਸਤੰਬਰ ਭਾਰਤ ਲਈ ਸੋਨ ਤਗਮਾ ਜਿੱਤਣ ਵਾਲਾ ਦਿਨ ਬਣ ਰਿਹਾ ਹੈ। ਤੀਰਅੰਦਾਜ਼ੀ ਵਿਚ ਦੋ ਸੋਨ ਤਗਮਿਆਂ ਤੋਂ ਬਾਅਦ, ਨੀਰੂ ਢਾਂਡਾ ਅਤੇ ਕਾਇਨਨ ਚੇਨਈ ਦੀ ਜੋੜੀ ਨੇ ਟ੍ਰੈਪ ਮਿਕਸਡ ਟੀਮ ਈਵੈਂਟ ਵਿਚ ਵੀ ਸੋਨ ਤਗਮਾ ਜਿੱਤਿਆ। ਭਾਰਤੀ ਜੋੜੀ ਨੇ ਚੌਥੇ ਸਥਾਨ 'ਤੇ ਫਾਈਨਲ ਲਈ ਕੁਆਲੀਫਾਈ ਕੀਤਾ, ਪਰ ਉਨ੍ਹਾਂ ਦੇ ਪਹਿਲੇ 10 ਸ਼ਾਟ ਪ੍ਰਭਾਵਸ਼ਾਲੀ ਨਹੀਂ ਸਨ। ਹਾਲਾਂਕਿ, ਨੀਰੂ ਅਤੇ ਕੀਨਨ ਨੇ ਸ਼ਾਨਦਾਰ ਵਾਪਸੀ ਕੀਤੀ, 40 ਵਿਚੋਂ 34 ਸ਼ਾਟ ਮਾਰ ਕੇ ਸੋਨ ਤਗਮਾ ਜਿੱਤਿਆ ਤੇ ਇਕ ਨਵਾਂ ਏਸ਼ੀਆਈ ਰਿਕਾਰਡ ਬਣਾਇਆ। ਇਹ ਏਸ਼ੀਆਈ ਖੇਡਾਂ ਵਿਚ ਨੀਰੂ ਦਾ ਦੂਜਾ ਸੋਨ ਤਗਮਾ ਹੈ ਅਤੇ ਕੁੱਲ ਉਸਦਾ ਤੀਜਾ। ਇਹ ਭਾਰਤ ਦਾ ਨੌਵਾਂ ਸੋਨ ਤਗਮਾ ਹੈ, ਜਿਸ ਨਾਲ ਕੁੱਲ 57 ਹੋ ਗਏ ਹਨ, ਅਤੇ ਭਾਰਤ ਹੁਣ ਤਗਮਾ ਸੂਚੀ ਵਿਚ ਅੱਠਵੇਂ ਸਥਾਨ 'ਤੇ ਹੈ।