ਕਿਸੇ ਵੀ ਹਮਲਾਵਰ ਕਾਰਵਾਈ ਦਾ ਮੁੱਖ ਆਧਾਰ ਰਹੀ ਹੈ ਹਵਾਈ ਤਾਕਤ, ਅੱਗੇ ਵੀ ਰਹੇਗੀ - ਏਅਰ ਚੀਫ਼ ਮਾਰਸ਼ਲ ਏ.ਪੀ. ਸਿੰਘ

ਜੋਧਪੁਰ, 7 ਅਕਤੂਬਰ -  ਭਾਰਤੀ ਹਵਾਈ ਸੈਨਾ ਦੇ ਮੁਖੀ, ਏਅਰ ਚੀਫ਼ ਮਾਰਸ਼ਲ ਏ.ਪੀ. ਸਿੰਘ ਨੇ ਕਿਹਾ, "ਪਿਛਲੇ ਇਕ ਸਾਲ ਦੌਰਾਨ, ਅਸੀਂ ਸਪੇਨ, ਯੂਨਾਈਟਿਡ ਕਿੰਗਡਮ, ਅਮਰੀਕਾ, ਰੂਸ, ਫਰਾਂਸ, ਥਾਈਲੈਂਡ, ਆਸਟ੍ਰੇਲੀਆ, ਮਲੇਸ਼ੀਆ, ਜਾਪਾਨ ਅਤੇ ਕਈ ਹੋਰ ਭਾਈਵਾਲ ਦੇਸ਼ਾਂ ਨਾਲ ਮਿਲ ਕੇ ਉਡਾਣਾਂ ਭਰੀਆਂ ਹਨ ਅਤੇ ਇਸ ਸਮੇਂ, ਜਦੋਂ ਅਸੀਂ ਇੱਥੇ ਬੈਠੇ ਹਾਂ, ਜੋਧਪੁਰ ਵਿਚ 'ਤਰੰਗ ਸ਼ਕਤੀ' ਦਾ ਦੂਜਾ ਸੰਸਕਰਣ ਚੱਲ ਰਿਹਾ ਹੈ, ਜਿਸ ਵਿਚ ਕੁੱਲ 41 ਦੇਸ਼ ਹਿੱਸਾ ਲੈ ਰਹੇ ਹਨ; ਇਨ੍ਹਾਂ ਵਿਚੋਂ ਸੱਤ ਦੇਸ਼ ਆਪਣੇ ਸਾਜ਼ੋ-ਸਾਮਾਨ (ਏਅਰਕ੍ਰਾਫਟ) ਨਾਲ ਸ਼ਾਮਿਲ ਹਨ ਅਤੇ ਬਾਕੀ ਆਪਣੇ ਨਿਰੀਖਕਾਂ ਨਾਲ ਹਿੱਸਾ ਲੈ ਰਹੇ ਹਨ। ਇਹ ਪਹਿਲੀ ਵਾਰ ਹੈ ਜਦੋਂ ਐੱਫ-35 ਜਹਾਜ਼ਾਂ ਦਾ ਇਕ ਦਸਤਾ ਸਾਡੇ ਨਾਲ ਇਸ ਮਾਹੌਲ ਵਿੱਚ ਅਭਿਆਸ ਕਰਨ ਲਈ ਭਾਰਤ ਆਇਆ ਹੈ..."।
ਉਨ੍ਹਾਂ ਕਿਹਾ, "ਅਸੀਂ ਦੇਖਿਆ ਹੈ ਕਿ ਪਿਛਲੇ ਕੁਝ ਸਾਲਾਂ ਵਿਚ ਹਵਾਈ ਸੈਨਾ ਦਾ ਧਿਆਨ 'ਪਲੇਟਫਾਰਮ-ਕੇਂਦਰਿਤ' (ਸਿਰਫ਼ ਸਾਜ਼ੋ-ਸਾਮਾਨ 'ਤੇ ਆਧਾਰਿਤ) ਪਹੁੰਚ ਤੋਂ ਬਦਲ ਕੇ 'ਸਮਰੱਥਾ-ਕੇਂਦਰਿਤ' ਪਹੁੰਚ ਅਤੇ ਵੱਖ-ਵੱਖ ਹਿੱਸਿਆਂ ਦੇ ਆਪਸੀ ਤਾਲਮੇਲ (ਇੰਟੀਗ੍ਰੇਸ਼ਨ) ਵੱਲ ਹੋਇਆ ਹੈ, ਅਤੇ ਇਹ ਬਹੁਤ ਲਾਹੇਵੰਦ ਸਾਬਤ ਹੋਇਆ ਹੈ। ਇਸ ਨੇ 'ਆਪਰੇਸ਼ਨ ਸੰਧੂਰ' ਦੌਰਾਨ ਆਪਣੀ ਅਹਿਮੀਅਤ ਸਾਬਤ ਕੀਤੀ ਹੈ... ਅਸੀਂ ਇਹ ਸਾਬਤ ਕਰਨ ਦੇ ਯੋਗ ਹੋਏ ਹਾਂ ਕਿ ਅਸੀਂ ਸਹੀ ਦਿਸ਼ਾ ਵਿੱਚ ਅੱਗੇ ਵਧ ਰਹੇ ਸੀ, ਅਤੇ ਇਨ੍ਹਾਂ ਵਿਚੋਂ ਬਹੁਤ ਸਾਰੀਆਂ ਚੀਜ਼ਾਂ ਹਾਲ ਹੀ ਵਿਚ ਕੀਤੀ ਗਈ ਤੇਜ਼-ਰਫ਼ਤਾਰ ਖ਼ਰੀਦਦਾਰੀ ਦਾ ਨਤੀਜਾ ਸਨ। ਹਵਾਈ ਤਾਕਤ ਕਿਸੇ ਵੀ ਹਮਲਾਵਰ ਕਾਰਵਾਈ ਦਾ ਮੁੱਖ ਆਧਾਰ ਰਹੀ ਹੈ ਅਤੇ ਅੱਗੇ ਵੀ ਰਹੇਗੀ—ਮੈਨੂੰ ਲੱਗਦਾ ਹੈ ਕਿ ਅਸੀਂ ਇਸ ਗੱਲ ਨੂੰ ਚੰਗੀ ਤਰ੍ਹਾਂ ਸਾਬਤ ਕਰ ਦਿੱਤਾ ਹੈ, ਅਤੇ ਮੈਨੂੰ ਇਹ ਕਹਿੰਦਿਆਂ ਖੁਸ਼ੀ ਹੋ ਰਹੀ ਹੈ ਕਿ ਅਸੀਂ ਸਹੀ ਦਿਸ਼ਾ ਵਿਚ ਅੱਗੇ ਵਧ ਰਹੇ ਹਾਂ।"