ਜੰਤਰ-ਮੰਤਰ ਦੀ ਕਹਾਣੀ ਭਾਰਤ ਦੀ ਕਹਾਣੀ ਨਹੀਂ - ਸੰਬਿਤ ਪਾਤਰਾ

ਨਵੀਂ ਦਿੱਲੀ, 10  ਅਕਤੂਬਰ - ਭਾਜਪਾ ਦੇ ਕੌਮੀ ਬੁਲਾਰੇ ਅਤੇ ਸੰਸਦ ਮੈਂਬਰ ਸੰਬਿਤ ਪਾਤਰਾ ਨੇ ਕਿਹਾ, "...ਜੰਤਰ-ਮੰਤਰ ਦੀ ਕਹਾਣੀ ਭਾਰਤ ਦੀ ਕਹਾਣੀ ਨਹੀਂ ਹੈ। ਜੰਤਰ-ਮੰਤਰ 'ਤੇ ਜੋ ਕੁਝ ਹੋ ਰਿਹਾ ਹੈ, ਜੋ ਤੁਸੀਂ ਟੀ.ਵੀ. ਅਤੇ ਕੁਝ ਸੋਸ਼ਲ ਮੀਡੀਆ ਹੈਂਡਲਾਂ 'ਤੇ ਦੇਖ ਸਕਦੇ ਹੋ, ਉਹ ਭਾਰਤ ਦੀ ਕਹਾਣੀ ਨਹੀਂ ਹੈ। ਭਾਰਤ ਸ਼ਾਂਤ ਹੈ ਅਤੇ ਚੰਗੇ ਸ਼ਾਸਨ ਹੇਠ ਅੱਗੇ ਵਧ ਰਿਹਾ ਹੈ। ਅਸੀਂ ਦੇਖ ਰਹੇ ਹਾਂ ਕਿ ਪਿਛਲੇ ਕੁਝ ਦਿਨਾਂ ਤੋਂ ਕੁਝ ਅਰਾਜਕਤਾਵਾਦੀ ਤਾਕਤਾਂ ਦਿੱਲੀ ਦੇ ਇਕ ਕੋਨੇ ਵਿਚ ਅਰਾਜਕਤਾ ਫੈਲਾ ਰਹੀਆਂ ਹਨ। ਪਰ ਅੱਜ ਅਰਾਜਕਤਾਵਾਦੀ ਨਾਕਾਮ ਹੋ ਗਏ ਹਨ। ਅਰਾਜਕਤਾਵਾਦੀ ਤੱਤਾਂ ਦਾ ਇਹ 'ਫਲਾਪ ਸ਼ੋਅ' ਪੂਰੀ ਤਰ੍ਹਾਂ ਢਹਿ-ਢੇਰੀ ਹੋ ਗਿਆ ਹੈ। ਦੇਸ਼ ਦੀ ਰਾਜਧਾਨੀ ਨੂੰ ਬੰਧਕ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਸੀ; ਕਿ ਇੱਥੇ ਅੱਗਜ਼ਨੀ ਹੋਵੇ, ਇੱਥੇ ਹਿੰਸਾ ਹੋਵੇ। ਪਰ ਅੱਜ, 'ਲੋਕਤੰਤਰ' ਦੀ 'ਭੀੜਤੰਤਰ' 'ਤੇ ਜਿੱਤ ਹੋਈ ਹੈ..."।
ਉਨ੍ਹਾਂ ਕਿਹਾ, "ਕੱਲ੍ਹ ਕੁਝ ਸਿਆਸਤਦਾਨਾਂ ਨੇ ਰਾਸ਼ਟਰਪਤੀ ਭਵਨ ਦਾ ਦੌਰਾ ਕੀਤਾ। ਰਾਸ਼ਟਰਪਤੀ ਭਵਨ ਤੋਂ ਬਾਹਰ ਆਉਣ ਤੋਂ ਬਾਅਦ ਰਾਹੁਲ ਗਾਂਧੀ ਦਾ ਬਿਆਨ ਕਿਸੇ 'ਨਾ-ਲਾਇਕ ਨੇਤਾ' ਵਰਗਾ ਸੀ... ਇਸ ਤੋਂ ਪਹਿਲਾਂ ਕਦੇ ਵੀ ਰਾਸ਼ਟਰਪਤੀ ਨੂੰ ਸੜਕੀ ਪ੍ਰਦਰਸ਼ਨ ਵਿਚ ਘਸੀਟਣ ਦੀ ਕੋਸ਼ਿਸ਼ ਨਹੀਂ ਕੀਤੀ ਗਈ ਸੀ। ਪਰ ਇਕ 'ਨਾ-ਲਾਇਕ ਨੇਤਾ' ਨੇ ਅਜਿਹਾ ਕਰਨ ਦੀ ਕੋਸ਼ਿਸ਼ ਕੀਤੀ। ਅਰਾਜਕਤਾਵਾਦੀ ਰਾਹੁਲ ਗਾਂਧੀ ਨੇ ਭਾਰਤ ਦੇ ਰਾਸ਼ਟਰਪਤੀ ਨੂੰ ਉਸ ਅਰਾਜਕਤਾ ਵੱਲ ਖਿੱਚਣ ਦੀ ਕੋਸ਼ਿਸ਼ ਕੀਤੀ ਜਿਸ ਨੂੰ ਉਹ ਭਾਰਤ ਦੀਆਂ ਸੜਕਾਂ 'ਤੇ ਫੈਲਾਉਣ ਦੀ ਪੂਰੀ ਕੋਸ਼ਿਸ਼ ਕਰ ਰਹੇ ਹਨ।"