ਬਰਨਾਲਾ, 20 ਸਤੰਬਰ (ਅਸ਼ੋਕ ਭਾਰਤੀ)-ਨਿਊ ਸੈਕਰਡ ਹਾਰਟ ਕਾਨਵੈਂਟ ਸਕੂਲ ਮਾਨਾ ਪਿੰਡੀ ਧਨੌਲਾ ਰੋਡ ਬਰਨਾਲਾ ਵਿਖੇ ਜ਼ਿਲ੍ਹਾ ਪੱਧਰੀ ਕ੍ਰਿਕਟ ਮੁਕਾਬਲੇ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਸੁਨੀਤਇੰਦਰ ਸਿੰਘ ਅਤੇ ਡੀ.ਐਮ. ਸਪੋਰਟਸ ਸਿਮਰਜੀਤ ਸਿੰਘ ਸਿੱਧੂ ਦੀ ਅਗਵਾਈ ਵਿਚ ਕਰਵਾਏ ਗਏ | ਜਿਸ ਵਿਚ ਜ਼ਿਲ੍ਹੇ ਦੇ ਵੱਖ-ਵੱਖ ਸਕੂਲਾਂ ਦੀਆਂ ਟੀਮਾਂ ਨੇ ਭਾਗ ਲਿਆ | ਮੁਕਾਬਲਿਆਂ ਦੌਰਾਨ ਭਦੌੜ ਜ਼ੋਨ ਨੇ ਅੰਡਰ- 19 ਸਾਲ ਲੜਕਿਆਂ ਦੇ ਵਰਗ ਵਿਚ ਪਹਿਲਾ, ਧਨੌਲਾ ਜ਼ੋਨ ਨੇ ਅੰਡਰ-14 ਸਾਲ ਲੜਕਿਆਂ ਦੇ ਵਰਗ ਵਿਚ ਪਹਿਲਾ, ਠੀਕਰੀਵਾਲ ਜ਼ੋਨ ਨੇ ਦੂਜਾ, ਬਰਨਾਲਾ-1 ਜ਼ੋਨ ਨੇ ਤੀਜਾ ਸਥਾਨ ਹਾਸਲ ਕੀਤਾ ਜਦਕਿ 14 ਸਾਲ ਲੜਕੀਆਂ ਦੇ ਵਰਗ 'ਚ ਬਰਨਾਲਾ-1 ਨੇ ਪਹਿਲਾ, ਮਹਿਲ ਕਲਾਂ ਨੇ ਦੂਜਾ, ਅਤੇ ਭਦੌੜ ਨੇ ਤੀਜਾ ਸਥਾਨ ਹਾਸਲ ਕੀਤਾ | ਅੰਡਰ-17 ਸਾਲ ਲੜਕਿਆਂ ਦੇ ਵਰਗ 'ਚ ਬਰਨਾਲਾ-2 ਨੇ ਪਹਿਲਾ, ਪੱਖੋ ਕਲਾਂ ਨੇ ਦੂਜਾ, ਚੀਮਾ-ਜੋਧਪੁਰ ਨੇ ਤੀਜਾ ਸਥਾਨ ਹਾਸਲ ਕੀਤਾ | ਅੰਡਰ-17 ਸਾਲ ਲੜਕੀਆਂ ਦੇ ਵਰਗ 'ਚ ਠੀਕਰੀਵਾਲ ਨੇ ਪਹਿਲਾ, ਮਹਿਲ ਕਲਾਂ ਨੇ ਦੂਜਾ, ਬਰਨਾਲਾ-1 ਨੇ ਤੀਜਾ ਸਥਾਨ ਹਾਸਲ ਕੀਤਾ | ਜੇਤੂ ਵਿਦਿਆਰਥੀਆਂ ਨੂੰ ਸੰਸਥਾ ਦੇ ਚੇਅਰਮੈਨ ਸਤਵੰਤ ਦਾਨੀ, ਵਾਈਸ ਚੇਅਰਮੈਨ ਤਨਵੀਰ ਸਿੰਘ ਨੇ ਸਨਮਾਨਿਤ ਕੀਤਾ | ਇਸ ਮੌਕੇ ਪਿ੍ੰਸੀਪਲ ਮੈਡਮ ਆਇਸ਼ਾ, ਮੋਨਿਕਾ ਸ਼ਰਮਾ, ਬੇਅੰਤ ਸਿੰਘ, ਜਸਵਿੰਦਰ ਸਿੰਘ ਹੈਡ ਮਾਸਟਰ ਕਨਵੀਨਰ, ਗਗਨਦੀਪ ਸਿੰਘ ਐਸ.ਡੀ.ਓ, ਅਰਵਿੰਦ ਤੇਜਪਾਲ, ਗੁਰਵਿੰਦਰ ਸਿੰਘ ਬਾਜਵਾ, ਪੁਸ਼ਪਦੀਪ, ਨੀਰਜ ਸ਼ਰਮਾ, ਮੁਕੇਸ਼ ਸ਼ਰਮਾ, ਸਨਪ੍ਰੀਤ ਸਿੰਘ, ਬਲਜਿੰਦਰ ਕੌਰ, ਮੁੱਕੋ ਕੌਰ, ਗਗਨਦੀਪ ਸਿੰਘ ਆਦਿ ਹਾਜ਼ਰ ਸਨ |