36,000 ਫੁੱਟ ਦੀ ਉਚਾਈ ’ਤੇ ਏਅਰ ਇੰਡੀਆ ਉਡਾਣ ਦਾ ਇੰਜਣ ਬੰਦ

ਕੋਚੀ (ਕੇਰਲਮ), 7 ਸਤੰਬਰ (ਇੰਟ.)-ਕੋਚੀਨ ਤੋਂ ਅਬੂ ਧਾਬੀ ਜਾ ਰਹੀ ਏਅਰ ਇੰਡੀਆ ਐਕਸਪ੍ਰੈਸ ਬੋਇੰਗ 737 ਦੀ ਉਡਾਣ ਆਈ.ਐਕਸ. 415 ਨੂੰ ਉਡਾਣ ਦੇ ਵਿਚਕਾਰ ਵਾਪਸ ਮੋੜਨ ਲਈ ਮਜਬੂਰ ਕੀਤਾ ਗਿਆ ਕਿਉਂਕਿ ਚਾਲਕ ਦਲ ਨੇ ਇੰਜਣ 1 ’ਤੇ ਤੇਲ ਦੀ ਮਾਤਰਾ ਤੇਜ਼ੀ ਨਾਲ ਘਟਦੀ ਦੇਖੀ ਤੇ ਬਾਅਦ ’ਚ ਤੇਲ ਦਾ ਦਬਾਅ ਖ਼ਤਰੇ ਦੇ ਖੇਤਰ ’ਚ ਦਾਖਲ ਹੋਣ ’ਤੇ ਇੰਜਣ ਬੰਦ ਕਰ ਦਿੱਤਾ। ਜਹਾਜ਼ ਕੋਚੀਨ ਅੰਤਰਰਾਸ਼ਟਰੀ ਹਵਾਈ ਅੱਡੇ ’ਤੇ ਸੁਰੱਖਿਅਤ ਉਤਰਿਆ। ਸੂਤਰਾਂ ਦੇ ਅਨੁਸਾਰ, ਜਹਾਜ਼ ਉਡਾਣ ਭਰਨ ਤੋਂ ਲਗਭਗ 50 ਮਿੰਟ ਬਾਅਦ ਤੇ 36000 ਫੁੱਟ ਦੀ ਉਚਾਈ ’ਤੇ ਉੱਡ ਰਿਹਾ ਸੀ ਜਦੋਂ ਪਾਇਲਟ ਤੇ ਸਹਿ-ਪਾਇਲਟ ਨੇ ਇੰਜਣ 1 ਦੇ ਤੇਲ ਦੀ ਮਾਤਰਾ ਤੇਜ਼ੀ ਨਾਲ ਘਟਦੀ ਦੇਖੀ।