ਨਵਰਾਤਰਿਆਂ ਦੇ ਦਿਨਾਂ ’ਚ ਨੌ ਰੂਪਾਂ ਵਾਲੀ ਸਾਂਝੀ ਮਾਤਾ ਦੀ ਪੂਜਾ ਜਾਰੀ

ਮੁੱਲਾਂਪੁਰ-ਦਾਖਾ, 14 ਅਕਤੂਬਰ (ਨਿਰਮਲ ਸਿੰਘ ਧਾਲੀਵਾਲ)- ਦੁਸਹਿਰੇ ਤੋਂ ਪਹਿਲਾਂ ਨਵਰਾਤਰਿਆਂˆ ਦੌਰਾਨ ਮਾਤਾ ਦੇ ਨੌਂ ਰੂਪਾਂ ਦੀ ‘ਸਾਂਝੀ ਮਾਤਾ’ ਦੇ ਰੂਪ ਵਿਚ ਪੂਰੇ 9 ਦਿਨ ਪੂਜਾ ਵੀ ਕੀਤੀ ਜਾ ਰਹੀ ਹੈ, ਜਿਸ ਦੇ ਚਲਦੇ ਜਿਸ ਘਰ ਵਿਚ ਸਾਂਝੀ ਲਗਾਈ ਜਾਂਦੀ ਹੈ, ਉਸ ਦੇ ਆਂਢ-ਗੁਆਂਢ ਦੀਆਂ ਲੜਕੀਆਂ ਅਤੇ ਮਹਿਲਾਵਾਂ ਆ ਕੇ ਸ਼ਾਮ ਸਮੇਂ ਸਾਂਝੀ ਮਾਤਾ ਦੀ ਆਰਤੀ ਉਤਾਰਦੀਆਂ ਹਨ ਅਤੇ ਵੱਖ ਵੱਖ ਤਰ੍ਹਾਂ ਦੇ ਗੀਤ ਗਾ ਕੇ ਸਾਂਝੀ ਮਾਤਾ ਦੀ ਪ੍ਰਸੰਸਾ ਕਰਦੀਆਂ ਹਨ। ਔਰਤਾਂ ਦਾ ਮੰਨਣਾ ਹੈ ਕਿ ਸਾਂਝੀ ਮਾਤਾ ਦੀ ਇਨ੍ਹਾਂ 9 ਦਿਨਾਂ ਵਿਚ ਪੂਜਾ ਦੌਰਾਨ ਜੋ ਵੀ ਮੰਨਤ ਮੰਗੀ ਜਾਂਦੀ ਹੈ ਉਹ ਪੂਰੀ ਹੋ ਜਾਂਦੀ ਹੈ।