ਅੱਠਵੀਂ ਤੋਂ ਬਾਰ੍ਹਵੀਂ ਦੀ ਰਜਿਸਟ੍ਰੇਸ਼ਨ ਦੀਆਂ ਮਿਤੀਆਂ ਵਧਾਉਣ ਦੀ ਕੀਤੀ ਮੰਗ

ਖਮਾਣੋਂ, 25 ਅਗਸਤ (ਜੋਗਿੰਦਰ ਪਾਲ)-ਪੰਜਾਬ ਸਕੂਲ ਸਿੱਖਿਆ ਬੋਰਡ ਵਲੋਂ ਹਰ ਸਾਲ 31 ਅਗਸਤ ਤੱਕ ਬਿਨਾਂ ਲੇਟ ਫ਼ੀਸ ਤੋਂ ਰਜਿਸਟ੍ਰੇਸ਼ਨ ਕੀਤੀ ਜਾਂਦੀ ਹੈ ਪਰ ਇਸ ਵਾਰ ਬੋਰਡ ਵਲੋਂ 22 ਅਗਸਤ ਤੱਕ ਹੀ 2000 ਰੁਪਏ ਲੇਟ ਫ਼ੀਸ ਨਾਲ ਵਾਧਾ ਕੀਤਾ ਗਿਆ ਹੈ। ਇਸ ਵਾਧੇ ਦੇ ਨੋਟ ਵਿਚ ਆਨਲਾਈਨ ਐਂਟਰੀ ਤੇ ਫ਼ੀਸ ਜਮ੍ਹਾਂ ਕਰਵਾਉਣ ਦੀ ਮਿਤੀ 31 ਅਗਸਤ ਤੱਕ ਲਿਖੀ ਗਈ ਹੈ ਪਰ ਬੋਰਡ ਵਲੋਂ 22 ਅਗਸਤ ਤੱਕ ਹੀ ਆਨਲਾਈਨ ਐਂਟਰੀ ਬੰਦ ਕੀਤੀ ਗਈ ਹੈ ਜਦਕਿ ਹਰ ਸਾਲ 31 ਅਗਸਤ ਤੋਂ ਬਾਅਦ ਹੀ ਲੇਟ ਫ਼ੀਸ ਸ਼ੁਰੂ ਕੀਤੀ ਜਾਂਦੀ ਹੈ, ਇਸ ਕਰਕੇ ਬਹੁਤ ਸਾਰੇ ਵਿਦਿਆਰਥੀ ਰਜਿਸਟਰ ਹੋਣ ਤੋਂ ਰਹਿ ਗਏ ਹਨ।