ਪ੍ਰਵਾਸੀ ਮਜ਼ਦੂਰ ਦੇ ਘਰੋਂ ਮੋਟਰਸਾਈਕਲ ਚੋਰੀ
ਕਾਹਨੂੰਵਾਨ, 16 ਅਕਤੂਬਰ (ਨਿਸ਼ਾਨ ਸਿੰਘ ਚਾਹਲ)-ਕਸਬਾ ਕਾਹਨੂੰਵਾਨ ਦੇ ਸੰਘਣੀ ਆਬਾਦੀ ਵਾਲੇ ਖੇਤਰ ਵਿਚ ਇਕ ਪ੍ਰਵਾਸੀ ਮਜ਼ਦੂਰ ਦੇ ਘਰੋਂ ਚੋਰ ਮੋਟਰਸਾਈਕਲ ਚੋਰੀ ਕਰਕੇ ਫ਼ਰਾਰ ਹੋ ਗਏ। ਮਿਨਰਾਜ ਆਲਮ ਪੁੱਤਰ ਮੁਹੰਮਦ ਇਲਤਾਫ, ਵਾਸੀ ਕਾਜੀ ਬਸਤੀ ਪਟੇਸਰੀ, ਥਾਣਾ ਠਾਕੁਰਗੰਜ, ਜ਼ਿਲ੍ਹਾ ਕਿਸ਼ਨਗੰਜ (ਬਿਹਾਰ), ਹਾਲ ਵਾਸੀ ਕਾਹਨੂੰਵਾਨ ਨੇ ਦੱਸਿਆ ਕਿ ਉਹ ਕਸਬਾ ਕਾਹਨੂੰਵਾਨ ਵਿਖੇ ਪੰਮਾ ਮੁਨਿਆਰੀ ਵਾਲੇ ਦੇ ਘਰ ਕਿਰਾਏ ’ਤੇ ਰਹਿ ਰਿਹਾ ਹੈ ਤੇ ਕਾਹਨੂੰਵਾਨ ਸਮੇਤ ਆਸ-ਪਾਸ ਦੇ ਪਿੰਡਾਂ ਵਿਚ ਟਾਇਲਾਂ ਤੇ ਪੱਥਰ ਲਗਾਉਣ ਦਾ ਕੰਮ ਕਰਦਾ ਹੈ।
ਕਾਹਨੂੰਵਾਨ, 16 ਅਕਤੂਬਰ (ਨਿਸ਼ਾਨ ਸਿੰਘ ਚਾਹਲ)-ਕਸਬਾ ਕਾਹਨੂੰਵਾਨ ਦੇ ਸੰਘਣੀ ਆਬਾਦੀ ਵਾਲੇ ਖੇਤਰ ਵਿਚ ਇਕ ਪ੍ਰਵਾਸੀ ਮਜ਼ਦੂਰ ਦੇ ਘਰੋਂ ਚੋਰ ਮੋਟਰਸਾਈਕਲ ਚੋਰੀ ਕਰਕੇ ਫ਼ਰਾਰ ਹੋ ਗਏ। ਮਿਨਰਾਜ ਆਲਮ ਪੁੱਤਰ ਮੁਹੰਮਦ ਇਲਤਾਫ, ਵਾਸੀ ਕਾਜੀ ਬਸਤੀ ਪਟੇਸਰੀ, ਥਾਣਾ ਠਾਕੁਰਗੰਜ, ਜ਼ਿਲ੍ਹਾ ਕਿਸ਼ਨਗੰਜ (ਬਿਹਾਰ), ਹਾਲ ਵਾਸੀ ਕਾਹਨੂੰਵਾਨ ਨੇ ਦੱਸਿਆ ਕਿ ਉਹ ਕਸਬਾ ਕਾਹਨੂੰਵਾਨ ਵਿਖੇ ਪੰਮਾ ਮੁਨਿਆਰੀ ਵਾਲੇ ਦੇ ਘਰ ਕਿਰਾਏ ’ਤੇ ਰਹਿ ਰਿਹਾ ਹੈ ਤੇ ਕਾਹਨੂੰਵਾਨ ਸਮੇਤ ਆਸ-ਪਾਸ ਦੇ ਪਿੰਡਾਂ ਵਿਚ ਟਾਇਲਾਂ ਤੇ ਪੱਥਰ ਲਗਾਉਣ ਦਾ ਕੰਮ ਕਰਦਾ ਹੈ। ਮਿਨਰਾਜ ਆਲਮ ਨੇ ਦੱਸਿਆ ਕਿ ਬੀਤੀ ਰਾਤ ਉਹ ਕੰਮ ਤੋਂ ਵਾਪਸ ਆਉਣ ਉਪਰੰਤ ਆਪਣਾ ਮੋਟਰਸਾਈਕਲ ਘਰ ਦੇ ਅੰਦਰ ਖੜ੍ਹਾ ਕਰਕੇ ਸੌਂ ਗਿਆ। ਸਵੇਰੇ ਉੱਠ ਕੇ ਦੇਖਿਆ ਤਾਂ ਮੋਟਰਸਾਈਕਲ ਉਸ ਥਾਂ ਤੋਂ ਗਾਇਬ ਸੀ, ਜਿੱਥੇ ਉਸ ਨੇ ਰਾਤ ਨੂੰ ਖੜ੍ਹਾ ਕੀਤਾ ਸੀ। ਕਾਫ਼ੀ ਭਾਲ ਕਰਨ ਦੇ ਬਾਵਜੂਦ ਮੋਟਰਸਾਈਕਲ ਦਾ ਕੋਈ ਪਤਾ ਨਹੀਂ ਲੱਗ ਸਕਿਆ।ਉਸ ਨੇ ਦੱਸਿਆ ਕਿ ਇਸ ਸਬੰਧੀ ਮਕਾਨ ਮਾਲਕ ਨੂੰ ਜਾਣਕਾਰੀ ਦੇਣ ਤੋਂ ਬਾਅਦ ਥਾਣਾ ਕਾਹਨੂੰਵਾਨ ਦੀ ਪੁਲਿਸ ਨੂੰ ਵੀ ਸੂਚਿਤ ਕਰ ਦਿੱਤਾ ਗਿਆ ਹੈ। ਪੁਲਿਸ ਵਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
