ਦਿਆਨੰਦ ਹਸਪਤਾਲ ਵਿਖੇ ਸਫਲ ਕੈਡੇਵਰਿਕ ਲੀਵਰ ਟਰਾਂਸਪਲਾਂਟ ਨਾਲ ਮਰੀਜ਼ ਨੂੰ ਮਿਲੀ ਜ਼ਿੰਦਗੀ ਦੀ ਨਵੀਂ ਉਮੀਦ

ਲੁਧਿਆਣਾ, 8 ਅਕਤੂਬਰ (ਡਾ. ਤਰਲੋਚਨ ਸਿੰਘ)-ਦਿਆਨੰਦ ਹਸਪਤਾਲ ਦੀ ਲੀਵਰ ਟਰਾਂਸਪਲਾਂਟ ਟੀਮ ਨੇ ਸਫਲਤਾਪੂਰਵਕ ਕੈਡੇਵਰਿਕ ਲੀਵਰ ਟਰਾਂਸਪਲਾਂਟ ਕੀਤਾ।

ਦ

ਦਿਆਨੰਦ ਹਸਪਤਾਲ ਵਿਖੇ ਲਿਆਂਦੇ ਗਏ ਦਾਨ ਕੀਤੇ ਲੀਵਰ ਦੇ ਨਾਲ ਹਸਪਤਾਲ ਦੀ ਡਾਕਟਰੀ ਟੀਮ। ਅਜੀਤ ਤਸਵੀਰ 09-10-2026

ਲੁਧਿਆਣਾ, 8 ਅਕਤੂਬਰ (ਡਾ. ਤਰਲੋਚਨ ਸਿੰਘ)-ਦਿਆਨੰਦ ਹਸਪਤਾਲ ਦੀ ਲੀਵਰ ਟਰਾਂਸਪਲਾਂਟ ਟੀਮ ਨੇ ਸਫਲਤਾਪੂਰਵਕ ਕੈਡੇਵਰਿਕ ਲੀਵਰ ਟਰਾਂਸਪਲਾਂਟ ਕੀਤਾ। ਇਹ ਲੀਵਰ ਮਧੂ ਸ਼ਰਮਾ ਦੇ ਪਰਿਵਾਰ ਵਲੋਂ ਦਾਨ ਕੀਤਾ ਗਿਆ। ਮਧੂ ਸ਼ਰਮਾ ਨੂੰ ਗੰਭੀਰ ਸਬਰੈਕਨਾਇਡ ਹੈਮਰੇਜ ਅਤੇ ਇੰਟਰਾਵੈਂਟ੍ਰਿਕੁਲਰ ਹੈਮਰੇਜ ਤੋਂ ਬਾਅਦ ਫੋਰਟਿਸ ਹਸਪਤਾਲ, ਮੋਹਾਲੀ ਵਿਚ ਬ੍ਰੇਨ ਡੈਡ ਘੋਸ਼ਿਤ ਕੀਤਾ ਗਿਆ ਸੀ। ਗਹਿਰੇ ਦੁੱਖ ਦੇ ਸਮੇਂ ਉਨ੍ਹਾਂ ਦੇ ਪਰਿਵਾਰ, ਜਿਸ ਵਿਚ ਭਾਰਤੀ ਫ਼ੌਜ ਵਿਚ ਸੇਵਾ ਕਰ ਰਿਹਾ ਉਨ੍ਹਾਂ ਦਾ ਪੁੱਤਰ ਵੀ ਸ਼ਾਮਲ ਹੈ ਨੇ ਅੰਗ ਦਾਨ ਲਈ ਸਹਿਮਤੀ ਦਿੱਤੀ। ਬ੍ਰੇਨ ਡੈੱਥ ਦੀ ਪੁਸ਼ਟੀ ਅਤੇ ਪਰਿਵਾਰ ਦੀ ਸਹਿਮਤੀ ਤੋਂ ਬਾਅਦ ਅੰਗ ਦਾਨ ਦੀ ਪੂਰੀ ਪ੍ਰਕਿਰਿਆ ਸੋਟੋ ਪੰਜਾਬ ਰਾਹੀਂ ਕੀਤੀ ਗਈ। ਦਿਆਨੰਦ ਹਸਪਤਾਲ ਕੋਲ ਅਹਿਮਦਗੜ੍ਹ ਦਾ ਇਕ ਯੋਗ ਮਰੀਜ਼ ਮੌਜੂਦ ਸੀ, ਜੋ ਕਈ ਸਾਲਾਂ ਤੋਂ ਲੀਵਰ ਦੀ ਬਿਮਾਰੀ ਅਤੇ ਲੀਵਰ ਫੇਲੀਅਰ ਤੋਂ ਪੀੜਤ ਸੀ। ਉਸ ਦੇ ਪਰਿਵਾਰ ਵਿਚ ਕੋਈ ਯੋਗ ਜੀਵਤ ਡੋਨਰ ਨਹੀਂ ਸੀ। ਦਿਆਨੰਦ ਹਸਪਤਾਲ ਦੀ ਰਿਟਰੀਵਲ ਟੀਮ ਮੋਹਾਲੀ ਪਹੁੰਚੀ ਅਤੇ ਫੋਰਟਿਸ ਹਸਪਤਾਲ ਦੀ ਟੀਮ ਨਾਲ ਮਿਲ ਕੇ ਲੀਵਰ ਪ੍ਰਾਪਤ ਕੀਤਾ। ਦਾਨ ਕੀਤਾ ਲੀਵਰ ਗ੍ਰੀਨ ਕੋਰੀਡੋਰ ਰਾਹੀਂ ਦਿਆਨੰਦ ਹਸਪਤਾਲ ਲਿਆਂਦਾ ਗਿਆ ਅਤੇ ਨਿਰਧਾਰਿਤ ਸਮੇਂ ਦੇ ਅੰਦਰ ਸਫਲਤਾਪੂਰਵਕ ਟਰਾਂਸਪਲਾਂਟ ਕੀਤਾ ਗਿਆ। ਟਰਾਂਸਪਲਾਂਟ ਟੀਮ ਦੀ ਅਗਵਾਈ ਡਾ. ਗੁਰਸਾਗਰ ਸਿੰਘ ਸਹੋਤਾ, ਚੀਫ਼ ਲੀਵਰ ਟਰਾਂਸਪਲਾਂਟ ਸਰਜਨ ਨੇ ਕੀਤੀ। ਡਾ. ਸੰਗਮ ਪਾਪਨੇਜਾ, ਐਸੋਸੀਏਟ ਕੰਸਲਟੈਂਟ, ਲੀਵਰ ਟਰਾਂਸਪਲਾਂਟ ਨੇ ਸਰਜੀਕਲ ਟੀਮ ਦੇ ਮੈਂਬਰ ਵਜੋਂ ਮਹੱਤਵਪੂਰਨ ਭੂਮਿਕਾ ਨਿਭਾਈ। ਡਾ. ਪੀ.ਐਲ. ਗੌਤਮ, ਹੈੱਡ, ਕ੍ਰਿਟੀਕਲ ਕੇਅਰ ਅਤੇ ਲੀਵਰ ਟਰਾਂਸਪਲਾਂਟ ਐਨੇਸਥੀਜ਼ੀਆ ਅਤੇ ਉਨ੍ਹਾਂ ਦੀ ਟੀਮ ਨੇ ਐਨੇਸਥੀਜ਼ੀਆ ਅਤੇ ਕ੍ਰਿਟੀਕਲ ਕੇਅਰ ਦੀਆਂ ਲੋੜਾਂ ਨੂੰ ਸੰਭਾਲਿਆ। ਟਰਾਂਸਪਲਾਂਟ ਕੋਆਰਡੀਨੇਟਰਾਂ, ਨਰਸਿੰਗ ਸਟਾਫ਼, ਟੈਕਨੀਸ਼ੀਅਨਾਂ, ਓਪਰੇਟਿੰਗ ਰੂਮ ਸਟਾਫ਼, ਐਂਬੂਲੈਂਸ ਅਤੇ ਟਰਾਂਸਪੋਰਟ ਟੀਮਾਂ ਅਤੇ ਹੋਰ ਸਹਾਇਕ ਵਿਭਾਗਾਂ ਨੇ ਇਸ ਸਮੇਂ-ਸੰਵੇਦਨਸ਼ੀਲ ਪ੍ਰਕਿਰਿਆ ਨੂੰ ਸਫਲ ਬਣਾਉਣ ਵਿਚ ਮਹੱਤਵਪੂਰਨ ਯੋਗਦਾਨ ਦਿੱਤਾ। ਹਸਪਤਾਲ ਮੈਨੇਜਿੰਗ ਸੋਸਾਇਟੀ ਦੇ ਸਕੱਤਰ ਬੀਪਿਨ ਗੁਪਤਾ ਨੇ ਕਿਹਾ ਕਿ ਨਿੱਜੀ ਦੁੱਖ ਦੀ ਇਸ ਘੜੀ ਵਿਚ ਪਰਿਵਾਰ ਵਲੋਂ ਅੰਗ ਦਾਨ ਦਾ ਫ਼ੈਸਲਾ ਮਨੁੱਖਤਾ ਦੀ ਇਕ ਬੇਮਿਸਾਲ ਮਿਸਾਲ ਹੈ। ਉਨ੍ਹਾਂ ਕਿਹਾ ਕਿ ਅੰਗ ਦਾਨ ਦੁੱਖ ਨੂੰ ਉਮੀਦ ਵਿਚ ਬਦਲ ਸਕਦਾ ਹੈ ਅਤੇ ਗੰਭੀਰ ਬਿਮਾਰੀਆਂ ਨਾਲ ਜੂਝ ਰਹੇ ਕਈ ਮਰੀਜ਼ਾਂ ਨੂੰ ਜ਼ਿੰਦਗੀ ਦਾ ਦੂਜਾ ਮੌਕਾ ਦੇ ਸਕਦਾ ਹੈ। ਉਨ੍ਹਾਂ ਨੇ ਇਸ ਮਾਮਲੇ ਵਿਚ ਸ਼ਾਮਲ ਸਾਰੇ ਹਸਪਤਾਲਾਂ ਅਤੇ ਟੀਮਾਂ ਦੇ ਸਾਂਝੇ ਯਤਨਾਂ ਦੀ ਵੀ ਸ਼ਲਾਘਾ ਕੀਤੀ। ਪ੍ਰਿੰਸੀਪਲ ਡਾ. ਜੀ.ਐਸ. ਵਾਂਡਰ ਨੇ ਲੀਵਰ ਟਰਾਂਸਪਲਾਂਟ ਟੀਮ ਅਤੇ ਸਾਰੇ ਸਹਾਇਕ ਵਿਭਾਗਾਂ ਨੂੰ ਉਨ੍ਹਾਂ ਦੇ ਸਾਂਝੇ ਯਤਨਾਂ ਲਈ ਵਧਾਈ ਦਿੱਤੀ। ਉਨ੍ਹਾਂ ਕਿਹਾ ਕਿ ਇਹ ਸਫਲ ਕੈਡੇਵਰਿਕ ਟਰਾਂਸਪਲਾਂਟ ਦਿਆਨੰਦ ਹਸਪਤਾਲ ਦੀ ਐਡਵਾਂਸਡ ਟਰਾਂਸਪਲਾਂਟ ਸੇਵਾਵਾਂ ਦੇਣ ਦੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ। ਇਹ ਸਫਲ ਟਰਾਂਸਪਲਾਂਟ ਇਕ ਵਾਰ ਫਿਰ ਅੰਗ ਦਾਨ ਦੀ ਮਹੱਤਤਾ ਨੂੰ ਉਜਾਗਰ ਕਰਦਾ ਹੈ। ਦਿਆਨੰਦ ਦੀ ਲਿਵਰ ਟਰਾਂਸਪਲਾਂਟ ਟੀਮ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਇਹ ਸਮਝਣ ਕਿ ਅੰਗ ਦਾਨ ਕਿਸੇ ਦੁਖਾਂਤ ਨੂੰ ਉਮੀਦ ਵਿਚ ਬਦਲ ਸਕਦਾ ਹੈ। ਇਕ ਦਾਨੀ ਸੰਭਾਵੀ ਤੌਰ ‘ਤੇ ਕਈ ਮਰੀਜ਼ਾਂ ਨੂੰ ਜ਼ਿੰਦਗੀ ਦਾ ਦੂਜਾ ਮੌਕਾ ਦੇ ਸਕਦਾ ਹੈ ਅਤੇ ਦਾਨ ਲਈ ਅੱਗੇ ਆਉਣ ਵਾਲੇ ਪਰਿਵਾਰ ਜਾਨਾਂ ਬਚਾਉਣ ਵਿਚ ਅਨਮੋਲ ਭੂਮਿਕਾ ਨਿਭਾਉਂਦੇ ਹਨ।

ਦਿਆਨੰਦ ਹਸਪਤਾਲ ਵਿਖੇ ਸਫਲ ਕੈਡੇਵਰਿਕ ਲੀਵਰ ਟਰਾਂਸਪਲਾਂਟ ਨਾਲ ਮਰੀਜ਼ ਨੂੰ ਮਿਲੀ ਜ਼ਿੰਦਗੀ ਦੀ ਨਵੀਂ ਉਮੀਦ

Subscribers Only Story

ਸੰਬੰਧਿਤ ਖ਼ਬਰਾਂ