ਖਰੜ ਦੇ ਬਿਜਲੀ ਦਫ਼ਤਰ ’ਚੋਂ ਸਾਮਾਨ ਚੋਰੀ

ਖਰੜ, 28 ਸਤੰਬਰ (ਜੰਡਪੁਰੀ)-ਸਥਾਨਕ ਬੱਸ ਸਟੈਂਡ ‘ਤੇ ਸਥਿਤ ਬਿਜਲੀ ਬੋਰਡ ਦੇ ਦਫ਼ਤਰ ‘ਚੋਂ ਚੋਰਾਂ ਵਲੋਂ ਸਾਮਾਨ ਚੋਰੀ ਕਰ ਲਿਆ ਗਿਆ। ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਬਿਜਲੀ ਬੋਰਡ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਜਦੋਂ ਉਨ੍ਹਾਂ ਨੇ ਅੱਜ ਸਵੇਰੇ ਦਫ਼ਤਰ ਆ ਕੇ ਦੇਖਿਆ ਤਾਂ ਦਫ਼ਤਰ ਵਿਚਲੇ ਕਮਰਿਆਂ ਦੇ ਪਿਛਲੇ ਪਾਸੇ ਦੀ ਦਰਵਾਜੇ ਟੁੱਟੇ ਹੋਏ ਸਨ ਅਤੇ ਚੋਰਾਂ ਵਲੋਂ ਮੀਟਰ ਵਾਲੇ ਬਕਸੇ, ਲੋਹੇ ਦੀਆਂ ਤਾਰਾਂ, ਕਟਰ, ਪੱਤੀਆਂ ਤੇ ਕਾਪਰ ਚੈਨਲ ਆਦਿ ਚੋਰੀ ਕੀਤੇ ਜਾ ਚੁੱਕੇ ਸਨ।