ਔਰਤ ਨੇ ਵਿਅਕਤੀ ਦੇ ਘਰ ਆ ਕੇ ਲਾਈ ਅੱਗ, ਸਾਮਾਨ ਸੜ ਕੇ ਸੁਆਹ

ਅ

ਅਜੀਤ ਡੈਸਕ 17-10-2026

ਅੰਮ੍ਰਿਤਸਰ, 16 ਅਕਤੂਬਰ (ਰੇਸ਼ਮ ਸਿੰਘ)- ਇਕ ਔਰਤ ਨੇ ਇਕ ਵਿਅਕਤੀ ਦੇ ਘਰ ਆ ਕੇ ਘਰ ਨੂੰ ਅਗ ਲਾ ਦਿੱਤੀ ਜਿਸ ਕਾਰਨ ਉਸਦੇ ਘਰ ਪਏ ਗਹਿਣੇ ਤੇ ਨਕਦੀ ਆਦਿ ਵੀ ਸੜ ਗਏ। ਘਰ ਦੀ ਮਾਲਕਣ ਔਰਤ ਨੇ ਦੋਸ਼ ਲਾਇਆ ਕਿ ਅੱਗ ਲਾਉਣ ਵਾਲੀ ਉਸਦੇ ਪਤੀ ਨਾਲ ਨਾਜਾਇਜ਼ ਸੰਬੰਧਾਂ ’ਚ ਰਹਿੰਦੀ ਰਹੀ ਹੈ। ਥਾਣਾ ਸਦਰ ਦੀ ਪੁਲਿਸ ਨੂੰ ਪ੍ਰੀਤੀ ਵਾਸੀ ਬਾਬਾ ਦੀਪ ਸਿੰਘ ਕਲੌਨੀ ਨੰਗਲੀ ਭੱਠਾ ਨੇ ਦੋਸ਼ ਲਾਇਆ ਕਿ ਇਕ ਔਰਤ ਦੇ ਉਸਦੇ ਪਤੀ ਕੁਲਵਿੰਦਰ ਸਿੰਘ ਨਾਲ ਤਿੰਨ ਸਾਲ ਤੋਂ ਨਜਾਇਜ਼ ਸੰਬੰਧ ਸਨ ਅਤੇ ਉਹ ਰਿਲੇਸ਼ਨਸ਼ਿਪ ’ਚ ਸਨ। ਬੀਤੇ ਦਿਨੀ ਦੁਪਹਿਰ 1 ਵਜੇ ਉਹ ਤੇ ਉਸਦੀ ਛੇ ਮਹੀਨਿਆਂ ਦੀ ਧੀ ਨਾਲ ਇਕਲੀ ਜਦੋਂ ਕਿ ਉਕਤ ਔਰਤ ਆ ਗਈ ਤੇ ਉਸਦੇ ਪਤੀ ਬਾਰੇ ਪੁਛੱਣ ਲਗੀ ਕਿ ਉਹ ਕਿੱਥੇ ਹੈ ਤੇ ਉਹ ਘਰ ’ਚ ਰਹਿਣ ਦੀ ਜਿੱਦ ਕਰਨ ਲਗੀ। ਉਸਨੇ ਜਦੋਂ ਰੋਕਿਆ ਤਾਂ ਉਸਨੇ ਕੋਈ ਜਲਨਸ਼ੀਲ ਪਦਾਰਥ ਨਾਲ ਅਗ ਲਾ ਕੇ ਆਪਣੀ ਚੁੰਨੀ ਨੂੰ ਲਾ ਦਿੱਤੀ ਤੇ ਚੁੰਨੀ ਨੂੰ ਬੈੱਡ ’ਤੇ ਸੁੱਟ ਦਿੱਤਾ। ਜੋ ਕਿ ਦੇਖਦੇ ਹੀ ਦੇਖਦੇ ਅੱਗ ਫੈਲ ਗਈ ਤੇ ਘਰ ਦੀ ਅਲਮਾਰੀ ’ਚ ਪਏ 95 ਹਜ਼ਾਰ ਨਕਦੀ, ਚਾਂਦੀ ਦੇ ਗਹਿਣੇ, ਫਰਿਜ਼, ਕੂਲਰ, ਇਨਵਰਨਟਰ ਆਦਿ ਸੜ ਗਏ। ਪੁਲਿਸ ਵਲੋਂ ਮਾਮਲਾ ਦਰਜ ਕਰਕੇ ਨੇਹਾ ਨਾਮਕ ਔਰਤ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।

ਪਿਛਲੀ ਖ਼ਬਰ ਰੋਟਰੀ ਕਲੱਬ ਅੰਮ੍ਰਿਤਸਰ ਸਾਊਥ ਈਸਟ ਵਲੋਂ ਚਾਰ ਅਧਿਆਪਕਾਵਾਂ ਦਾ ‘ਨੇਸ਼ਨ ਬਿਲਡਰ ਐਵਾਰਡ’ ਨਾਲ ਸਨਮਾਨ ਅਗਲੀ ਖ਼ਬਰ ‘ਆਪ’ ਵਿਧਾਇਕ’ ਮਨਵਿੰਦਰ ਸਿੰਘ ਗਿਆਸਪੁਰਾ ‘ਤਨਖ਼ਾਹੀਆ’ ਕਰਾਰ