ਆਗ਼ਾਜ਼-ਏ-ਦੋਸਤੀ ਕਰੇਗੀ 15ਵਾਂ ਸਾਲਾਨਾ ‘ਇੰਡੋ-ਪਾਕਿ ਪੀਸ ਕੈਲੰਡਰ 2027’ ਜਾਰੀ

ਅ

ਅਜੀਤ ਡੈਸਕ 17-10-2026

ਅੰਮ੍ਰਿਤਸਰ, 16 ਅਕਤੂਬਰ (ਸੁਰਿੰਦਰ ਕੋਛੜ)-ਭਾਰਤ ਪਾਕਿਸਤਾਨ ਦੋਵਾਂ ਦੇਸ਼ਾਂ ਦਰਮਿਆਨ ਸ਼ਾਂਤੀ ਅਤੇ ਦੋਸਤੀ ਨੂੰ ਉਤਸ਼ਾਹਿਤ ਕਰਨ ਵਾਲੀ ਸੰਸਥਾ ਆਗ਼ਾਜ਼-ਏ-ਦੋਸਤੀ ਵਲੋਂ ਆਪਣੇ 15ਵੇਂ ਸਾਲਾਨਾ ‘ਇੰਡੋ-ਪਾਕਿ ਪੀਸ ਕੈਲੰਡਰ 2027’ ਲਈ ਸਕੂਲੀ ਵਿਦਿਆਰਥੀਆਂ ਕੋਲੋਂ ਪੇਂਟਿੰਗਾਂ ਮੰਗੀਆਂ ਗਈਆਂ ਹਨ। ਇਸ ਪਹਿਲਕਦਮੀ ’ਚ ਆਰਟ ਅਬੋਡ ਅਤੇ ਗਾਂਧੀਅਨ ਸੋਸਾਇਟੀ ਸਹਿਯੋਗੀ ਵਜੋਂ ਸ਼ਾਮਿਲ ਹਨ। ਸੰਸਥਾ ਆਗ਼ਾਜ਼-ਏ-ਦੋਸਤੀ ਦੇ ਪ੍ਰਬੰਧਕਾਂ ਮੁਤਾਬਿਕ ਇਸ ਵਾਰ ਦੀਆਂ ਪੇਂਟਿੰਗਾਂ ਦਾ ਮੁੱਖ ਵਿਸ਼ਾ ‘ਸ਼ਾਂਤੀ ਦੇ ਲਾਭ’ ਰੱਖਿਆ ਗਿਆ ਹੈ ਤੇ ਛੇਵੀਂ ਤੋਂ ਬਾਰ੍ਹਵੀਂ ਜਮਾਤ ਤੱਕ ਦਾ ਕੋਈ ਵੀ ਵਿਦਿਆਰਥੀ ਇਸ ਮੁਕਾਬਲੇ ’ਚ ਹਿੱਸਾ ਲੈ ਸਕਦਾ ਹੈ। ਵਿਦਿਆਰਥੀਆਂ ਨੂੰ ਏ ਫੋਰ (4) ਆਕਾਰ ਦੀ ਬਿਨਾਂ ਸਪਾਇਰਲ ਵਾਲੀ ਸ਼ੀਟ ’ਤੇ ਬਣੀ ਪੇਂਟਿੰਗ ਭੇਜਣੀ ਹੋਵੇਗੀ। ਪੇਂਟਿੰਗ ਦਾ ਸੰਖੇਪ ਵੇਰਵਾ ਜਾਂ ਕੈਪਸ਼ਨ ਲਿਖਣਾ ਲਾਜ਼ਮੀ ਹੈ। ਆਗਾਜ਼-ਏ-ਦੋਸਤੀ ਦੇ ਕਾਰਕੁਨਾਂ ਅਨੁਸਾਰ ਉਕਤ ਸੰਸਥਾ ਦਾ ਇਕ ਹੀ ਉਦੇਸ਼ ਹੈ ਕਿ ਨਫ਼ਰਤ ਦਾ ਖ਼ਾਤਮਾ ਕਰਕੇ ਆਪਸੀ ਸਾਂਝ ਨੂੰ ਮਜ਼ਬੂਤ ਬਣਾਉਣਾ। ਉਨ੍ਹਾਂ ਕਿਹਾ ਕਿ ਭਾਰਤ-ਪਾਕਿ ਦੋਵੇਂ ਪਾਸੇ ਚੰਗੇ ਮਾਹੌਲ ’ਚ ਗੱਲਬਾਤ ਨਾ ਹੋਣ ਕਰਕੇ ਕਈ ਤਰ੍ਹਾਂ ਦੀਆਂ ਗ਼ਲਤ ਫਹਿਮੀਆਂ ਪੈਦਾ ਹੋ ਰਹੀਆਂ ਹਨ ਤੇ ਸ਼ਰਾਰਤੀ ਲੋਕ ਇਸ ਦਾ ਲਾਹਾ ਲੈ ਕੇ ਦੋਵੇਂ ਪਾਸੇ ਨਫ਼ਰਤਾਂ ਖੜ੍ਹੀਆਂ ਕਰ ਰਹੇ ਹਨ।

ਪਿਛਲੀ ਖ਼ਬਰ ਪਿੰਡ ਮੀਰਾਂਕੋਟ ਆਮ ਆਦਮੀ ਕਲੀਨਕ ਦਾ ਉਦਘਾਟਨ ਉਦਘਾਟਨ ਕਰਨ ਪਹੁੰਚੀ ਸਮੁੱਚੀ ਪੰਚਾਇਤ ਦਾ ਸਟਾਮੋ ਵਲੋਂ ਸਵਾਗਤ ਅਗਲੀ ਖ਼ਬਰ ਪਾਕਿ ’ਚ 557ਵੇਂ ਪ੍ਰਕਾਸ਼ ਪੁਰਬ ਸਮਾਗਮਾਂ ਦੀਆਂ ਤਿਆਰੀਆਂ ਮੁਕੰਮਲ