ਰਾਜਪੁਰਾ, 15 ਅਕਤੂਬਰ (ਜੀ.ਪੀ. ਸਿੰਘ)- ਪੁਰਾਣਾ ਰਾਜਪੁਰਾ ਦੀ ਭਾਰਤ ਕਾਲੌਨੀ ਦੇ ਇਕ ਘਰ ਵਿੱਚੋਂ ਚੋਰ ਦਿਨ ਦਿਹਾੜੇ ਤਾਲਾ ਤੋੜ ਕੇ ਅੰਦਰ ਦਾਖ਼ਲ ਹੋ ਕੇ ਕਰੀਬ 3 ਲੱਖ ਰੁਪਏ ਸੋਨੇ ਚਾਂਦੀ ਦੇ ਗਹਿਣੇ ਚੋਰੀ ਕਰਕੇ ਫਰਾਰ ਹੋ ਗੲ। ਘਰ ਦੇ ਮਾਲਕ ਜੋਗਿੰਦਰ ਸਿੰਘ ਨੇ ਦੱਸਿਆ ਕਿ ਉਹ ਸਥਾਨਕ ਮੁਕਤ ਸਕੂਲ `ਚ ਕੰਮ ਕਰਦਾ ਹੈ ਤੇ ਲੰਘੀ 13 ਅਕਤੂਬਰ ਨੂੰ ਉਹ ਅਤੇ ਉਸ ਦੀ ਪਤਨੀ ਜੋ ਕਿ ਗਿਆਨ ਸਾਗਰ ਹਸਪਤਾਲ ’ਚ ਕੰਮ ਕਰਦੀ ਹੈ ਦੋਵੇਂ ਡਿਊਟੀ ਤੇ ਗਏ ਹੋਏ ਸਨ ਅਤੇ ਉਨ੍ਹਾਂ ਦੀ ਲੜਕੀ ਆਪਣੇ ਕਾਲਜ ਪੜ੍ਹਣ ਗਈ ਸੀ। ਇਸ ਦੌਰਾਨ ਘਰ ’ਚ ਕੋਈ ਨਾਂਹ ਹੋਣ ਕਾਰਨ ਚੋਰਾਂ ਨੇ ਨਾਲ ਦੇ ਘਰ ਤੋਂ ਟੱਪ ਕੇ ਉਹਨਾਂ ਦੇ ਛੱਤ ’ਤੇ ਆ ਗਏ ਤੇ ਫੇਰ ਥੱਲੇ ਆ ਕੇ ਘਰ ਦਾ ਤਾਲਾ ਤੋੜ ਕੇ ਅੰਦਰ ਦਾਖ਼ਲ ਹੋ ਕੇ ਅਲਮਾਰੀ ਵਿਚ ਪਏ ਕਰੀਬ 3 ਲੱਖ ਦੇ ਸੋਨੇ-ਚਾਂਦੀ ਦੇ ਗਹਿਣੇ ਚੋਰੀ ਕਰਕੇ ਮੌਕੇ ਤੋਂ ਫਰਾਰ ਹੋ ਗਏ। ਇਸ ਚੋਰੀ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ ਗਈ ਤੇ ਸ਼ਹਿਰੀ ਥਾਣੇ ਦੀ ਪੁਲਿਸ ਨੇ ਮੌਕੇ ਦਾ ਜਾਇਜ਼ਾ ਲੈ ਕੇ ਤਫਤੀਸ਼ ਦੌਰਾਨ ਵਿਅਕਤੀਆਂ ਲਖਵਿੰਦਰ ਸਿੰਘ ਪੁੱਤਰ ਬਲਦੇਵ ਸਿੰਘ ਵਾਸੀ ਪਿੰਡ ਨਲਵੀ ਜ਼ਿਲ੍ਹਾ ਕੁਰਕਸ਼ੇਤਰ ਹਰਿਆਣਾ ਤੇ ਸੂਰਜ ਕੁਮਾਰ ਪੁੱਤਰ ਹੀਰਾ ਲਾਲਾ ਵਾਸੀ ਪੀਰ ਕਾਲੋਨੀ ਰਾਜਪੁਰਾ ਖ਼ਿਲਾਫ਼ ਕੇਸ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
