ਦੀਵਾਲੀ ਦੀ ਰਾਤ ਪਟਾਕਿਆਂ ਕਾਰਨ ਕਬਾੜ ਦੀ ਦੁਕਾਨ ਨੂੰ ਲੱਗੀ ਭਿਆਨਕ ਅੱਗ
ਮਲੋਟ , 9 ਨਵੰਬਰ ( ਪਾਟਿਲ )- ਦੀਵਾਲੀ ਦੀ ਰਾਤ ਮਲੋਟ ਦੇ ਬਿਰਲਾ ਰੋਡ ’ ਤੇ ਬਿਰਲਾ ਕਾਲੋਨੀ ਦੇ ਸਾਹਮਣੇ ਸਥਿਤ ਇਕ ਕਬਾੜ ਦੀ ਦੁਕਾਨ ਵਿਚ ਪਟਾਕਿਆਂ ਕਾਰਨ ਭਿਆਨਕ ਅੱਗ ਲੱਗ ਜਾਣ ਨਾਲ ਭਾਰੀ ਨੁਕਸਾਨ ਹੋਣ ਦਾ ਸਮਾਚਾਰ ਹੈ । ਅੱਗ ਲੱਗਣ ਦਾ ਕਾਰਨ ਅਸਮਾਨ ਵਿਚ ਚਲਾਏ ਗਏ ਪਟਾਕਿਆਂ ਦੇ ਅਵਸ਼ੇਸ਼ ਦੁਕਾਨ ਵਿਚ ਡਿੱਗਣਾ ਦੱਸਿਆ ਜਾ ਰਿਹਾ ਹੈ ।
ਦ
ਦੀਵਾਲੀ ਦੀ ਰਾਤ ਪਟਾਕਿਆਂ ਕਾਰਨ ਕਬਾੜ ਦੀ ਦੁਕਾਨ ਨੂੰ ਲੱਗੀ ਭਿਆਨਕ ਅੱਗ ਦਾ ਦ੍ਰਿਸ਼। ਤਸਵੀਰ: ਪਾਟਿਲ
10-11-2026
ਮਲੋਟ , 9 ਨਵੰਬਰ ( ਪਾਟਿਲ )- ਦੀਵਾਲੀ ਦੀ ਰਾਤ ਮਲੋਟ ਦੇ ਬਿਰਲਾ ਰੋਡ ’ ਤੇ ਬਿਰਲਾ ਕਾਲੋਨੀ ਦੇ ਸਾਹਮਣੇ ਸਥਿਤ ਇਕ ਕਬਾੜ ਦੀ ਦੁਕਾਨ ਵਿਚ ਪਟਾਕਿਆਂ ਕਾਰਨ ਭਿਆਨਕ ਅੱਗ ਲੱਗ ਜਾਣ ਨਾਲ ਭਾਰੀ ਨੁਕਸਾਨ ਹੋਣ ਦਾ ਸਮਾਚਾਰ ਹੈ । ਅੱਗ ਲੱਗਣ ਦਾ ਕਾਰਨ ਅਸਮਾਨ ਵਿਚ ਚਲਾਏ ਗਏ ਪਟਾਕਿਆਂ ਦੇ ਅਵਸ਼ੇਸ਼ ਦੁਕਾਨ ਵਿਚ ਡਿੱਗਣਾ ਦੱਸਿਆ ਜਾ ਰਿਹਾ ਹੈ । ਬਿਨਾਂ ਛੱਤ ਵਾਲੀ ਇਸ ਖੁੱਲ੍ਹੀ ਦੁਕਾਨ ਵਿਚ ਕਬਾੜ ਦਾ ਸਾਮਾਨ ਪਿਆ ਹੋਣ ਕਾਰਨ ਅੱਗ ਨੇ ਕੁਝ ਹੀ ਸਮੇਂ ਵਿਚ ਭਿਆਨਕ ਰੂਪ ਧਾਰਨ ਕਰ ਲਿਆ । ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਮੌਕੇ ’ ਤੇ ਪਹੁੰਚ ਗਈਆਂ ਅਤੇ ਅੱਗ ਬੁਝਾਉਣ ਦੇ ਯਤਨ ਸ਼ੁਰੂ ਕਰ ਦਿੱਤੇ । ਅੱਗ ਦੀ ਤੀਬਰਤਾ ਐਨੀ ਜ਼ਿਆਦਾ ਸੀ ਕਿ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਨੂੰ ਵਾਰ - ਵਾਰ ਪਾਣੀ ਲਿਆ ਕੇ ਅੱਗ ’ ਤੇ ਕਾਬੂ ਪਾਉਣ ਲਈ ਜੱਦੋ - ਜ਼ਹਿਦ ਕਰਨੀ ਪਈ । ਜਾਣਕਾਰੀ ਅਨੁਸਾਰ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਨੇ ਕਰੀਬ 11 ਵਾਰ ਪਾਣੀ ਲਿਆ ਕੇ ਅੱਗ ਬੁਝਾਉਣ ਦੇ ਯਤਨ ਕੀਤੇ ਅਤੇ ਲਗਪਗ ਚਾਰ ਤੋਂ ਪੰਜ ਘੰਟਿਆਂ ਦੀ ਸਖ਼ਤ ਮੁਸ਼ੱਕਤ ਮਗਰੋਂ ਅੱਗ ’ ਤੇ ਕਾਬੂ ਪਾਇਆ ਜਾ ਸਕਿਆ । ਇਸ ਦੌਰਾਨ ਆਸਪਾਸ ਦੇ ਲੋਕਾਂ ਨੇ ਵੀ ਅੱਗ ਬੁਝਾਉਣ ਲਈ ਆਪਣੇ ਪੱਧਰ ’ ਤੇ ਯਤਨ ਕੀਤੇ । ਅੱਗ ਦੀਆਂ ਉਚੀਆਂ ਲਪਟਾਂ ਤੇ ਭਿਆਨਕ ਰੂਪ ਕਾਰਨ ਨੇੜਲੇ ਇਲਾਕੇ ਵਿਚ ਸਹਿਮ ਦਾ ਮਾਹੌਲ ਬਣਿਆ ਰਿਹਾ । ਦੁਕਾਨ ਦੇ ਮਾਲਕ ਨੇ ਦੱਸਿਆ ਕਿ ਅੱਗ ਕਾਰਨ ਦੁਕਾਨ ਵਿਚ ਪਏ ਸਾਮਾਨ ਦਾ ਕਾਫ਼ੀ ਨੁਕਸਾਨ ਹੋਇਆ ਹੈ ।
