ਨਵੀਂ ਦਿੱਲੀ , 23 ਅਗਸਤ ( ਪੀ . ਟੀ . ਆਈ .)- ਭਾਜਪਾ ਪ੍ਰਧਾਨ ਨਿਤਿਨ ਨਬੀਨ ਨੇ ਐਤਵਾਰ ਨੂੰ ਪਾਰਟੀ ਅਹੁਦੇਦਾਰਾਂ ਨਾਲ ਇੱਕ ਮੀਟਿੰਗ ਕੀਤੀ ਜਿਸ ਵਿਚ ਸੰਗਠਨਾਤਮਕ ਮਾਮਲਿਆਂ , ਖਾਸ ਕਰਕੇ ਅਗਲੇ ਸਾਲ ਸੱਤ ਰਾਜਾਂ ਵਿਚ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਦੀ ਰਣਨੀਤੀ , ਬਾਰੇ ਚਰਚਾ ਕੀਤੀ ਗਈ । ਇਸ ਮਹੱਤਵਪੂਰਨ ਮੀਟਿੰਗ ਵਿਚ ਪਾਰਟੀ ਦੇ ਨਵ - ਨਿਯੁਕਤ ਅਹੁਦੇਦਾਰ , ਇਸਦੀਆਂ ਰਾਜ ਇਕਾਈਆਂ ਦੇ ਪ੍ਰਧਾਨ ਤੇ ਹੋਰ ਮੁੱਖ ਕਾਰਜਕਰਤਾ ਸ਼ਾਮਿਲ ਹੋਏ । ਸੂਤਰਾਂ ਅਨੁਸਾਰ , ਇੱਥੇ ਭਾਜਪਾ ਹੈੱਡਕੁਆਰਟਰ ਵਿਖੇ ਹੋਈ ਮੀਟਿੰਗ ਵਿਚ ਭਾਜਪਾ ਰਾਜ ਇਕਾਈਆਂ ਦੇ ਇੰਚਾਰਜ ਵੀ ਮੌਜੂਦ ਸਨ । ਸੂਤਰਾਂ ਨੇ ਕਿਹਾ ਕਿ ਭਾਜਪਾ ਦੇ ਰਾਸ਼ਟਰੀ ਜਨਰਲ ਸਕੱਤਰ ( ਸੰਗਠਨ ) ਬੀ . ਐਲ . ਸੰਤੋਸ਼ ਵੀ ਮੀਟਿੰਗ ਵਿਚ ਮੌਜੂਦ ਸਨ , ਜਿਸ ਵਿਚ ਜ਼ਮੀਨੀ ਪੱਧਰ ’ ਤੇ ਪਹੁੰਚ ਅਤੇ ਨੌਜਵਾਨਾਂ ਨਾਲ ਜੁੜੇ ਲੋਕਾਂ ਨੂੰ ਮਜ਼ਬੂਤ ਕਰਨ ਦੇ ਉਪਾਵਾਂ ’ ਤੇ ਚਰਚਾ ਕੀਤੀ ਗਈ , ਖਾਸ ਕਰਕੇ ਉਨ੍ਹਾਂ ਰਾਜਾਂ ਵਿਚ ਜਿੱਥੇ ਅਗਲੇ ਸਾਲ ਚੋਣਾਂ ਹੋਣੀਆਂ ਹਨ । ਮੀਟਿੰਗ ਵਿਚ ਕੀ ਹੋਇਆ ਇਸ ਬਾਰੇ ਭਾਜਪਾ ਵੱਲੋਂ ਕੋਈ ਅਧਿਕਾਰਤ ਜਾਣਕਾਰੀ ਨਹੀਂ ਦਿੱਤੀ ਗਈ । 2027 ਵਿਚ ਪੰਜਾਬ , ਉੱਤਰ ਪ੍ਰਦੇਸ਼ , ਉਤਰਾਖੰਡ , ਗੋਆ , ਹਿਮਾਚਲ ਪ੍ਰਦੇਸ਼ ਤੇ ਗੁਜਰਾਤ ਵਿਚ ਵਿਧਾਨ ਸਭਾ ਚੋਣਾਂ ਹੋਣੀਆਂ ਹਨ । ਪੰਜਾਬ ਤੇ ਹਿਮਾਚਲ ਪ੍ਰਦੇਸ਼ ਨੂੰ ਛੱਡ ਕੇ ਭਾਜਪਾ ਇਨ੍ਹਾਂ ਚੋਣਾਂ ਵਾਲੇ ਪੰਜ ਰਾਜਾਂ ਵਿਚ ਸੱਤਾ ’ ਚ ਹੈ । ਜਦੋਂ ਕਿ ਆਮ ਆਦਮੀ ਪਾਰਟੀ ( ਆਪ ) ਇਸ ਸਮੇਂ ਪੰਜਾਬ ਵਿਚ ਰਾਜ ਕਰਦੀ ਹੈ , ਕਾਂਗਰਸ ਹਿਮਾਚਲ ਪ੍ਰਦੇਸ਼ ਵਿਚ ਸੱਤਾ ਵਿਚ ਹੈ । ਇੱਕ ਸੂਤਰ ਨੇ ਪੀਟੀਆਈ ਨੂੰ ਦੱਸਿਆ ਕਿ ਇਹ ਅਗਲੇ ਸਾਲ ਰਾਜਾਂ ਵਿੱਚ ਹੋਣ ਵਾਲੀਆਂ ਚੋਣਾਂ ਲਈ ਪਾਰਟੀ ਦੀਆਂ ਤਿਆਰੀਆਂ ਅਤੇ ਰਣਨੀਤੀ ‘ ਤੇ ਮੁੱਖ ਕੇਂਦ੍ਰਿਤ ਕਈ ਸੰਗਠਨਾਤਮਕ ਮਾਮਲਿਆਂ ’ ਤੇ ਚਰਚਾ ਕਰਨ ਲਈ ਇੱਕ ਮਹੱਤਵਪੂਰਨ ਮੀਟਿੰਗ ਹੈ । ਭਾਜਪਾ ਮੁਖੀ ਦੀ ਪ੍ਰਧਾਨਗੀ ਹੇਠ ਹੋਈ ਇੱਕ ਹੋਰ ਮੀਟਿੰਗ ਵਿਚ , ਪਾਰਟੀ ਦੀ ਸੂਬਾ ਇਕਾਈ ਦੇ ਪ੍ਰਧਾਨ ਅਤੇ ਸੰਗਠਨ ਸਕੱਤਰ ਵੀ ਮੌਜੂਦ ਸਨ ।
