ਔਰਤ ਨਾਲ ਜਬਰ ਜਨਾਹ, 4 ਖ਼ਿਲਾਫ਼ ਮਾਮਲਾ ਦਰਜ

ਪਠਾਨਕੋਟ, 21 ਸਤੰਬਰ (ਵਿਨੋਦ)- ਘਰ ਜਾ ਰਹੀ ਔਰਤ ਨੂੰ ਰਾਹ ਵਿਚ ਘੇਰ ਕੇ ਜਬਰ ਜਨਾਹ ਕਰਨ ’ਤੇ ਪੁਲਿਸ ਵਲੋਂ ਥਾਣਾ ਸਦਰ ਪਠਾਨਕੋਟ ਵਿਚ ਚਾਰ ਵਿਅਕਤੀਆਂ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੀੜਤਾ ਨੇ ਆਪਣੇ ਬਿਆਨਾਂ ਵਿਚ ਦੱਸਿਆ ਕਿ ਬੀਤੀ 20 ਸਤੰਬਰ ਨੂੰ ਕਿਸੇ ਕੰਮ ਲਈ ਉਹ ਮੋਹਾਲੀ ਗਈ ਸੀ ਤੇ ਦੁਪਹਿਰ ਨੂੰ ਵਾਪਸ ਪਠਾਨਕੋਟ ਆ ਗਈ, ਪਠਾਨਕੋਟ ਤੋਂ ਆਟੋ ਕਰਕੇ ਮਲਿਕਪੁਰ ਨਹਿਰ ਦੀ ਪੱਟੜੀ ਤੋਂ ਆਪਣੇ ਘਰ ਕੋਠੀ ਪੰਡਿਤਾਂ ਨੂੰ ਜਾ ਰਹੀ ਸੀ ਕਿ ਜਦ ਉਹ ਨਾਗਾ ਮੰਦਿਰ ਤੋਂ 300 ਗਜ਼ ਪਿੱਛੇ ਪਹੁੰਚੀ ਤਾਂ ਵਕਤ ਕਰੀਬ 3 ਵਜੇ ਦਾ ਹੋਵੇਗਾ ਸਾਹਮਣੇ ਦੋ ਮੋਟਰਸਾਈਕਲਾਂ ਸਵਾਰ ਚਾਰ ਵਿਅਕਤੀ ਆਏ ਜਿਨ੍ਹਾਂ ਨੇ ਮੋਟਰਸਾਈਕਲ ਮੇਰੇ ਵਿਚ ਮਾਰਿਆ ਤੇ ਉਨ੍ਹਾਂ ਵਲੋਂ ਮੇਰੀ ਨਾਲ ਜ਼ਬਰਦਸਤੀ ਕੀਤੀ ਗਈ।