ਤਾਲਿਬਾਨ ਨਾਲ ਦੋਸਤੀ ਸਾਡੀ ਵੱਡੀ ਭੁੱਲ ਸੀ, ਹੁਣ ਭੁਗਤ ਰਹੇ ਹਾਂ ਨਤੀਜਾ-ਖ਼ਵਾਜਾ ਆਸਿਫ਼

ਅ

ਅਜੀਤ ਡੈਸਕ 28-09-2026

ਅੰਮ੍ਰਿਤਸਰ, 27 ਸਤੰਬਰ (ਸੁਰਿੰਦਰ ਕੋਛੜ)-ਪਾਕਿਸਤਾਨ ਦੇ ਰੱਖਿਆ ਮੰਤਰੀ ਖ਼ਵਾਜਾ ਮੁਹੰਮਦ ਆਸਿਫ਼ ਨੇ ਕਬੂਲ ਕੀਤਾ ਹੈ ਕਿ ਤਾਲਿਬਾਨ ਨਾਲ ਦੋਸਤੀ ਕਰਨਾ ਪਾਕਿ ਦੀ ਬਹੁਤ ਵੱਡੀ ਗ਼ਲਤੀ ਸੀ ਅਤੇ ਦੇਸ਼ ਹੁਣ ਇਸਦਾ ਖ਼ਮਿਆਜ਼ਾ ਭੁਗਤ ਰਿਹਾ ਹੈ। ਨਿਊਯਾਰਕ ’ਚ ਇਕ ਅਫ਼ਗ਼ਾਨ ਮਹਿਲਾ ਪੱਤਰਕਾਰ ਦੇ ਸਵਾਲ ਦਾ ਜਵਾਬ ਦਿੰਦਿਆਂ ਉਨ੍ਹਾਂ ਨੇ ਇਹ ਟਿੱਪਣੀ ਕੀਤੀ। ਇਸ ਦੌਰਾਨ ਮਹਿਲਾ ਪੱਤਰਕਾਰ ਦੇ ਕੱਪੜਿਆਂ ਵੱਲ ਇਸ਼ਾਰਾ ਕਰਦਿਆਂ ਗਰਦਨ ’ਤੇ ਹੱਥ ਫੇਰ ਕੇ ਗਲਾ ਵੱਢਣ ਦਾ ਸੰਕੇਤ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ ਕਿ ਉੱਥੇ ਇਸ ਤਰ੍ਹਾਂ ਨਾ ਜਾਣਾ। ਖ਼ਵਾਜਾ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਦੀ ਕਾਫ਼ੀ ਆਲੋਚਨਾ ਵੀ ਹੋ ਰਹੀ ਹੈ। ਗੰਭੀਰ ਮੁੱਦੇ ਨੂੰ ਮਜ਼ਾਕ ’ਚ ਟਾਲਣ ਕਾਰਨ ਉਨ੍ਹਾਂ ਦੀ ਵਿਆਪਕ ਨਿਖੇਧੀ ਕੀਤੀ ਜਾ ਰਹੀ ਹੈ।

ਪਿਛਲੀ ਖ਼ਬਰ ਚੋਣ ਕਮਿਸ਼ਨ ਤੇ ਭਾਜਪਾ ਵਿਚਕਾਰ ਮਿਲੀਭੁਗਤ ਦੇ ਦੋਸ਼ ਲਗਾਉਣਾ ਗੈਰ ਜ਼ਿਮੇਵਾਰਾਨਾ ਰਵੱਈਆ-ਢਿੱਲੋਂ ਅਗਲੀ ਖ਼ਬਰ ਬੀ. ਐੱਲ. ਐੱਫ. ਦੀ ਮਹਿਲਾ ਯੂਨਿਟ ਵਲੋਂ 9 ਪਾਕਿਸਤਾਨੀ ਸੈਨਿਕਾਂ ਨੂੰ ਮਾਰਨ ਦਾ ਦਾਅਵਾ