ਪਾਕਿ ’ਚ ਦੋ ਹਿੰਦੂ ਪਰਿਵਾਰਾਂ ਦੇ 10 ਮੈਂਬਰਾਂ ਦਾ ਧਰਮ ਪਰਿਵਰਤਨ

ਅੰਮ੍ਰਿਤਸਰ, 2 ਅਕਤੂਬਰ (ਸੁਰਿੰਦਰ ਕੋਛੜ)-ਪਾਕਿਸਤਾਨ ਦੇ ਸੂਬਾ ਸਿੰਧ ਦੇ ਮੀਰਪੁਰ ਖ਼ਾਸ ਸਥਿਤ ਜਾਮੀਆ ਨੂਰ-ਉਲ-ਕੁਰਾਨ ਵਿਖੇ ਹਜ਼ਰਤ ਅੱਲਾਮਾ ਮੁਫ਼ਤੀ ਮੁਹੰਮਦ ਸ਼ਰੀਫ਼ ਸਈਦੀ ਅਸ਼ਰਫ਼ੀ ਦੀ ਮੌਜੂਦਗੀ ’ਚ ਹਿੰਦੂ ਭੀਲ ਭਾਈਚਾਰੇ ਦੇ ਦੋ ਪਰਿਵਾਰਾਂ ਦੇ 10 ਜੀਆਂ ਨੂੰ ਇਸਲਾਮ ਕਬੂਲ ਕਰਵਾਏ ਜਾਣ ਦੀ ਜਾਣਕਾਰੀ ਮਿਲੀ ਹੈ। ਇਨ੍ਹਾਂ ’ਚੋਂ ਪਹਿਲੇ ਪਰਿਵਾਰ ’ਚ ਨੱਥੂ ਭੀਲ ਦੇ ਪੁੱਤਰ ਨੂਨਈ ਦਾ ਨਾਂਅ ਬਦਲ ਕੇ ਨੂਰ ਮੁਹੰਮਦ, ਉਸ ਦੀ ਪਤਨੀ ਦਾ ਨਾਂਅ ਸਮੀਨਾ ਬੀਬੀ ਅਤੇ ਬੱਚਿਆਂ ਦੇ ਨਾਂਅ ਕਾਦਿਰ ਬਖ਼ਸ਼, ਫ਼ਾਤਿਮਾ, ਫ਼ੈਜ਼ਾ ਅਤੇ ਨਾਹੀਦ ਰੱਖੇ ਗਏ, ਜਦਕਿ ਦੂਜੇ ਪਰਿਵਾਰ ’ਚ ਅਰੂ ਭੀਲ ਦੇ ਪੁੱਤਰ ਵਪਾਰੀ ਦਾ ਨਾਂਅ ਗ਼ੁਲਾਮ ਰਸੂਲ, ਉਸ ਦੀ ਪਤਨੀ ਦਾ ਨਾਂਅ ਸਈਦਾ ਬੀਬੀ ਅਤੇ ਬੱਚਿਆਂ ਦੇ ਨਾਂਅ ਮੁਹੰਮਦ ਫ਼ਜ਼ਲ ਤੇ ਮੁਹੰਮਦ ਮਾਜਿਦ ਰੱਖੇ ਗਏ।