ਬਿਆਨਾ ਲੈ ਕੇ ਮਕਾਨ ਕਿਸੇ ਹੋਰ ਨੂੰ ਵੇਚਣ ਤੇ ਅਦਾਲਤ ਨੇ ਲਗਾਈ ਮਕਾਨ ’ਤੇ ਰੋਕ

ਮੋਗਾ, 16 ਸਤੰਬਰ (ਗੁਰਤੇਜ ਸਿੰਘ)-ਬਿਆਨਾ ਲੈ ਕੇ ਮਕਾਨ ਕਿਸੇ ਹੋਰ ਨੂੰ ਵੇਚਣ ਦੇ ਮਾਮਲੇ ਵਿਚ ਮਾਣਯੋਗ ਅਦਾਲਤ ਨੇ ਉਕਤ ਮਕਾਨ ‘ਤੇ ਰੋਕ ਲਗਾ ਦਿੱਤੀ ਹੈ। ਜਾਣਕਾਰੀ ਮੁਤਾਬਿਕ ਮਨਿੰਦਰ ਕੁਮਾਰ ਪੁੱਤਰ ਸਾਧੂ ਰਾਮ ਵਾਸੀ ਪ੍ਰਵਾਨਾ ਨਗਰ ਮੋਗਾ ਨੇ ਕੁਲਵੰਤ ਸਿੰਘ ਦੇ 8 ਮਰਲੇ 2 ਸਰਸਾਹੀ ਵਿਚ ਬਣੇ ਮਕਾਨ ਨਿਊ ਗੀਤਾ ਕਾਲੋਨੀ ਮੋਗਾ ਵਿਚ ਉਨ੍ਹਾਂ ਨਾਲ ਖ਼ਰੀਦ ਕਰਨ ਲਈ 94 ਲੱਖ ਵਿਚ ਸੌਦਾ ਤੈਅ ਕੀਤਾ ਸੀ ਅਤੇ ਦਸ ਲੱਖ ਰੁਪਏ ਕੁਲਵੰਤ ਸਿੰਘ ਨੂੰ ਬਿਆਨੇ ਵਜੋਂ ਦਿੱਤੇ ਸੀ ਪਰ ਕੁਲਵੰਤ ਸਿੰਘ ਨੇ ਉਨ੍ਹਾਂ ਨੂੰ ਬਿਨਾਂ ਦੱਸੇ ਉਕਤ ਮਕਾਨ ਕਿਸੇ ਹੋਰ ਵਿਅਕਤੀ ਨੂੰ ਵੇਚ ਕੇ ਰਜਿਸਟਰੀ ਉਸ ਦੇ ਨਾਂ ਕਰਵਾ ਦਿੱਤੀ ਅਤੇ ਮਨਿੰਦਰ ਕੁਮਾਰ ਨੂੰ ਦਸ ਲੱਖ ਬਿਆਨੇ ਦੇ ਪੈਸੇ ਵੀ ਨਹੀਂ ਮੋੜੇ।