ਗੁਲਜ਼ਾਰ ਸਿੰਘ ਦੀ ਮੋਤ ਦੇ ਦੋਸ਼ੀਆਂ ਨੂੰ ਸੁਬਾ ਸਰਕਾਰ ਨੇ ਕਾਨੂੰਨ ਨੂੰ ਛਿੱਕੇ ਟੰਗ ਕੇ ਜ਼ਮਾਨਤ ਦਿਵਾਈ- ਦਾਮਨ ਬਾਜਵਾ
ਸੁਨਾਮ ਊਧਮ ਸਿੰਘ ਵਾਲਾ, 5 ਨਵੰਬਰ (ਸਰਬਜੀਤ ਸਿੰਘ ਧਾਲੀਵਾਲ, ਹਰਚੰਦ ਸਿੰਘ ਭੁੱਲਰ) ਭਾਜਪਾ ਦੀ ਜ਼ਿਲ੍ਹਾ ਪ੍ਰਧਾਨ ਦਾਮਨ ਥਿੰਦ ਬਾਜਵਾ ਨੇ ਗੁਲਜ਼ਾਰ ਸਿੰਘ ਤੂਰਬਨਜਾਰਾ ਅਤੇ ਸਨਮਦੀਪ ਸਿੰਘ ਕਨੋਈ ਦੇ ਪੀੜਤਾਂ ਪਰਿਵਾਰਾਂ ਦੀ ਮੌਜੂਦਗੀ ਵਿਚ ਸੰਗਰੂਰ ਜ਼ਿਲ੍ਹੇ ਦੀਆਂ ਕਥਿਤ ਸਰਕਾਰੀ ਜਬਰ ਦੀਆ ਦੋ ਦਿਲ ਦਹਿਲਾ ਦੇਣ ਵਾਲੀਆਂ ਘਟਨਾਵਾਂ ਦੀਆਂ ਪਰਤਾਂ ਖੋਲ੍ਹਦਿਆਂ ਕਿਹਾ ਕਿ ਗੁਲਜ਼ਾਰ ਸਿੰਘ ਨੇ ਮੋਤ ਨੂੰ ਗਲ ਲਾਉਣ ਤੋਂ ਠੀਕ ਪਹਿਲਾਂ ਆਪਣੇ ‘ਡਾਇੰਗ ਸਟੇਟਮੈਂਟ’ ਵਿੱਚ ਪੰਜ ਜਣਿਆਂ ਦੇ ਨਾਮ ਲਏ ਸਨ। ਪਰ ਰਸੂਖਦਾਰਾਂ ਦੇ ਅੱਗੇ ਸਿਸਟਮ ਇਸ ਤਰ੍ਹਾਂ ਝੁਕਿਆ ਕਿ ਇੱਕ ਨਾਮ ਤਾਂ ਐੱਫ਼.
ਸ
ਸੁਨਾਮ ਵਿਖੇ ਪੀੜਤ ਪਰਿਵਾਰਾਂ ਦੀ ਮੌਜੂਦਗੀ ਵਿਚ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਦਾਮਨ ਬਾਜਵਾ। ਤਸਵੀਰ–ਧਾਲੀਵਾਲ
06-11-2026
ਸੁਨਾਮ ਊਧਮ ਸਿੰਘ ਵਾਲਾ, 5 ਨਵੰਬਰ (ਸਰਬਜੀਤ ਸਿੰਘ ਧਾਲੀਵਾਲ, ਹਰਚੰਦ ਸਿੰਘ ਭੁੱਲਰ) ਭਾਜਪਾ ਦੀ ਜ਼ਿਲ੍ਹਾ ਪ੍ਰਧਾਨ ਦਾਮਨ ਥਿੰਦ ਬਾਜਵਾ ਨੇ ਗੁਲਜ਼ਾਰ ਸਿੰਘ ਤੂਰਬਨਜਾਰਾ ਅਤੇ ਸਨਮਦੀਪ ਸਿੰਘ ਕਨੋਈ ਦੇ ਪੀੜਤਾਂ ਪਰਿਵਾਰਾਂ ਦੀ ਮੌਜੂਦਗੀ ਵਿਚ ਸੰਗਰੂਰ ਜ਼ਿਲ੍ਹੇ ਦੀਆਂ ਕਥਿਤ ਸਰਕਾਰੀ ਜਬਰ ਦੀਆ ਦੋ ਦਿਲ ਦਹਿਲਾ ਦੇਣ ਵਾਲੀਆਂ ਘਟਨਾਵਾਂ ਦੀਆਂ ਪਰਤਾਂ ਖੋਲ੍ਹਦਿਆਂ ਕਿਹਾ ਕਿ ਗੁਲਜ਼ਾਰ ਸਿੰਘ ਨੇ ਮੋਤ ਨੂੰ ਗਲ ਲਾਉਣ ਤੋਂ ਠੀਕ ਪਹਿਲਾਂ ਆਪਣੇ ‘ਡਾਇੰਗ ਸਟੇਟਮੈਂਟ’ ਵਿੱਚ ਪੰਜ ਜਣਿਆਂ ਦੇ ਨਾਮ ਲਏ ਸਨ। ਪਰ ਰਸੂਖਦਾਰਾਂ ਦੇ ਅੱਗੇ ਸਿਸਟਮ ਇਸ ਤਰ੍ਹਾਂ ਝੁਕਿਆ ਕਿ ਇੱਕ ਨਾਮ ਤਾਂ ਐੱਫ਼.ਆਈ.ਆਰ. ਤੋਂ ਪਹਿਲਾਂ ਹੀ ਗਾਇਬ ਕਰ ਦਿੱਤਾ ਗਿਆ ਅਤੇ ਬਾਕੀ ਚਾਰ ਨੂੰ ਧਾਰਾ 15-ਏ (ਐਸ ਸੀ/ਐਸ ਟੀ ਐਕਟ) ਦੇ ਤਹਿਤ ਪੀੜਤ ਧਿਰ ਨੂੰ ਸੂਚਿਤ ਕੀਤੇ ਬਿਨ੍ਹਾਂ ਹੀ ਜ਼ਮਾਨਤ ਦਿਵਾਉਣ ਵਿੱਚ ਸਰਕਾਰ ਵੱਲੋ ਮਦਦ ਕੀਤੀ ਗਈ। ਹੱਦ ਤਾਂ ਉਦੋਂ ਹੋ ਗਈ ਜਦੋਂ ਜੇਲ੍ਹ ਤੋਂ ਬਾਹਰ ਆਉਂਦਿਆਂ ਹੀ ਦੋਸ਼ੀਆਂ ਨੇ ਆਪਣੀ ਛੱਤ ਤੇ ਚੜ੍ਹ ਕੇ ਪਟਾਕੇ ਚਲਾਏ ਅਤੇ ਜਸ਼ਨ ਮਨਾਇਆ। ਇਹ ਪਟਾਕੇ ਮਹਿਜ਼ ਜਸ਼ਨ ਨਹੀਂ ਸਨ, ਸਗੋਂ ਉਨ੍ਹਾਂ ਦੇ ਬਿਲਕਦੇ ਪਰਿਵਾਰ ਦੇ ਜ਼ਖ਼ਮਾਂ ਉੱਤੇ ਛਿੜਕਿਆ ਗਿਆ ਲੂਣ ਸਨ। ਦਾਮਨ ਨੇ ਕਿਹਾ ਕਿ ਅੱਜ ਇਹ ਪਰਿਵਾਰ ਦਹਿਸ਼ਤ ਦੇ ਮਾਰੇ ਆਪਣੇ ਹੀ ਘਰ ਵਿੱਚ ਵੜਨ ਤੋਂ ਡਰ ਰਿਹਾ ਹੈ।
