ਮੋਟਰਸਾਈਕਲ ਸਵਾਰ ਬਜ਼ੁਰਗ ਔਰਤ ਦੇ ਕੰਨ ’ਚੋਂ ਵਾਲੀ ਪੁੱਟ ਕੇ ਫਰਾਰ

ਮਾਨਸਾ, 13 ਨਵੰਬਰ (ਧਾਲੀਵਾਲ)- ਸਥਾਨਕ ਨੰਗਲ ਕਲੋਨੀ ’ਚ ਮੋਟਰਸਾਈਕਲ ਸਵਾਰ ਦਿਨ-ਦਿਹਾੜੇ ਇਕ ਬਜ਼ੁਰਗ ਔਰਤ ਦੇ ਕੰਨ ’ਚੋਂ ਸੋਨੇ ਦੀ ਵਾਲੀ ਝਪਟ ਕੇ ਫਰਾਰ ਹੋ ਗਏ ਹਨ। ਜਾਣਕਾਰੀ ਅਨੁਸਾਰ ਸੀਨੀਅਰ ਕਾਂਗਰਸ ਆਗੂ ਬਲਵਿੰਦਰ ਨਾਰੰਗ ਦੀ ਮਾਤਾ ਪ੍ਰਕਾਸ਼ ਦੇਵੀ ਜਦੋਂ ਆਪਣੇ ਘਰ ਤੋਂ ਦੂਜੇ ਪੁੱਤਰ ਦੇ ਘਰ ਜਾ ਰਹੀ ਸੀ ਤਾਂ ਮੋਟਰਸਾਈਕਲ ਸਵਾਰ ਲੁਟੇਰਿਆਂ ਨੇ ਉਸ ’ਤੇ ਅਚਾਨਕ ਰਸਤੇ ’ਚ ਘੇਰ ਕੇ ਹਮਲਾ ਕਰ ਦਿੱਤਾ ਅਤੇ ਕੰਨ ’ਚ ਪਾਈ ਇਕ ਵਾਲੀ ਪੁੱਟ ਕੇ ਫਰਾਰ ਹੋ ਗਏ।