ਸੇਂਟ ਬਚਨਪੁਰੀ ਇੰਟਰਨੈਸ਼ਨਲ ਸਕੂਲ ਦੇ ਖਿਡਾਰੀਆਂ ਨੇ ਨਿਸ਼ਾਨੇਬਾਜ਼ੀ ’ਚ ਜਿੱਤੇ ਸੋਨ ਤਗਮੇ

ਰੂੜੇਕੇ ਕਲਾਂ, 13 ਸਤੰਬਰ (ਗੁਰਪ੍ਰੀਤ ਸਿੰਘ ਕਾਹਨੇਕੇ)- ਪੰਜਾਬ ਸਕੂਲ ਸਿੱਖਿਆ ਬੋਰਡ ਵਲੋਂ ਕਰਵਾਈਆਂ ਜਾ ਰਹੀਆਂ 70ਵੀਆਂ ਸਕੂਲ ਖੇਡਾਂ ਦੇ ਜ਼ਿਲ੍ਹਾ ਪੱਧਰੀ ਸ਼ੂਟਿੰਗ ਨਿਸ਼ਾਨੇਬਾਜ਼ੀ ਮੁਕਾਬਲੇ ’ਚੋਂ ਸੇਂਟ ਬਚਨਪੁਰੀ ਇੰਟਰਨੈਸ਼ਨਲ ਸਕੂਲ ਪੱਖੋ ਕਲਾਂ ਦੇ ਅੰਡਰ 14, 17 ਅਤੇ 19 ਲੜਕੇ ਲੜਕੀਆਂ ਦੇ ਵਰਗ ਦੇ ਖਿਡਾਰੀਆਂ ਨੇ 16 ਤਗਮੇ ਜਿੱਤ ਕੇ ਸੰਸਥਾ ਦਾ ਨਾਮ ਰੌਸ਼ਨ ਕੀਤਾ ਹੈ। ਸੰਸਥਾ ਦੇ ਚੇਅਰਮੈਨ ਰਵਿੰਦਰਜੀਤ ਸਿੰਘ ਬਿੰਦੀ, ਡਾਇਰੈਕਟਰ ਸਾਗਰਜੀਤ ਸਿੰਘ ਖੀਪਲ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਜ਼ਿਲ੍ਹਾ ਪੱਧਰੀ ਨਿਸ਼ਾਨੇਬਾਜ਼ੀ ਮੁਕਾਬਲੇ ਵਿਚੋਂ ਸੰਸਥਾ ਦੇ ਲੜਕੇ ਅੰਡਰ 14 ਏਅਰ ਪਿਸਟਲ ਮੁਕਾਬਲੇ ’ਚ ਪਹਿਲਾ, ਚਿਤਸਿਮਰਨ ਸਿੰਘ ਦੂਜਾ, ਓਪਨ ਸਾਈਟ ਲੜਕੇ ਅੰਡਰ 14 ’ਚ ਹਰਮਨ ਸਿੰਘ ਦੂਜਾ, ਪੀਪ ਸਾਈਟ ’ਚ ਗੁਰਸਹਿਜ ਸਿੰਘ ਨੇ ਪਹਿਲਾ, ਹਰਮਨ ਸਿੰਘ ਢਿੱਲੋਂ ਨੇ ਤੀਜਾ, ਲੜਕੇ ਅੰਡਰ 19 ਓਪਨ ਸਾਈਟ ਹਰਮਨਦੀਪ ਸਿੰਘ ਦੂਜਾ, ਪੀਪ ਸਾਈਟ ਪਰਨੀਤ ਸਿੰਘ ਨੇ ਦੂਜਾ, ਹਰਮਨਦੀਪ ਸਿੰਘ ਨੇ ਤੀਜਾ, ਲੜਕੀਆਂ ਅੰਡਰ 14 ਓਪਨ ਸਾਈਟ ਤੇ ਪੀਪ ਸਾਈਟ ਹਰਮੀਨ ਕੌਰ ਪਹਿਲਾ, ਏਕਮਦੀਪ ਕੌਰ ਤੀਜਾ, ਲੜਕੀਆਂ ਅੰਡਰ 17 ਓਪਨ ਸਾਈਟ ਹੁਸਨਪ੍ਰੀਤ ਕੌਰ ਦੂਜਾ, ਇਸ਼ਮੀਤ ਕੌਰ ਤੀਜਾ, ਲੜਕੀਆਂ ਅੰਡਰ 19 ਓਪਨ ਸਾਈਟ ਪਰਨੀਤ ਕੌਰ ਪਹਿਲਾ, ਪੀਪ ਸਾਈਟ ਅਨੂਰੀਤ ਕੌਰ ਦੂਜਾ, ਪ੍ਰਭਨੂਰ ਕੌਰ ਤੀਜਾ ਸਥਾਨ ਪ੍ਰਾਪਤ ਕੀਤਾ।