ਗਰੰਟੀਆਂ ਪੂਰੀਆਂ ਕਰਨ ’ਤੇ ਲੋਕ ਇਕ ਵਾਰ ਫਿਰ ‘ਆਪ’ ਦੇ ਹੱਕ ’ਚ ਫ਼ਤਵਾ ਦੇਣਗੇ-ਬੀਬੀ ਸੁੱਖੀ
ਬਰਨਾਲਾ, 23 ਅਕਤੂਬਰ (ਰਾਜ ਪਨੇਸਰ)-ਪੰਜਾਬ ’ਚ ‘ਆਪ’ ਸਰਕਾਰ ਨੇ ਚੋਣਾਂ ਸਮੇਂ ਕੀਤੇ ਵਾਅਦੇ ਇਕ-ਇਕ ਕਰ ਕੇ ਪੂਰੇ ਕੀਤੇ ਹਨ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ‘ਆਪ’ ਦੀ ਸੀਨੀਅਰ ਆਗੂ ਤੇ ਮੌਜੂਦਾ ਕੌਂਸਲਰ ਬੀਬੀ ਸੁਖਜੀਤ ਕੌਰ ਸੁੱਖੀ ਨੇ ਕੀਤਾ ਤੇ ਕਿਹਾ ਕਿ 40 ਸਾਲ ਦੇ ਕਰੀਬ ਹੋ ਗਏ ਸਨ ਕਿ ਖੇਤਾਂ ’ਚ ਸੂਏ, ਨਾਲਿਆਂ ਰਾਹੀਂ ਪਾਣੀ ਖੇਤਾਂ ’ਚ ਨਹੀਂ ਪਹੁੰਚਿਆ ਸੀ।
ਬਰਨਾਲਾ, 23 ਅਕਤੂਬਰ (ਰਾਜ ਪਨੇਸਰ)-ਪੰਜਾਬ ’ਚ ‘ਆਪ’ ਸਰਕਾਰ ਨੇ ਚੋਣਾਂ ਸਮੇਂ ਕੀਤੇ ਵਾਅਦੇ ਇਕ-ਇਕ ਕਰ ਕੇ ਪੂਰੇ ਕੀਤੇ ਹਨ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ‘ਆਪ’ ਦੀ ਸੀਨੀਅਰ ਆਗੂ ਤੇ ਮੌਜੂਦਾ ਕੌਂਸਲਰ ਬੀਬੀ ਸੁਖਜੀਤ ਕੌਰ ਸੁੱਖੀ ਨੇ ਕੀਤਾ ਤੇ ਕਿਹਾ ਕਿ 40 ਸਾਲ ਦੇ ਕਰੀਬ ਹੋ ਗਏ ਸਨ ਕਿ ਖੇਤਾਂ ’ਚ ਸੂਏ, ਨਾਲਿਆਂ ਰਾਹੀਂ ਪਾਣੀ ਖੇਤਾਂ ’ਚ ਨਹੀਂ ਪਹੁੰਚਿਆ ਸੀ। ਮਾਨ ਸਰਕਾਰ ਨੇ ਇਹ ਕਰ ਕੇ ਵਿਖਾਇਆ ਹੈ। ਬੀਬੀਆਂ, ਭੈਣਾਂ ਦੇ ਖਾਤਿਆਂ ’ਚ ਪੈਸੇ ਪਾ ਕੇ ਗਰੰਟੀ ਵੀ ਪੂਰੀ ਕੀਤੀ, 10-10 ਲੱਖ ਦਾ ਬੀਮਾ ਕਾਰਡ ਬਣਾ ਕੇ ਲੋਕਾਂ ਦੇ ਮੁਫ਼ਤ ਇਲਾਜ ਵਾਲੀ ਗਰੰਟੀ ਵੀ ਪੂਰੀ ਕਰ ਦਿੱਤੀ। ਹੋਰ ਅਜਿਹੀਆਂ ਅਨੇਕਾਂ ਹੀ ਗਰੰਟੀਆਂ ਹਨ ਜੋ ਸਰਕਾਰ ਨੇ ਪੂਰੀਆਂ ਕੀਤੀਆਂ। ਵਿਰੋਧੀਆਂ ਕੋਲ ਹੋਰ ਤਾਂ ਕੋਈ ਮੁੱਦਾ ਨਹੀਂ ਤਾਂ ਆਨੇ ਬਹਾਨੇ ਬੇਤੁਕੇ ਬਿਆਨ ਦੇ ਕੇ ਆਪਣੀ ਸਿਆਸੀ ਦੁਕਾਨਦਾਰੀ ਚਲਾ ਰਹੇ ਹਨ ਪਰ ਪੰਜਾਬ ਦੀ ਜਨਤਾ ਬਹੁਤ ਸੂਝਵਾਨ ਹੈ ਜੋ ਕਿ ਇਕ ਵਾਰ ਫੇਰ ਮਾਨ ਸਰਕਾਰ ਲਿਆਉਣ ਲਈ ਬੇਤਾਬ ਹਨ। ਬੀਬੀ ਸੁੱਖੀ ਨੇ ਕਿਹਾ ਕਿ ਜੇਕਰ ਹਲਕਾ ਬਰਨਾਲਾ ਦੀ ਗੱਲ ਕਰੀਏ ਤਾਂ ਐਮ.ਪੀ. ਗੁਰਮੀਤ ਸਿੰਘ ਮੀਤ ਹੇਅਰ ਨੇ ਵਿਕਾਸ ਕੰਮਾਂ ਦੀ ਹਨੇਰੀ ਲਿਆ ਰੱਖੀ ਹੈ। ਬਰਨਾਲਾ ਸ਼ਹਿਰ ਦੇ ਤਕਰੀਬਨ ਸਾਰੇ ਵਾਰਡਾਂ ਵਿਚ ਕਾਰਜ ਪੂਰੇ ਤੇਜ਼ੀ ਨਾਲ ਚੱਲ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਅਸੀਂ ਪੂਜੀ ਪਾਰਟੀ ਦੇ ਆਗੂਆਂ ਵਾਂਗ ਨਹੀਂ ਕਿ ਬਦਲਾਖੋਰੀ ਦੀ ਰਾਜਨੀਤੀ ਕਰੀਏ ਅਸੀਂ ਬਿਨਾਂ ਕਿਸੇ ਭੇਦਭਾਵ ਦੇ ਹਰੇਕ ਕੌਂਸਲਰ ਦੇ ਵਾਰਡ ਦਾ ਕੰਮ ਪਹਿਲ ਦੇ ਆਧਾਰ ’ਤੇ ਕਰਵਾਉਂਦੇ ਹਾਂ।
