ਯੂ.ਕੇ. ਦੇ ਪ੍ਰਵਾਸੀ ਪਰਿਵਾਰਾਂ ਨੇ ‘ਯੂਨੀਵਰਸਲ ਕ੍ਰੈਡਿਟ’ ਵਜੋਂ ਰਿਕਾਰਡ 12 ਅਰਬ ਪੌਂਡ ਲਏ

ਅ

ਅਜੀਤ ਡੈਸਕ 22-09-2026

ਗਲਾਸਗੋ, 21 ਸਤੰਬਰ (ਹਰਜੀਤ ਸਿੰਘ ਦੁਸਾਂਝ)-ਬਰਤਾਨੀਆ ’ਚ ਘੱਟੋ-ਘੱਟ ਇਕ ਵਿਦੇਸ਼ੀ ਨਾਗਰਿਕ ਵਾਲੇ ਪਰਿਵਾਰਾਂ ਨੂੰ ਪਿਛਲੇ ਸਾਲ ਯੂਨੀਵਰਸਲ ਕਰੈਡਿਟ ਰਾਹੀਂ ਰਿਕਾਰਡ 12 ਬਿਲੀਅਨ ਪੌਂਡ (ਲਗਭਗ 12 ਅਰਬ ਪੌਂਡ) ਦੀ ਅਦਾਇਗੀ ਕੀਤੀ ਗਈ। ਸਰਕਾਰੀ ਅੰਕੜਿਆਂ ਮੁਤਾਬਕ ਇਸ ਵਿੱਚੋਂ ਲਗਭਗ 65 ਫ਼ੀਸਦੀ, ਭਾਵ 7.7 ਅਰਬ ਪੌਂਡ, ਉਨ੍ਹਾਂ ਪਰਿਵਾਰਾਂ ਨੂੰ ਮਿਲਿਆ ਜਿਨ੍ਹਾਂ ਦੇ ਦਾਅਵੇ ਵਿਚ ਸ਼ਾਮਲ ਵਿਦੇਸ਼ੀ ਨਾਗਰਿਕ ਬੇਰੁਜ਼ਗਾਰ ਦਰਜ ਸਨ। ਯੂਨੀਵਰਸਲ ਕਰੈਡਿਟ ਬਰਤਾਨੀਆ ਸਰਕਾਰ ਵੱਲੋਂ ਘੱਟ ਆਮਦਨ ਵਾਲੇ, ਬੇਰੁਜ਼ਗਾਰ ਜਾਂ ਕੰਮ ਕਰਨ ਤੋਂ ਅਸਮਰੱਥ ਯੋਗ ਵਿਅਕਤੀਆਂ ਅਤੇ ਪਰਿਵਾਰਾਂ ਨੂੰ ਦਿੱਤੀ ਜਾਣ ਵਾਲੀ ਮਹੀਨਾਵਾਰ ਵਿੱਤੀ ਸਹਾਇਤਾ ਹੈ। ਇਸ ਵਿਚ ਰਹਿਣ-ਸਹਿਣ, ਮਕਾਨ ਕਿਰਾਏ ਅਤੇ ਬੱਚਿਆਂ ਨਾਲ ਸਬੰਧਤ ਖ਼ਰਚਿਆਂ ਲਈ ਸਹਾਇਤਾ ਸ਼ਾਮਲ ਹੋ ਸਕਦੀ ਹੈ। ਇਨ੍ਹਾਂ ਅੰਕੜਿਆਂ ਨਾਲ ਸਰਕਾਰ ਵੱਲੋਂ ਜ਼ਿਆਦਾਤਰ ਪਰਵਾਸੀਆਂ ਲਈ ਪੱਕੀ ਰਿਹਾਇਸ਼, ਭਾਵ ‘ਇੰਡੈਫਿਨਿਟ ਲੀਵ ਟੂ ਰਿਮੇਨ’ (ਆਈ.ਐੱਲ.ਆਰ.), ਦੀ ਆਮ ਯੋਗਤਾ ਮਿਆਦ ਪੰਜ ਤੋਂ ਵਧਾ ਕੇ ਦਸ ਸਾਲ ਕਰਨ ਦੇ ਪ੍ਰਸਤਾਵ ਨੂੰ ਹੋਰ ਸਿਆਸੀ ਸਮਰਥਨ ਮਿਲ ਸਕਦਾ ਹੈ। ਪ੍ਰਸਤਾਵਿਤ ‘ਅਰਨਡ ਸੈਟਲਮੈਂਟ’ ਪ੍ਰਣਾਲੀ ਅਧੀਨ ਰੁਜ਼ਗਾਰ, ਕਮਾਈ, ਟੈਕਸ ਯੋਗਦਾਨ, ਅੰਗਰੇਜ਼ੀ ਭਾਸ਼ਾ ਅਤੇ ਸਰਕਾਰੀ ਸਹਾਇਤਾ ਉਤੇ ਨਿਰਭਰਤਾ ਵਰਗੇ ਪੱਖ ਵਿਚਾਰੇ ਜਾ ਸਕਦੇ ਹਨ।

ਪਿਛਲੀ ਖ਼ਬਰ ਟਰੰਪ ਦੀ ਈਰਾਨ ਨੂੰ ਚਿਤਾਵਨੀ, ਕਿਹਾ ਰੁਖ਼ ਨਾ ਬਦਲਿਆ ਤਾਂ ਹੋਣਗੇ ਗੰਭੀਰ ਨਤੀਜੇ ਅਗਲੀ ਖ਼ਬਰ ਰੂਪਨਗਰ ਦੀਆਂ ਟੁੱਟੀਆਂ ਸੜਕਾਂ ‘ਮੇਕਅੱਪ ਵਾਲੀਆਂ ਸੜਕਾਂ’ ਵਜੋਂ ਹੋਈਆਂ ਮਸ਼ਹੂਰ