ਮਹਿੰਗਾਈ ਕੇਵਲ ਤੇਲ ਤੱਕ ਹੀ ਸੀਮਿਤ ਨਹੀਂ ਰਹੀ-ਨੀਲ ਕਸ਼ਕਾਰੀ

ਅ

ਅਜੀਤ ਡੈਸਕ 25-09-2026

ਸੈਕਰਾਮੈਂਟੋ, 24 ਸਤੰਬਰ (ਹੁਸਨ ਲੜੋਆ ਬੰਗਾ)-ਮਿਨੀਆਪੋਲਿਸ ਫੈਡਰਲ ਰਿਜ਼ਰਵ ਦੇ ਪ੍ਰਧਾਨ ਨੀਲ ਕਸ਼ਕਾਰੀ ਨੇ ਕਿਹਾ ਹੈ ਕਿ ਭੋਜਨ ਤੇ ਊਰਜਾ ਦੀਆਂ ਅਸਥਿਰ ਕੀਮਤਾਂ ਨੂੰ ਬਾਹਰ ਰੱਖਣ ਦੇ ਬਾਵਜੂਦ ਪੂਰੀ ਅਮਰੀਕੀ ਆਰਥਿਕਤਾ ’ਚ ਮਹਿੰਗਾਈ ਬਹੁਤ ਜ਼ਿਆਦਾ ਬਣੀ ਹੋਈ ਹੈ| ਰਿਪਬਲੀਕਨ ਆਗੂ ਨੇ ਇਖ ਟੀ.ਵੀ. ਪ੍ਰੋਗਰਾਮ ਵਿਚ ਕਿਹਾ ਕਿ ਅਮਰੀਕੀ ਲੋਕ ਹਰ ਰੋਜ਼ ਜਿਸ ਮਹਿੰਗਾਈ ਨੂੰ ਮਹਿਸੂਸ ਕਰ ਰਹੇ ਹਨ, ਉਹ ਸਿਰਫ਼ ਤੇਲ ਦੀਆਂ ਕੀਮਤਾਂ ਤੱਕ ਸੀਮਤ ਨਹੀਂ ਹੈ ਬਲਕਿ ਇਹ ਆਰਥਿਕਤਾ ਦੇ ਹਰ ਪਹਿਲੂ ’ਚ ਮੌਜੂਦ ਹੈ| ਕਸ਼ਕਾਰੀ ਨੇ ਕਿਹਾ ਕਿ ਫੈਡਰਲ ਰਿਜ਼ਰਵ ਕੋਲ ਮਹਿੰਗਾਈ ਨੂੰ ਘਟਾਉਣ ਲਈ ਲੋੜੀਂਦੇ ਸਾਧਨ ਮੌਜੂਦ ਹਨ| ਉਨਾਂ ਇਹ ਵੀ ਕਿਹਾ ਕਿ ਉਨਾਂ ਨੂੰ ਉਮੀਦ ਹੈ ਕਿ ਸਰਕਾਰ ਦੇ ਹੋਰ ਹਿੱਸੇ ਤੇ ਨਿੱਜੀ ਖੇਤਰ ਆਰਥਿਕਤਾ ਨੂੰ ਆਮ ਹਾਲਤ ’ਚ ਵਾਪਸ ਲਿਆਉਣ ਵਿਚ ਮਦਦ ਕਰਨਗੇ| ਉਨਾਂ ਦੀਆਂ ਇਹ ਟਿੱਪਣੀਆਂ ਫੈਡਰਲ ਰਿਜ਼ਰਵ ਵੱਲੋਂ ਆਪਣੀ ਮੁੱਖ ਵਿਆਜ ਦਰ ’ਚ ਇਕ-ਚੌਥਾਈ ਅੰਕ ਦਾ ਵਾਧਾ ਕਰਨ ਤੋਂ ਕੁਝ ਦਿਨ ਬਾਅਦ ਆਈਆਂ ਹਨ|

ਪਿਛਲੀ ਖ਼ਬਰ ਜਬਰ - ਜਨਾਹ ਤੇ ਜ਼ਬਰਦਸਤੀ ਕਾਬੂ ਹੇਠ ਰੱਖਣ ਦੇ ਦੋਸ਼ਾਂ ’ ਚ ਪੰਜਾਬੀ ਨੂੰ ਕੈਦ ਅਗਲੀ ਖ਼ਬਰ ਗੁਰਦੁਆਰਿਆਂ ’ ਚ ਭਾਰਤੀ ਅਧਿਕਾਰੀਆਂ ਨੂੰ ਸੱਦਣ ਤੋਂ ਗੁਰੇਜ਼ ਕੀਤਾ ਜਾਵੇ