ਚੋਰੀ ਦਾ ਸਾਮਾਨ ਖਰੀਦ ਕੇ ਵੇਚਣ ਦੇ ਮਾਮਲੇ ਵਿਚ ਗ੍ਰੋਸਰੀ ਸਟੋਰ ਮਾਲਕ ਗ੍ਰਿਫ਼ਤਾਰ

ਅ

ਅਜੀਤ ਡੈਸਕ 08-10-2026

ਨਿਊਯਾਰਕ, 7 ਅਕਤੂਬਰ (ਰਾਜੂ ਸ਼ਹਿਬਾਜ਼ਪੁਰਾ)-ਨਿਊਯਾਰਕ ਦੇ ਟਾਊਨ ਆਫ਼ ਕੋਲੋਨੀ ਵਿਚ ਪੁਲਿਸ ਨੇ ਚੋਰੀ ਦਾ ਸਾਮਾਨ ਖਰੀਦ ਕੇ ਦੁਕਾਨ ਵਿਚ ਮੁੜ ਵੇਚਣ ਦੇ ਮਾਮਲੇ ਵਿਚ ਸਕਾਈ ਬਲੂ ਡੇਲੀ ਐਂਡ ਗ੍ਰੋਸਰੀ ਦੇ ਮਾਲਕ 26 ਸਾਲਾ ਬਸ਼ਾਰ ਐਮ. ਮੋਹਸੇਨ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਹ ਕਾਰਵਾਈ ਕੋਲੋਨੀ ਪੁਲਿਸ ਦੀ ਰਿਟੇਲ ਥੈਫਟ ਯੂਨਿਟ ਵਲੋਂ ਕਈ ਹਫ਼ਤਿਆਂ ਦੀ ਜਾਂਚ ਤੋਂ ਬਾਅਦ ਕੀਤੀ ਗਈ।ਪੁਲਿਸ ਮੁਤਾਬਕ ਜਾਂਚ ਉਸ ਸਮੇਂ ਸ਼ੁਰੂ ਹੋਈ ਜਦੋਂ ਜਾਣਕਾਰੀ ਮਿਲੀ ਕਿ ਕੁਝ ਲੋਕ ਇਲਾਕੇ ਦੇ ਵੱਖ-ਵੱਖ ਰਿਟੇਲ ਸਟੋਰਾਂ ਤੋਂ ਸਾਮਾਨ ਚੋਰੀ ਕਰਕੇ ਸੈਂਡ ਕ੍ਰੀਕ ਰੋਡ ਸਥਿਤ ਇਸ ਡੇਲੀ ਨੂੰ ਵੇਚ ਰਹੇ ਹਨ। ਦੋਸ਼ ਹੈ ਕਿ ਡੇਲੀ ਵਲੋਂ ਇਹ ਸਾਮਾਨ ਘੱਟ ਕੀਮਤ ’ਤੇ ਖਰੀਦ ਕੇ ਦੁਕਾਨ ਵਿਚ ਮੁੜ ਵੇਚਿਆ ਜਾਂਦਾ ਸੀ। ਇਸ ਵਿਚ ਐਨਰਜੀ ਡ੍ਰਿੰਕਸ, ਬਿਊਟੀ ਪ੍ਰੋਡਕਟਸ ਅਤੇ ਸਫਾਈ ਦਾ ਸਾਮਾਨ ਸ਼ਾਮਿਲ ਸੀ। ਜਾਂਚ ਤੋਂ ਬਾਅਦ ਪੁਲਿਸ ਨੇ ਦੁਕਾਨ ਲਈ ਤਲਾਸ਼ੀ ਵਾਰੰਟ ਹਾਸਲ ਕੀਤਾ ਅਤੇ ਮਾਮਲੇ ਨਾਲ ਸੰਬੰਧਿਤ ਸਬੂਤ ਜ਼ਬਤ ਕੀਤੇ। ਮੋਹਸੇਨ ਨੂੰ ਪੁੱਛਗਿੱਛ ਲਈ ਪੁਲਿਸ ਥਾਣੇ ਲਿਜਾਇਆ ਗਿਆ, ਜਿਥੇ ਬਾਅਦ ਵਿਚ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ।ਪੁਲਿਸ ਨੇ ਮੋਹਸੇਨ ਖ਼ਿਲਾਫ਼ ਚੋਰੀ ਦੀ ਸੰਪਤੀ ਆਪਣੇ ਕੋਲ ਰੱਖਣ ਦੀ ਕੋਸ਼ਿਸ਼ ਦਾ ਦੋਸ਼ ਲਗਾਇਆ ਹੈ। ਕਾਰਵਾਈ ਪੂਰੀ ਹੋਣ ਤੋਂ ਬਾਅਦ ਉਸ ਨੂੰ ਕੋਲੋਨੀ ਟਾਊਨ ਕੋਰਟ ਵਿਚ ਪੇਸ਼ ਹੋਣ ਲਈ ਨੋਟਿਸ ਦੇ ਕੇ ਰਿਹਾਅ ਕਰ ਦਿੱਤਾ ਗਿਆ।ਕੋਲੋਨੀ ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ ਦੀ ਜਾਂਚ ਅਜੇ ਜਾਰੀ ਹੈ। ਪੁਲਿਸ ਨੇ ਇਹ ਵੀ ਸਪਸ਼ਟ ਕੀਤਾ ਹੈ ਕਿ ਚੋਰੀ ਦਾ ਸਾਮਾਨ ਖਰੀਦ ਕੇ ਅੱਗੇ ਵੇਚਣ ਵਾਲੇ ਕਾਰੋਬਾਰਾਂ ਖ਼ਿਲਾਫ਼ ‘ਰਿਟੇਲ ਥੈਫਟ ਯੂਨਿਟ’ ਕਾਰਵਾਈ ਜਾਰੀ ਰੱਖੇਗੀ।

ਪਿਛਲੀ ਖ਼ਬਰ ਇਮੈਜਨ ਸਰੀ ਸਲੇਟ ਵਲੋਂ ਸਰੀ ‘ਚ ਭਰਵੀਂ ਚੋਣ ਰੈਲੀ ਅਗਲੀ ਖ਼ਬਰ ਸੀ . ਆਈ . ਏ . ਦੇ ਸਾਬਕਾ ਉੱਚ ਅਧਿਕਾਰੀ ਨੇ ਕਬੂਲਿਆ ਇਕ ਦੋਸ਼