ਵਿਦਿਆਰਥੀਆਂ ਨੇ ਫੈਬਰਿਕ ਸਜਾਵਟ ਮੁਕਾਬਲੇ ਵਿਚ ਆਪਣੀ ਸਿਰਜਣਾਤਮਕ ਪ੍ਰਤਿਭਾ ਦਾ ਪ੍ਰਦਰਸ਼ਨ ਕੀਤਾ
ਯਮੁਨਾਨਗਰ, 22 ਸਤੰਬਰ (ਗੁਰਦਿਆਲ ਸਿੰਘ ਨਿਮਰ)- ਗੁਰੂ ਨਾਨਕ ਗਰਲਜ਼ ਕਾਲਜ ਸੰਤਪੁਰਾ ਯਮੁਨਾਨਗਰ ਦੇ ਪੋਸਟ ਗ੍ਰੈਜੂਏਟ ਟੈਕਸਟਾਈਲ ਅਤੇ ਫੈਸ਼ਨ ਡਿਜ਼ਾਈਨ ਵਿਭਾਗ ਨੇ ਵਿਦਿਆਰਥੀਆਂ ਵਿਚ ਰਚਨਾਤਮਕਤਾ, ਕਲਾਤਮਕ ਹੁਨਰ ਅਤੇ ਰਵਾਇਤੀ ਦਸਤਕਾਰੀ ਵਿਚ ਦਿਲਚਸਪੀ ਪੈਦਾ ਕਰਨ ਲਈ ਇਕ ਫੈਬਰਿਕ ਸਜਾਵਟ ਮੁਕਾਬਲਾ ਕਰਵਾਇਆ। ਮੁਕਾਬਲੇ ਵਿਚ ਵੱਖ-ਵੱਖ ਵਿਸ਼ਿਆਂ ਜਿਵੇਂ ਕਿ ਮੁੱਢਲੀ ਹੱਥ ਕਢਾਈ, ਰਵਾਇਤੀ ਕਢਾਈ, ਫੈਬਰਿਕ ਪੇਂਟਿੰਗ ਅਤੇ ਬਲਾਕ ਪ੍ਰਿੰਟਿੰਗ ਸ਼ਾਮਿਲ ਸਨ।
ਯਮੁਨਾਨਗਰ, 22 ਸਤੰਬਰ (ਗੁਰਦਿਆਲ ਸਿੰਘ ਨਿਮਰ)- ਗੁਰੂ ਨਾਨਕ ਗਰਲਜ਼ ਕਾਲਜ ਸੰਤਪੁਰਾ ਯਮੁਨਾਨਗਰ ਦੇ ਪੋਸਟ ਗ੍ਰੈਜੂਏਟ ਟੈਕਸਟਾਈਲ ਅਤੇ ਫੈਸ਼ਨ ਡਿਜ਼ਾਈਨ ਵਿਭਾਗ ਨੇ ਵਿਦਿਆਰਥੀਆਂ ਵਿਚ ਰਚਨਾਤਮਕਤਾ, ਕਲਾਤਮਕ ਹੁਨਰ ਅਤੇ ਰਵਾਇਤੀ ਦਸਤਕਾਰੀ ਵਿਚ ਦਿਲਚਸਪੀ ਪੈਦਾ ਕਰਨ ਲਈ ਇਕ ਫੈਬਰਿਕ ਸਜਾਵਟ ਮੁਕਾਬਲਾ ਕਰਵਾਇਆ। ਮੁਕਾਬਲੇ ਵਿਚ ਵੱਖ-ਵੱਖ ਵਿਸ਼ਿਆਂ ਜਿਵੇਂ ਕਿ ਮੁੱਢਲੀ ਹੱਥ ਕਢਾਈ, ਰਵਾਇਤੀ ਕਢਾਈ, ਫੈਬਰਿਕ ਪੇਂਟਿੰਗ ਅਤੇ ਬਲਾਕ ਪ੍ਰਿੰਟਿੰਗ ਸ਼ਾਮਿਲ ਸਨ। ਇਸ ਮੌਕੇ ਵਿਭਾਗ ਦੇ 35 ਵਿਦਿਆਰਥੀਆਂ ਨੇ ਇਸ ਮੁਕਾਬਲੇ ਵਿਚ ਉਤਸ਼ਾਹ ਨਾਲ ਹਿੱਸਾ ਲਿਆ। ਵਿਦਿਆਰਥੀਆਂ ਦੁਆਰਾ ਬਣਾਏ ਗਏ ਕਲਾਤਮਕ ਅਤੇ ਸਜਾਵਟੀ ਟੈਕਸਟਾਈਲ ਉਤਪਾਦਾਂ ਦਾ ਨਿਰਣਾ ਗ੍ਰਹਿ ਵਿਗਿਆਨ ਵਿਭਾਗ ਦੇ ਡਾ. ਨਿਰੂਪਮਾ ਸੈਣੀ, ਡਾ. ਵੰਦਨਾ ਸਿੰਘ ਅਤੇ ਡਾ. ਪ੍ਰਭਜੋਤ ਕੌਰ ਦੁਆਰਾ ਕੀਤਾ ਗਿਆ। ਇਸ ਮੌਕੇ ਫੈਬਰਿਕ ਪੇਂਟਿੰਗ ਵਿਚ ਸਾਕਸ਼ੀ ਅਤੇ ਖੁਸ਼ੀ ਬੱਤਰਾ ( ਬੀ. ਐੱਫ. ਡੀ. ਦੂਜੇ ਸਾਲ) ਨੂੰ ਪਹਿਲਾ, ਜਤਿੰਦਰ ਕੌਰ ਅਤੇ ਕਿਰਨ (ਬੀ. ਐੱਫ. ਡੀ. ਪਹਿਲੇ ਸਾਲ) ਨੂੰ ਦੂਜਾ, ਮਨੋਦਰੀ ਅਤੇ ਪਾਇਲ (ਬੀ. ਐੱਫ. ਡੀ. ਪਹਿਲੇ ਸਾਲ) ਨੂੰ ਤੀਜਾ ਸਥਾਨ ਨੇ ਪ੍ਰਾਪਤ ਕੀਤਾ, ਜਦਕਿ ਸਮਤਾ (ਬੀ. ਐੱਫ. ਡੀ. ਪਹਿਲੇ ਸਾਲ) ਨੂੰ ਹੌਸਲਾ ਅਫ਼ਜਾਈ ਇਨਾਮ ਮਿਲਿਆ। ਇਸ ਤਰ੍ਹਾਂ ਬਲਾਕ ਪ੍ਰਿੰਟਿੰਗ ਵਿਚ ਮਹਿਕ (ਐਮ. ਐਸ. ਸੀ. ਸੀ. ਟੀ.) ਨੇ ਪਹਿਲਾ, ਗਿਨਿਕਾ (ਐਮ. ਐਸ. ਸੀ. ਸੀ. ਟੀ. ਪਹਿਲਾ ਸਾਲ) ਨੇ ਦੂਜਾ, ਪਰਨੀਤ ਕੌਰ (ਐਮ. ਐਸ. ਸੀ. ਸੀ. ਟੀ. ਪਹਿਲਾ ਸਾਲ) ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ, ਜਦਕਿ ਪਾਇਲ (ਐਮ. ਐਸ. ਸੀ. ਸੀ. ਟੀ. ਪਹਿਲਾ ਸਾਲ) ਨੇ ਹੌਸਲਾ ਅਫ਼ਜਾਈ ਇਨਾਮ ਪ੍ਰਾਪਤ ਕੀਤਾ। ਇਸ ਤਰ੍ਹਾਂ ਬੇਸਿਕ ਕਢਾਈ ਵਿਚ ਮਨਜੀਤ (ਬੀ. ਐਫ. ਡੀ. ਤੀਜਾ ਸਾਲ) ਅਤੇ ਸਦਾਫ (ਬੀ. ਐਫ. ਡੀ. ਪਹਿਲਾ ਸਾਲ) ਨੇ ਪਹਿਲਾ, ਅਨੀਸ਼ਾ (ਬੀ. ਐਫ . ਡੀ. ਪਹਿਲਾ ਸਾਲ) ਅਤੇ ਰਜਨੀ (ਪਹਿਲਾ ਸਾਲ ਐਮ. ਐਸ. ਸੀ. ਟੀ.) ਨੇ ਦੂਜਾ ਅਤੇ ਅੰਜਲੀ (ਤੀਜਾ ਸਾਲ ਬੀ. ਐਫ. ਡੀ.), ਟਵਿੰਕਲ (ਬੀ. ਐਫ. ਡੀ. ਪਹਿਲਾ ਸਾਲ) ਅਤੇ ਭਾਵਨਾ (ਬੀ. ਐਫ. ਡੀ. ਪਹਿਲਾ ਸਾਲ) ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ, ਜਦਕਿ ਆਰਤੀ (ਬੀ. ਐਫ. ਡੀ. ਤੀਜਾ ਸਾਲ), ਤਰਨੀਤ (ਬੀ. ਐਫ. ਡੀ. ਪਹਿਲਾ ਸਾਲ) ਅਤੇ ਸਾਨੀਆ (ਪਹਿਲਾ ਸਾਲ ਬੀ. ਏ. ਜਨਰਲ) ਨੂੰ ਹੌਸਲਾ ਅਫ਼ਜਾਈ ਇਨਾਮ ਦਿੱਤੇ ਗਏ। ਇਸ ਤਰ੍ਹਾਂ ਰਵਾਇਤੀ ਕਢਾਈ ਵਿਚ ਲਵਨੀਸ਼ (ਬੀ. ਐਫ. ਡੀ. ਤੀਜਾ ਸਾਲ) ਨੇ ਪਹਿਲਾ, ਪ੍ਰਿਆ (ਬੀ. ਐਫ. ਡੀ. ਤੀਜਾ ਸਾਲ) ਨੇ ਦੂਜਾ ਅਤੇ ਵਰਿੰਦਾ (ਬੀ. ਐਫ. ਡੀ. ਦੂਜਾ ਸਾਲ) ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ। ਇਸ ਮੌਕੇ ਕਾਲਜ ਡਾਇਰੈਕਟਰ ਡਾ. ਵਰਿੰਦਰ ਗਾਂਧੀ ਅਤੇ ਪ੍ਰਿੰ. ਡਾ. ਸੁਖਵਿੰਦਰ ਕੌਰ ਨੇ ਵਿਭਾਗ ਨੂੰ ਵਧਾਈ ਦਿੱਤੀ ਅਤੇ ਵਿਦਿਆਰਥੀਆਂ ਦੇ ਯਤਨਾਂ ਅਤੇ ਉਤਸ਼ਾਹ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਵਿਦਿਆਰਥੀਆਂ ਨੂੰ ਰਚਨਾਤਮਕ ਗਤੀਵਿਧੀਆਂ ਵਿਚ ਸਰਗਰਮੀ ਨਾਲ ਹਿੱਸਾ ਲੈਣ ਅਤੇ ਆਪਣੇ ਵਿਹਾਰਕ ਹੁਨਰਾਂ ਨੂੰ ਵਿਕਸਿਤ ਕਰਨ ਲਈ ਉਤਸ਼ਾਹਿਤ ਕੀਤਾ। ਪ੍ਰੋਗਰਾਮ ਕੋਆਰਡੀਨੇਟਰ ਸੰਦੀਪ ਰੇਨ ਸਨ। ਸਾਰੇ ਸਟਾਫ ਮੈਂਬਰਾਂ, ਜਿਨ੍ਹਾਂ ਵਿਚ ਚਾਰੂ ਪੰਵਾਰ, ਕਰਿਸ਼ਮਾ, ਸ਼ਿਲਪਾ, ਸਾਕਸ਼ੀ, ਵਿਭੂਤੀ ਅਤੇ ਨਗਮਾ ਸ਼ਾਮਿਲ ਸਨ, ਨੇ ਮੁਕਾਬਲੇ ਦੀ ਸਫਲਤਾ ਵਿਚ ਮਹੱਤਵਪੂਰਨ ਯੋਗਦਾਨ ਪਾਇਆ। ਸਮੂਹਿਕ ਯਤਨਾਂ ਅਤੇ ਸਹਿਯੋਗ ਨੇ ਮੁਕਾਬਲੇ ਦੀ ਸਫਲਤਾਪੂਰਵਕ ਸਮਾਪਤੀ ਨੂੰ ਯਕੀਨੀ ਬਣਾਇਆ।
