ਅਨਾਜ ਮੰਡੀ ਦੇ ਗੇਟਾਂ ਦੀ ਹਾਲਤ ਮੰਦੀ
ਕੋਟਕਪੂਰਾ, 30 ਸਤੰਬਰ (ਰਿੰਕੂ ਮਲਹੋਤਰਾ)-ਕੋਟਕਪੂਰਾ ਅਨਾਜ ਮੰਡੀ ਮੋਗਾ ਰੋਡ ਦੇ ਮੁੱਖ ਗੇਟਾਂ ’ਤੇ ਮੰਡੀ ਵਿਚ ਪਸ਼ੂਆਂ ਨੂੰ ਠੱਲ ਪਾਉਣ, ਰਾਤ ਨੂੰ ਚੋਰੀ ਤੋਂ ਰੋਕਣ ਤੇ ਕਿਸਾਨਾਂ ਦੀਆਂ ਸਮੱਸਿਆਵਾਂ ਦਾ ਹੱਲ ਕਰਨ ਲਈ ਗੇਟ ਲਗਾਏ ਗਏ ਸਨ। ਮੌਜੂਦਾ ਸਮੇਂ ਵਿਚ ਗੇਟਾਂ ਦੀ ਹਾਲਤ ਐਨੀ ਮੰਦੀ ਹੋ ਚੁੱਕੀ ਹੈ ਕਿ ਇਨ੍ਹਾਂ ਨੂੰ ਵਰਤੋਂ ਵਿਚ ਲੈਣ ਲਈ ਕਾਫ਼ੀ ਮੁਸ਼ੱਕਤ ਕਰਨੀ ਪੈ ਸਕਦੀ ਹੈ।
ਕੋਟਕਪੂਰਾ, 30 ਸਤੰਬਰ (ਰਿੰਕੂ ਮਲਹੋਤਰਾ)-ਕੋਟਕਪੂਰਾ ਅਨਾਜ ਮੰਡੀ ਮੋਗਾ ਰੋਡ ਦੇ ਮੁੱਖ ਗੇਟਾਂ ’ਤੇ ਮੰਡੀ ਵਿਚ ਪਸ਼ੂਆਂ ਨੂੰ ਠੱਲ ਪਾਉਣ, ਰਾਤ ਨੂੰ ਚੋਰੀ ਤੋਂ ਰੋਕਣ ਤੇ ਕਿਸਾਨਾਂ ਦੀਆਂ ਸਮੱਸਿਆਵਾਂ ਦਾ ਹੱਲ ਕਰਨ ਲਈ ਗੇਟ ਲਗਾਏ ਗਏ ਸਨ। ਮੌਜੂਦਾ ਸਮੇਂ ਵਿਚ ਗੇਟਾਂ ਦੀ ਹਾਲਤ ਐਨੀ ਮੰਦੀ ਹੋ ਚੁੱਕੀ ਹੈ ਕਿ ਇਨ੍ਹਾਂ ਨੂੰ ਵਰਤੋਂ ਵਿਚ ਲੈਣ ਲਈ ਕਾਫ਼ੀ ਮੁਸ਼ੱਕਤ ਕਰਨੀ ਪੈ ਸਕਦੀ ਹੈ। ਅਨਾਜ ਮੰਡੀ ਵਿਚ ਝੋਨੇ ਦੀ ਫ਼ਸਲ ਦੀ ਆਮਦ ਸ਼ੁਰੂ ਹੋ ਚੁੱਕੀ ਹੈ। ਮੰਡੀ ਵਿਚ ਦਿਨ ਰਾਤ ਮਜ਼ਦੂਰ, ਕਿਸਾਨ, ਮੁਨੀਮ ਆੜ੍ਹਤੀਏ ਕੰਮ ਕਰ ਰਹੇ ਹਨ, ਪਰ ਇਨ੍ਹਾਂ ਗੇਟਾਂ ਵੱਲ ਅਜੇ ਤੱਕ ਪੰਜਾਬ ਮੰਡੀ ਬੋਰਡ ਜਾਂ ਮਾਰਕੀਟ ਕਮੇਟੀ ਕੋਟਕਪੂਰਾ ਦੀ ਨਜ਼ਰ ਨਹੀਂ ਪਈ। ਕਿਸਾਨਾਂ ਨੇ ਮੰਗ ਕੀਤੀ ਕਿ ਮੰਡੀ ਦੇ ਗੇਟਾਂ ਨੂੰ ਤਸੱਲੀਬਖਸ਼ ਤਰੀਕੇ ਨਾਲ ਚਲਾਇਆ ਜਾਵੇ ਅਤੇ ਕੈਟਲ ਕੈਚਰ ਦੀ ਹਾਲਤ ਵੀ ਸੁਧਾਰੀ ਜਾਵੇ ਤਾਂ ਕਿ ਅਨਾਜ ਮੰਡੀ ਵਿਚ ਪਸ਼ੂ ਨਾ ਵੜ ਸਕਣ। ਇਸ ਸਬੰਧੀ ਮਾਰਕੀਟ ਕਮੇਟੀ ਕੋਟਕਪੂਰਾ ਦੇ ਸੈਕਟਰੀ ਯੁਗਵੀਰ ਕੁਮਾਰ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਦੱਸਿਆ ਇਸ ਸਬੰਧੀ ਸਬੰਧਿਤ ਵਿਭਾਗ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ।
