ਫਗਵਾੜਾ 30 ਅਗਸਤ (ਅਸ਼ੋਕ ਕੁਮਾਰ ਵਾਲੀਆ)-ਜੀ.ਡੀ.ਆਰ. ਕਾਨਵੈਂਟ ਸੀਨੀਅਰ ਸੈਕੰਡਰੀ ਸਕੂਲ, ਹੁਸ਼ਿਆਰਪੁਰ ਰੋਡ, ਫਗਵਾੜਾ ਵਿਖੇ ਪਹਿਲੀ ਜਮਾਤ ਤੋਂ ਲੈ ਕੇ ਪੰਜਵੀਂ ਜਮਾਤ ਤੇ ਬੱਚਿਆਂ ਲਈ ਖੇਡ ਮੇਲਾ ਕਰਵਾਇਆ ਗਿਆ | ਇਸ ਵਿੱਚ ਬੱਚਿਆਂ ਲਈ ਬਹੁਤ ਸਾਰੀਆਂ ਰੋਚਕ ਖੇਡਾਂ ਕਰਵਾਈਆਂ ਗਈਆਂ | ਪਹਿਲੀ ਜਮਾਤ ਦੇ ਬੱਚਿਆਂ ਲਈ ਫਰੋਗ ਰੇਸ, ਦੂਜੀ ਜਮਾਤ ਲਈ ਚਿਕਨ ਰੇਸ, ਤੀਸਰੀ ਜਮਾਤ ਲਈ ਸੈਕ ਰੇਸ, ਚੌਥੀ ਜਮਾਤ ਲਈ ਬੁੱਕ ਬੈਲੰਸ ਰੇਸ ਕਰਵਾਈ ਗਈ | ਪੰਜਵੀਂ ਜਮਾਤ ਦੇ ਮੁੰਡਿਆਂ ਲਈ ਲੈਮਨ ਸਪੂਨ ਰੇਸ ਅਤੇ ਕੁੜੀਆਂ ਲਈ ਲੈਗਸ ਰੇਸ ਕਰਵਾਈ ਗਈ | ਚੌਥੀ ਜਮਾਤ ਤੇ ਦੋਨੋਂ ਸੈਕਸ਼ਨਾਂ ਦੇ ਮੁੰਡਿਆਂ ਵੱਲੋਂ ਕਿ੍ਕਟ ਮੈਚ ਖੇਡਿਆ ਗਿਆ | ਇਹ ਖੇਡ ਮੇਲਾ ਮੈਡਮ ਸ਼ੀਤਲ ਅਤੇ ਅਦਿੱਤਿਆ ਚੌਹਾਨ ਦੀ ਨਿਗਰਾਨੀ ਹੇਠ ਕਰਵਾਇਆ ਗਿਆ | ਫਾਈਨਲ ਖੇਡਾਂ ਵਿਚੋਂ ਪਹਿਲੇ, ਦੂਜੇ ਅਤੇ ਤੀਜੇ ਸਥਾਨ ਤੇ ਆਏ ਬੱਚਿਆਂ ਨੂੰ ਇਨਾਮ ਦਿੱਤੇ ਗਏ | ਅੰਤ ਵਿੱਚ ਸਕੂਲ ਦੇ ਪਿ੍ੰਸੀਪਲ ਮੈਡਮ ਮਾਧਵੀ ਨੇ ਜਿੱਤੇ ਹੋਏ ਖਿਡਾਰੀਆਂ ਨੂੰ ਇਨਾਮ ਵੰਡੇ |
