ਖਾਲਿਦਾ ਜ਼ੀਆ ਦਾ ਜਨਮ 1945 ਵਿਚ ਬੰਗਾਲ ਦੇ ਜਲਪਾਇਗੁੜੀ ਵਿਖੇ ਹੋਇਆ ਸੀ | ਉਨ੍ਹਾਂ ਦੇ ਪਿਤਾ ਇਸਕੰਦਰ ਅਲੀ ਮਜੂਮਦਾਰ ਇਕ ਕਾਰੋਬਾਰੀ ਸਨ ਅਤੇ ਮਾਂ ਤਾਇਬਾ ਮਜੂਮਦਾਰ ਘਰੇਲੂ ਔਰਤ ਸੀ | ਉਨ੍ਹਾਂ ਸ਼ੁਰੂਆਤੀ ਪੜ੍ਹਾਈ ਦੀਨਾਜਪੁਰ ਮਿਸ਼ਨਰੀ ਸਕੂਲ ਤੋਂ ਪ੍ਰਾਪਤ ਕੀਤੀ ਅਤੇ 1960 ਵਿਚ ਦੀਨਾਜਪੁਰ ਗਰਲਜ਼ ਸਕੂਲ ਤੋਂ ਮੈਟਿ੍ਕ ਪਾਸ ਕੀਤੀ | ਉਨ੍ਹਾਂ ਦਾ ਵਿਆਹ ਜ਼ੀਆਉਰ ਰਹਿਮਾਨ ਨਾਲ ਹੋਇਆ ਸੀ, ਜੋ ਉਸ ਸਮੇਂ ਪਾਕਿਸਤਾਨ ਫ਼ੌਜ 'ਚ ਕੈਪਟਨ ਸੀ | ਖਾਲਿਦਾ ਜ਼ੀਆ 1984 ਵਿਚ ਬੀ.ਐਨ.ਪੀ. ਦੀ ਉਪ ਪ੍ਰਧਾਨ ਚੁਣੀ ਗਈ ਅਤੇ ਉਨ੍ਹਾਂ ਦੀ ਅਗਵਾਈ 'ਚ ਬੀ.ਐਨ.ਪੀ. ਨੇ ਤਾਨਾਸ਼ਾਹੀ ਖਿਲਾਫ਼ ਅੰਦੋਲਨ ਕੀਤਾ | ਉਹ ਤਿੰਨ ਵਾਰ ਬੰਗਲਾਦੇਸ਼ ਦੀ ਪ੍ਰਧਾਨ ਮੰਤਰੀ ਬਣੇ | ਪ੍ਰਧਾਨ ਮੰਤਰੀ ਵਜੋਂ ਉਨ੍ਹਾਂ ਦਾ ਪਹਿਲਾ ਕਾਰਜਕਾਲ ਮਾਰਚ 1991 ਤੋਂ ਫਰਵਰੀ 1996 ਤੱਕ ਰਿਹਾ | ਦੂਸਰਾ ਕਾਰਜਕਾਲ ਫਰਵਰੀ 1996 'ਚ ਸ਼ੁਰੂ ਹੋਇਆ, ਜੋ ਕੁਝ ਹਫ਼ਤਿਆਂ ਤੱਕ ਚੱਲਿਆ | ਉਨ੍ਹਾਂ ਦਾ ਤੀਸਰਾ ਕਾਰਜਕਾਲ ਅਕਤੂਬਰ 2001 ਤੋਂ ਅਕਤੂਬਰ 2006 ਤੱਕ ਰਿਹਾ | ਖਾਲਿਦਾ ਜ਼ੀਆ ਦੇ ਪਰਿਵਾਰ 'ਚ ਉਨ੍ਹਾਂ ਦਾ ਵੱਡਾ ਬੇਟਾ ਤਾਰਿਕ ਰਹਿਮਾਨ, ਦੋ ਨੂੰ ਹਾਂ ਅਤੇ ਤਿੰਨ ਪੋਤੇ-ਪੋਤੀਆਂ ਹਨ |
