ਭੰਗਾਲਾ, 21 ਅਕਤੂਬਰ (ਬਲਵਿੰਦਰਜੀਤ ਸਿੰਘ ਸੈਣੀ)-ਡੀ. ਐਮ. ਆਦਰਸ਼ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਚਨੌਰ ਵਿਖੇ ਦੀਵਾਲੀ ਤੇ ਬੰਦੀ ਛੋੜ ਦਿਵਸ ਨੂੰ ਬੱਚਿਆਂ ਨੇ ਬੜੀ ਧੂਮ ਧਾਮ ਨਾਲ ਮਨਾਇਆ | ਬੱਚਿਆਂ ਨੇ ਅੱਜ ਸਾਰਾ ਦਿਨ ਇਸ ਤਿਉਹਾਰ ਨੂੰ ਕਵਿਤਾਵਾਂ, ਲੋਕ ਨਾਚ ਰੰਗੋਲੀ, ਦੀਆ ਕੈਂਡਲ ਵਰਗੀਆਂ ਗਤੀਵਿਧੀਆਂ 'ਚ ਹਿੱਸਾ ਪਾ ਕੇ ਯਾਦਗਾਰ ਬਣਾਇਆ | ਇਸ ਮੌਕੇ ਬੱਚਿਆਂ ਨੇ ਸਹੁੰ ਚੁੱਕ ਕੇ ਗਰੀਨ ਦੀਵਾਲੀ ਮਨਾਉਣ ਦਾ ਭਰੋਸਾ ਦਵਾਇਆ ਅਤੇ ਬੱਚਿਆਂ ਨੇ ਰਲੀਮਲ ਕੇ ਸਕੂਲ ਦੇ ਪ੍ਰਾਂਗਣ 'ਚ 200 ਬੱਚਿਆਂ ਦੇ ਇਕੱਠ ਨੇ ਦੀਵਾ ਬਣਾਇਆ | ਪਿ੍ੰਸੀਪਲ ਗੁਲਸ਼ਨ ਰਿਸ਼ੀਰਾਜ ਨੇ ਬੱਚਿਆਂ ਨੂੰ ਸੇਫ਼ ਅਤੇ ਗਰੀਨ ਦੀਵਾਲੀ ਮਨਾਉਣ ਵਾਸਤੇ ਪ੍ਰੋਤਸਾਹਿਤ ਕੀਤਾ | ਸਹਿਜਵੀਰ ਸਿੰਘ ਨੇ ਬੰਦੀ ਛੋੜ ਦਿਵਸ ਬਾਰੇ ਬੱਚਿਆਂ ਨੂੰ ਇਸ ਦੇ ਇਤਿਹਾਸ ਬਾਰੇ ਜਾਣੂ ਕਰਵਾਇਆ | ਦੂਜੀ ਜਮਾਤ ਦੇ ਬੱਚਿਆਂ ਨੇ ਲੋਕ ਨਾਚ ਮੈਡਮ ਮੋਨਿਕਾ ਦੇ ਦਿਸ਼ਾ ਨਿਰਦੇਸ਼ ਵਿਚ ਕੀਤਾ ਤੇ ਬੱਚਿਆਂ ਦਾ ਮਨ ਮੋਹਿਆ | ਸਕੂਲ ਦੇ ਬੱਚਿਆਂ ਨੇ ਰੰਗ ਬਿਰੰਗੀ ਥੀਮ 'ਤੇ ਆਧਾਰਿਤ ਰੰਗੋਲੀ ਬਣਾਈ, ਜਿਸ ਨੇ ਸਾਰਿਆਂ ਦਾ ਮਨ ਮੋਹ ਲਿਆ | ਨਰਿੰਦਰ ਚੌਹਾਨ ਨੇ ਵੀ ਬੱਚਿਆਂ ਨੂੰ ਦੀਵਾਲੀ ਦੇ ਤਿਉਹਾਰ ਬਾਰੇ ਅਤੇ ਇਸ ਤਿਉਹਾਰ ਦੀ ਪਵਿੱਤਰਤਾ ਬਾਰੇ ਦੱਸਿਆ | ਮੈਡਮ ਸਨੇਹ ਰਿਸ਼ੀਰਾਜ ਨੇ ਬੱਚਿਆਂ ਨੂੰ ਅਜਿਹੀਆਂ ਗਤੀਵਿਧੀਆਂ 'ਚ ਹਿੱਸਾ ਲੈਣ ਵਾਸਤੇ ਪੇ੍ਰਰਨਾ ਦਿੱਤੀ | ਇਸ ਸਮੇਂ ਸਮੂਹ ਅਧਿਆਪਕ ਨੂੰ ਦੀਵਾਲੀ ਤੇ ਬੰਦੀ ਛੋੜ ਦਿਵਸ ਦੀਆਂ ਸ਼ੁੱਭਕਾਮਨਾਵਾਂ ਦਿੱਤੀਆਂ |
