ਪੀ. ਏ. ਯੂ. ਕੇ. ਵੀ. ਕੇ. ਵਲੋਂ ਵਿਕਸਿਤ ਖੇਤੀਬਾੜੀ ਸੰਕਲਪ ਅਭਿਆਨ ਤਹਿਤ ਪ੍ਰੋਗਰਾਮ
ਅਜੀਤ ਡੈਸਕ
17-06-2025
ਗੁਰਦਾਸਪੁਰ, 16 ਜੂਨ (ਚੱਕਰਾਜਾ)-ਕ੍ਰਿਸ਼ੀ ਵਿਗਿਆਨ ਕੇਂਦਰ ਵਲੋਂ ਵਿਕਸਿਤ ਖੇਤੀਬਾੜੀ ਸੰਕਲਪ ਅਭਿਆਨ ਤਹਿਤ ਵੱਖ ਵੱਖ ਪਿੰਡਾਂ ਅੰਦਰ ਪ੍ਰੋਗਰਾਮ ਕਰਵਾਏ ਜਾ ਰਹੇ ਹਨ | ਜਿਸ ਤਹਿਤ ਪਿੰਡ ਭਾਗੋਕਾਵਾਂ, ਭਰਥ ਕਾਜੀਚੱਕ, ਕਲੀਚਪੁਰ ਆਦਿ ਵਿਖੇ ਵੀ ਜਾਗਰੂਕਤਾ ਪ੍ਰੋਗਰਾਮ ਕਰਵਾਏ ਗਏ | ਕੇਂਦਰ ਦੇ ਸਹਿਯੋਗੀ ਨਿਰਦੇਸ਼ਕ ਡਾ: ਸਰਬਜੀਤ ਸਿੰਘ ਔਲਖ ਦੀ ਅਗਵਾਈ ਹੇਠ ਕਰਵਾਏ ਇਨ੍ਹਾਂ ਪ੍ਰੋਗਰਾਮਾਂ 'ਚ ਸਹਿਯੋਗੀ ਪ੍ਰੋ: ਭੂਮੀ ਵਿਗਿਆਨ ਸਤਵਿੰਦਰਜੀਤ ਕੌਰ ਨੇ ਮਿੱਟੀ ਦੀ ਪਰਖ ਤੇ ਖਾਦ ਪ੍ਰਬੰਧਾਂ, ਡਾ: ਅਨਿਲ ਕੁਮਾਰ ਖੋਖਰ ਨੇ ਝੋਨੇ ਦੀਆਂ ਉੱਤਮ ਕਿਸਮਾਂ ਤੇ ਪਨੀਰੀ ਦੀ ਦੇਖਭਾਲ, ਡਾ: ਯਾਮਿਨੀ ਸ਼ਰਮਾ ਨੇ ਸਬਜ਼ੀਆਂ ਤੇ ਫਲਾਂ ਦੀ ਕਾਸ਼ਤ, ਡਾ: ਰਾਜਵਿੰਦਰ ਕੌਰ ਨੇ ਝੋਨੇ ਤੇ ਬਾਸਮਤੀ 'ਚ ਬੀਜ ਦੀ ਸੋਧ ਤੇ ਸਾਉਣੀ ਦੀਆਂ ਫ਼ਸਲਾਂ 'ਚ ਕੀੜੇ ਮਕੌੜੇ ਅਤੇ ਬਿਮਾਰੀਆਂ ਦੀ ਰੋਕਥਾਮ, ਡਾ: ਅੰਕੁਸ਼ ਪਰੋਚ ਨੇ ਪਸ਼ੂਆਂ ਦੀ ਸੰਭਾਲ ਤੇ ਹੋਰ ਬਿਮਾਰੀਆਂ ਬਾਰੇ ਜਾਗਰੂਕ ਕੀਤਾ |