ਪਠਾਨਕੋਟ, 3 ਦਸੰਬਰ (ਸੰਧੂ)- ਡਾ: ਅਸ਼ਵਨੀ ਸਾਮੀ ਨੇ ਅਮਨਦੀਪ ਹਸਪਤਾਲ ਪਠਾਨਕੋਟ ਵਿਖੇ ਬਾਲ ਰੋਗ ਮਾਹਿਰ ਵਜੋਂ ਅਹੁਦਾ ਸੰਭਾਲਿਆ ਹੈ | ਉਹ ਸਵੇਰੇ 10 ਵਜੇ ਤੋਂ ਦੁਪਹਿਰ 3 ਵਜੇ ਅਤੇ ਸ਼ਾਮ 6 ਵਜੇ ਤੋਂ ਰਾਤ 8 ਵਜੇ ਤੱਕ ਸੇਵਾਵਾਂ ਪ੍ਰਦਾਨ ਕਰਨਗੇ | ਉਹ ਨਵਜੰਮੇ ਬੱਚਿਆਂ, ਬੱਚਿਆਂ ਵਿਚ ਹਾਰਮੋਨਲ ਵਿਕਾਰ, ਬਚਪਨ ਦੀਆਂ ਬਿਮਾਰੀਆਂ, ਰੁਕਿਆ ਹੋਇਆ ਵਿਕਾਸ ਤੇ ਵਿਕਾਸ, ਬੱਚਿਆਂ ਦੀਆਂ ਐਮਰਜੈਂਸੀਆਂ, ਬਚਪਨ ਦੀਆਂ ਐਲਰਜੀਆਂ ਤੇ ਬਚਪਨ ਦੇ ਦੌਰੇ (ਮਿਰਗੀ) ਦਾ ਇਲਾਜ ਕਰਨਗੇ | ਅਮਨਦੀਪ ਹਸਪਤਾਲ ਪਠਾਨਕੋਟ ਦੇ ਡਾਇਰੈਕਟਰ ਫੇਸਲੀਟੇਟਰ ਵਿਜੇ ਥਾਪਾ ਨੇ ਉਨ੍ਹਾਂ ਦਾ ਫੁੱਲਾਂ ਦੇ ਗੁਲਦਸਤੇ ਨਾਲ ਨਿੱਘਾ ਸਵਾਗਤ ਕੀਤਾ ਤੇ ਡਾ: ਅਸ਼ਵਨੀ ਸਾਮੀ ਦੇ ਤਜਰਬੇ ਤੇ ਬੱਚਿਆਂ ਦੀ ਸਿਹਤ ਅਤੇ ਦੇਖਭਾਲ ਨੂੰ ਨਵੀਆਂ ਉਚਾਈਆਂ 'ਤੇ ਲਿਜਾਣ ਦੀ ਵਚਨਬੱਧਤਾ ਲਈ ਧੰਨਵਾਦ ਪ੍ਰਗਟ ਕੀਤਾ | ਇਹ ਧਿਆਨਦੇਣ ਯੋਗ ਹੈ ਕਿ ਡਾ: ਅਸ਼ਵਨੀ ਸਾਮੀ ਪਹਿਲਾਂ ਸਿਵਲ ਹਸਪਤਾਲ, ਪਠਾਨਕੋਟ ਵਿਖੇ ਸੇਵਾ ਨਿਭਾ ਚੁੱਕੇ ਸਨ |