ਗੱਗੋਮਾਹਲ, 22 ਨਵੰਬਰ (ਬਲਵਿੰਦਰ ਸਿੰਘ ਸੰਧੂ)-ਇਤਿਹਾਸਕ ਗੁਰਦੁਆਰਾ ਪਰੋ ਸਾਹਿਬ ਸੁਧਾਰ ਵਿਖੇ ਬਾਬਾ ਵਰਿਆਮ ਸਿੰਘ ਦੀ ਰਹਿਨੁਮਾਈ ਹੇਠ ਖੂਨਦਾਨ ਕੈਂਪ ਲਗਾਇਆ ਗਿਆ | ਕੈਂਪ ਦੇ ਪ੍ਰਬੰਧਕ ਡਾ. ਜਗਤਾਰ ਸਿੰਘ ਗਿੱਲ ਭਾਈ ਘਨ੍ਹਈਆ ਹਸਪਤਾਲ ਸੁਧਾਰ, ਐੱਚ. ਡੀ. ਐੱਫ. ਸੀ. ਬੈਂਕ ਅਜਨਾਲਾ ਦੇ ਮੈਨੇਜਰ ਸੰਦੀਪ ਸਿੰਘ, ਰਣਜੋਧ ਸਿੰਘ, ਹਿਮਾਲੀਆ ਪਬਲਿਕ ਸਕੂਲ ਮਾਕੋਵਾਲ ਦੇ ਜੁਗਰਾਜ ਸਿੰਘ, ਫਿਲਿੰਗ ਸਟੇਸ਼ਨ ਸੁਧਾਰ ਦੇ ਪ੍ਰਜੋਦ ਸਿੰਘ ਮਾਕੋਵਾਲ, ਪਰਮਜੀਤ ਸਿੰਘ ਚਮਿਆਰੀ ਦੇ ਸਹਿਯੋਗ ਨਾਲ ਲਗਾਏ ਗਏ ਕੈਂਪ ਵਿਚ 25 ਲੋਕਾਂ ਨੇ 25 ਯੂਨਿਟ ਖੂਨਦਾਨ ਕੀਤਾ | ਕੈਂਪ ਦੌਰਾਨ ਅਜਨਾਲਾ ਸਿਵਲ ਹਸਪਤਾਲ ਤੋਂ ਡਾ. ਅਭਿਸ਼ੇਕ ਗੋਇਲ, ਰਮਨਦੀਪ ਕੌਰ, ਸਤਿੰਦਰਬੀਰ ਕੌਰ, ਰੀਤੂ ਸ਼ਰਮਾ, ਸੰਦੀਪ ਸਿੰਘ, ਬਲਜੀਤ ਸਿੰਘ, ਕੁਲਦੀਪ ਸਿੰਘ ਨੇ ਦੱਸਿਆ ਕਿ ਖੂਨਦਾਨ ਜੀਵਨ ਦਾਨ ਹੈ, ਸਾਡੇ ਦੁਆਰਾ ਦਾਨ ਕੀਤੇ ਖੂਨ ਨਾਲ ਕੀਮਤੀ ਜ਼ਿੰਦਗੀ ਬਚ ਸਕਦੀ ਹੈ | ਇਸ ਸਮੇ ਖੂਨਦਾਨ ਕਰਨ ਵਾਲੇ ਵਿਅਕਤੀਆਂ ਨੂੰ ਪ੍ਰਮਾਣ ਪੱਤਰ ਵੀ ਦਿੱਤੇ | ਇਸ ਮੌਕੇ ਐੱਚ. ਡੀ. ਐੱਫ. ਸੀ. ਬੈਂਕ ਚਮਿਆਰੀ ਦੇ ਮੈਨੇਜਰ ਅਰਵਿੰਦ ਅਰੋੜਾ, ਬਚਿੱਤਰ ਸਿੰਘ, ਹਰਪ੍ਰੀਤ ਸਿੰਘ ਸੰਨੀ ਵਿਛੋਆ ਆਦਿ ਹਾਜ਼ਰ ਸਨ |
