ਪੱਟੀ, 30 ਦਸੰਬਰ (ਕੁਲਵਿੰਦਰਪਾਲ ਸਿੰਘ ਕਾਲੇਕੇ, ਅਵਤਾਰ ਸਿੰਘ ਖਹਿਰਾ)-ਵੁੱਡ ਬਲਾਸਮ ਸਕੂਲ ਪੱਟੀ ਦੇ ਵਿਦਿਆਰਥੀਆਂ ਵਲੋਂ ਇੰਟਰੈਕਟ ਪ੍ਰੋਜੈਕਟ ਤਹਿਤ ਬੇਕਾਰ ਪਲਾਸਟਿਕ ਦੀ ਵਰਤੋਂ ਕਰਕੇ ਇਕੋ ਬਿ੍ਕਸ ਬਣਾਉਣ ਦੀ ਪਹਿਲ ਡਿਸਟਿ੍ਕਟ 3070 ਦੇ ਸਾਰੇ ਇੰਟਰੈਕਟ ਕਲੱਬਾਂ ਲਈ ਇਕ ਅੱਖਾਂ ਖੋਲ੍ਹਣ ਵਾਲਾ ਅਨੁਭਵ ਸਾਬਿਤ ਹੋਈ ਹੈ | ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਵੁੱਡ ਬਲੋਸਮ ਸਕੂਲ ਪੱਟੀ ਦੀ ਪਿ੍ੰਸੀਪਲ ਤਾਨੀਆ ਖੁਰਾਣਾ ਮਾਵੀ ਨੇ ਦੱਸਿਆ ਕਿ ਇਸ ਡਿਸਟਿ੍ਕਟ ਵਿਚ ਪੰਜਾਬ, ਹਿਮਾਚਲ ਪ੍ਰਦੇਸ਼, ਜੰਮੂ ਅਤੇ ਕਸ਼ਮੀਰ ਦੇ ਸਕੂਲੀ ਇੰਟਰੈਕਟ ਕਲੱਬ ਸ਼ਾਮਿਲ ਹਨ | ਇਸ ਪ੍ਰੋਜੈਕਟ ਨੂੰ ਦੱਖਣੀ ਏਸ਼ੀਆ ਦੀ ਇਕ ਮੈਗਜ਼ੀਨ ਵਿਚ ਵਿਸ਼ੇਸ਼ ਤੌਰ 'ਤੇ ਪ੍ਰਕਾਸ਼ਿਤ ਕੀਤਾ ਗਿਆ ਹੈ ਅਤੇ ਇਹ ਦੁਨੀਆਂ ਭਰ ਵਿਚ ਸੁਰਖੀਆਂ ਬਣਾਉਂਦਾ ਜਾ ਰਿਹਾ ਹੈ | ਇਸ ਹੱਥੋ-ਹੱਥ ਅਨੁਭਵ ਵਾਲੀ ਪਹਿਲ ਨੇ ਵਿਦਿਆਰਥੀਆਂ ਵਿਚ ਜਿੰਮੇਵਾਰ ਪਲਾਸਟਿਕ ਪ੍ਰਬੰਧਨ ਦੀ ਸਮਝ ਨੂੰ ਹੋਰ ਗਹਿਰਾ ਕੀਤਾ ਅਤੇ ਟਿਕਾਊ ਜੀਵਨ ਸ਼ੈਲੀ ਵੱਲ ਯੋਗਦਾਨ ਪਾਉਣ ਲਈ ਪ੍ਰਭਾਵਸ਼ਾਲੀ ਕਦਮ ਚੁੱਕਣ ਦੀ ਪ੍ਰੇਰਨਾ ਦਿੱਤੀ | ਇਹ ਪਹਿਲ ਵੁੱਡ ਬਲਾਸਮ ਸਕੂਲ ਦੇ ਇੰਟਰੈਕਟ ਕਲੱਬ ਦੀ ਅਗਵਾਈ ਹੇਠ ਕੀਤੀ ਗਈ, ਜਿਸ ਵਿਚ ਨੈਸ਼ਨਲ ਪਬਲਿਕ ਸਕੂਲ ਨੌਸ਼ਹਿਰਾ ਪੰਨੂੰਆਂ ਅਤੇ ਗਵਰਨਮੈਂਟ ਗਰਲਜ਼ ਸਕੂਲ, ਕੈਰੋਂ ਦੇ ਇੰਟਰੈਕਟ ਕਲੱਬਾਂ ਨੇ ਭਰਪੂਰ ਭਾਗੀਦਾਰੀ ਕੀਤੀ |
