ਲੁਧਿਆਣਾ, 22 ਨਵੰਬਰ (ਭੁਪਿੰਦਰ ਸਿੰਘ ਬੈਂਸ)-ਸਿਵਲ ਹਸਪਤਾਲ ਵਿਚ ਬਲੱਡ ਬੈਂਕ ਦੇ ਪਿੱਛੇ ਖਾਲੀ ਥਾਂ 'ਤੇ ਪਿਆ ਕੂੜਾ ਅਚਾਨਕ ਅੱਗ ਦੀ ਲਪੇਟ 'ਚ ਆ ਗਿਆ, ਜਿਸ ਨਾਲ ਹਸਪਤਾਲ ਵਿਚ ਅਫਰਾ ਤਫਰੀ ਮੱਚ ਗਈ | ਧੰੂਏਾ ਦੇ ਗੁੱਛੇ ਅਸਮਾਨ 'ਚ ਫੈਲ ਜਾਣ ਕਾਰਨ ਮਰੀਜ਼ਾਂ ਤੇ ਸਟਾਫ਼ ਵਿਚ ਚਿੰਤਾ ਦਿਖਾਈ ਦਿੱਤੀ | ਜਾਣਕਾਰੀ ਮੁਤਾਬਿਕ ਇਕ ਵਿਅਕਤੀ ਨੇ ਅੱਜ ਸਵੇਰੇ ਕੂੜੇ ਵਿਚ ਅੱਗ ਲਗਦੀ ਦੇਖ ਕੇ ਤੁਰੰਤ ਸਟਾਫ਼ ਨੰੂ ਸੂਚਿਤ ਕੀਤਾ | ਹਸਪਤਾਲ ਸਟਾਫ਼ ਨੇ ਪਹਿਲਾਂ ਆਪਣੇ ਪੱਧਰ 'ਤੇ ਅੱਗ 'ਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਕੀਤੀ, ਪਰ ਅੱਗ ਵਧਣ ਕਾਰਨ ਫਾਇਰ ਬਿ੍ਗੇਡ ਨੂੰ ਸੂਚਿਤ ਕੀਤਾ ਗਿਆ | ਫਾਇਰ ਬਿ੍ਗੇਡ ਦਾ ਅਮਲਾ ਮੌਕੇ 'ਤੇ ਪੁੱਜਿਆ ਤੇ ਲਗਭਗ ਇਕ ਘੰਟੇ ਦੀ ਮਸ਼ੱਕਤ ਤੋਂ ਬਾਅਦ ਅੱਗ 'ਤੇ ਕਾਬੂ ਪਾਇਆ ਗਿਆ | ਖੁਦਕਿਸਮਤੀ ਰਹੀ ਕਿ ਕਿਸੇ ਵੀ ਤਰ੍ਹਾਂ ਦਾ ਜਾਨੀ ਨੁਕਸਾਨ ਨਹੀਂ ਹੋਇਆ | ਅੱਗ ਲੱਗਣ ਦਾ ਅਸਲ ਕਾਰਨ ਪਤਾ ਨਹੀਂ ਲੱਗ ਸਕਿਆ, ਪਰ ਚਰਚਾ ਹੈ ਕਿ ਇਹ ਅੱਗ ਕਿਸੇ ਬੀੜੀ ਜਾਂ ਸਿਗਰਟ ਦੀ ਚਿੰਗਾਰੀ ਨਾਲ ਲੱਗੀ ਹੋ ਸਕਦੀ ਹੈ | ਹਸਪਤਾਲ ਪ੍ਰਸ਼ਾਸਨ ਵਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ |
