ਲਾਡੋਵਾਲ, 22 ਨਵੰਬਰ (ਬਲਬੀਰ ਸਿੰਘ ਰਾਣਾ)-ਪਿੰਡ ਛੋਅਲੇ ਪੱਤੀ ਤੋਂ ਪਿੰਡ ਮੰਨੇਵਾਲ, ਐਨ.ਡੀ.ਆਰ.ਐਫ., ਸੀਡ ਫਾਰਮ ਅਤੇ ਮੈਗਾ ਫੂਡ ਨੂੰ ਜਾਣ ਵਾਲੀ ਸੜਕ ਦੇ ਥਾਂ-ਥਾਂ ਤੋਂ ਟੁੱਟਣ ਨਾਲ ਇਲਾਕਾ ਨਿਵਾਸੀਆਂ ਅਤੇ ਹੋਰ ਰਾਹਗੀਰਾਂ ਨੂੰ ਲੰਘਣ ਵਿਚ ਬੜੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ | ਇਲਾਕੇ ਦੇ ਲੋਕਾਂ ਨੇ ਦੱਸਿਆ ਕਿ ਸਰਕਾਰ ਨੇ ਪਿੰਡ ਛੋਅਲੇ ਪੱਤੀ ਦੀ ਪਿੰਡ ਤੱਕ ਸੜਕ ਬਣਾ ਕੇ ਕੁੱਝ ਲੋਕ ਤਾਂ ਜ਼ਰੂਰ ਖੁਸ਼ ਕਰ ਦਿੱਤੇ ਹੋਣਗੇ, ਲੇਕਿਨ ਬਾਕੀ ਲੋਕਾਂ ਦੇ ਨਾਲ ਸੜਕ ਨਾ ਬਣਾ ਕੇ ਮਤਰੇਈ ਮਾਂ ਵਾਲਾ ਸਲੂਕ ਕੀਤਾ ਹੈ | ਲੋਕਾਂ ਨੇ ਹਲਕਾ ਵਿਧਾਇਕ ਤੋਂ ਮੰਗ ਕਰਦਿਆਂ ਕਿਹਾ ਕਿ ਇਸ ਸੜਕ ਦੇ ਟੁੱਟਣ ਕਾਰਨ ਲੋਕਾਂ ਦਾ ਭਾਰੀ ਨੁਕਸਾਨ ਹੋ ਰਿਹਾ | ਕਿਰਪਾ ਕਰਕੇ ਬਾਕੀ ਰਹਿੰਦੀ ਸੜਕ ਨੂੰ ਜਲਦੀ ਪੂਰਾ ਕੀਤਾ ਜਾਵੇ |
